CONNECT WITH US  

ಪಕ್ಷಿಗಳೂ ಮದ್ಯ ಸೇವಿಸಿ ತೂರಾಡುತ್ತವಂತೆ!

ಪಕ್ಷಿಗಳು ಗಾಜಿನ ಗೋಡೆಗೆ ಡಿಕ್ಕಿ ಹೊಡೆಯುವುದು, ಬೀದಿ ದೀಪದ ಕಡೆಯೇ ನುಗ್ಗುವುದು, ವಾಹನಗಳ ಕಿಟಕಿಯೊಳಗೆ ನುಗ್ಗುವಂಥ ಕೆಲಸಗಳನ್ನು ಸಾಮಾನ್ಯವಾಗಿ ಮಾಡುತ್ತವೆ. ಅವುಗಳಿಗೆ ತಾವು ಎಲ್ಲಿಗೆ ನುಗ್ಗುತ್ತಿದ್ದೇವೆ ಎಂದು ತಿಳಿಯದೇ ಹಾಗೆ ಮಾಡುತ್ತವೆ ಎಂದು ನಾವು ತಿಳಿದಿದ್ದೇವೆ. ಅಮೆರಿಕದ ಮಿನ್ನಿಸೋಟದಲ್ಲಿ ಪಕ್ಷಿಗಳು ಈ ರೀತಿ ಗೊಂದಲಕ್ಕೀಡಾದಂತೆ ವರ್ತಿಸುವುದು, ಜನರಿಗೆ ತೊಂದರೆ ಕೊಡುವುದು ಸಾಮಾನ್ಯವಂತೆ. ಇತ್ತೀಚೆಗೆ ಪಕ್ಷಿತಜ್ಞರೊಬ್ಬರು ಇದಕ್ಕೆ ಕಾರಣ ಕಂಡುಹಿಡಿದಿದ್ದಾರೆ.

ಅದೇನೆಂದರೆ ಪಕ್ಷಿಗಳು ಮದ್ಯಪಾನ ಮಾಡುತ್ತವೆ!. ಇದನ್ನು ಕೇಳಿ ಆಶ್ಚರ್ಯ ಪಡಬೇಡಿ. ಅವುಗಳು ಮದ್ಯ ಸೇವಿಸುವುದು ಮಾಗಿ, ಆಲ್ಕೊಹಾಲ್‌ ಆಗಿರುವ ಬೆರ್ರಿ ಹಣ್ಣುಗಳನ್ನು ಸೇವಿಸುವ ಮೂಲಕ. ಬೆಳಗ್ಗೆ ಮಂಜು ಬಿದ್ದು ನಂತರ ಸೂರ್ಯನ ಬಿಸಿಲು ಬಿದ್ದ ಬಳಿಕ ಬೆರ್ರಿ ಹಣ್ಣುಗಳಲ್ಲಿ ಮದ್ಯದ ಅಂಶ ಇರುತ್ತದೆ. ಇವುಗಳನ್ನು ಸೇವಿಸಿ ಪಕ್ಷಿಗಳು ಅದರ ನಶೆಯಲ್ಲಿ ವಿಪರೀತವಾಗಿ ವರ್ತಿಸುತ್ತವೆ. ಅಂಥ ಪಕ್ಷಿಗಳು ಸಾಮಾನ್ಯವಾಗಿ ಅವುಗಳು ಹಾರಾಡುವ ಎತ್ತರಕ್ಕಿಂತ ಕೆಳಗೆ ಹಾರಾಡುತ್ತವೆ. ಎಲ್ಲೆಂದರಲ್ಲಿ ನುಗ್ಗುತ್ತವೆ. ಮನುಷ್ಯರ ಭಯವೇ ಇಲ್ಲದೇ ವರ್ತಿಸುತ್ತವೆ. ರಾಬಿನ್‌ ಪಕ್ಷಿಗಳು ಮಾಗಿದ ಬೆರ್ರಿ ಹಣ್ಣುಗಳ್ನನು ಹೆಚ್ಚು ಸೇವಿಸುತ್ತವೆ ಎಂದೂ ಹೇಳಿದ್ದಾರೆ.

Trending videos

Back to Top