CONNECT WITH US  

ಸಿಸಿಟಿವಿಯಲ್ಲಿ ಸಿಕ್ಕಿಬಿದ್ದ  ಕಳ್ಳನೃತ್ಯ!

ಮನೆಗಳು, ಬೀದಿಗಳಲ್ಲಿ ಸಿಸಿಟಿವಿ ಅಳವಡಿಸಿದರೂ ಕಳ್ಳತನ ನಿಲ್ಲುತ್ತಿಲ್ಲ. ಯಾಕೆಂದರೆ ಕಳ್ಳರಿಗೆ ಸಿಸಿಟಿವಿ ಭಯವೇ ಇಲ್ಲ. ಗುಜರಾತ್‌ನ ಗಾಂಧಿನಗರದಲ್ಲಿ ಅಪಾರ್ಟ್‌ಮೆಂಟ್‌ ಒಂದರ ಫ್ಲಾಟ್‌ಗೆ ನುಗ್ಗಿದ ಕಳ್ಳರ ಗ್ಯಾಂಗ್‌ ಪೈಕಿ ಒಬ್ಬನಂತೂ ಸಿಸಿಟಿವಿ ಎದುರಿಗೇ ಡ್ಯಾನ್ಸೂ ಮಾಡಿದ್ದಾನೆ! ಈತ ಪೊಲೀಸರಿಗೆ ಕಿಚಾಯಿಸಲು ಡ್ಯಾನ್ಸ್‌ ಮಾಡಿದಂತಿದೆ. ಈತನ ಕಳ್ಳ ಸ್ನೇಹಿತರು ಕದ್ದು ಹೊರಗೆ ಹೊಗುತ್ತಿದ್ದಂತೆಯೇ ಬಟ್ಟೆಯನ್ನು ಮುಚ್ಚಿಹಾಕಿಕೊಂಡು ಸಿಸಿಟಿವಿ ಕ್ಯಾಮೆರಾ ಬಳಿ ಬಂದ ಕಳ್ಳ ಮನಬಂದಂತೆ ಡ್ಯಾನ್ಸ್‌ ಮಾಡಿ ಹೋಗಿದ್ದಾನೆ. ಆದರೆ ಫ್ಲಾಟ್‌ ಮಾಲೀಕರ ಅದೃಷ್ಟಕ್ಕೆ ಆತನ ಮುಖ ಸ್ವಲ್ಪ ಕಾಣುವಂತಿದೆ.

ಹೀಗಾಗಿ ಪೊಲೀಸರು ಈತನಿಗಾಗಿ ಬಲೆ ಬೀಸಿದ್ದಾರೆ. ಇದೇ ಅಪಾರ್ಟ್‌ಮೆಂಟ್‌ನ ಇತರ ಕೆಲವು ಮನೆಗಳಲ್ಲೂ ಇದೇ ಕಳ್ಳರ ಗ್ಯಾಂಗ್‌ ದರೋಡೆ ನಡೆಸಿದೆ. ಒಂದು ಮನೆಯಲ್ಲಿ 60 ಸಾವಿರಕ್ಕೂ ಹೆಚ್ಚು ಮೌಲ್ಯದ ಸಾಮಗ್ರಿ ಕಳುವಾಗಿದೆ. ಆದರೆ ಡ್ಯಾನ್ಸ್‌ ಮಾಡಿದ ಫ್ಲಾಟ್‌ನಲ್ಲಿ ಎಷ್ಟು ಮೌಲ್ಯದ ಸಾಮಗ್ರಿ ಕಳುವಾಗಿದೆ ಎಂಬ ಮಾಹಿತಿ ಇನ್ನೂ ತಿಳಿದುಬಂದಿಲ್ಲ

Trending videos

Back to Top