ಮನೆ ಮಂದಿಯನ್ನು ಹೊರಗೆ ನಿಲ್ಲಿಸಿದ ಹಾವು

Team Udayavani, Oct 13, 2018, 4:27 AM IST

ವಸತಿ ಪ್ರದೇಶದ ಒಳಗೆ ಬರುವ ಹಾವುಗಳು ಮಾಡುವ ಕಿತಾಪತಿ ಒಂದೆರಡಲ್ಲ. 8 ಅಡಿ ಉದ್ದದ ಹಾವೊಂದು ಒಂದು ಇಡೀ ಕುಟುಂಬವನ್ನು ಅವರ ಸ್ವಂತ ಮನೆಯೊಳಗೆ ಕಾಲಿಡದಂತೆ ಕಾವಲು ಹಾಕಿತ್ತು. ಅಮೆರಿಕದ ಫ್ಲೋರಿಡಾದಲ್ಲಿ ಈ ಘಟನೆ ನಡೆದಿದೆ.

8 ಅಡಿ ಉದ್ದದ ಬೋವಾ ಕಂಸ್ಟ್ರಿಕ್ಟರ್‌ (ಅಮೆರಿಕದ ಒಂದು ಜಾತಿಯ ವಿಷಕಾರಿ ಹಾವು) ಬಾಗಿಲಿಗೆ ಅಡ್ಡಲಾಗಿ ಮಲಗಿತ್ತು. ಅದು ಅಲ್ಲಿಂದ ಹೊರಡಲಿ ಎಂದು ಕುಟುಂಬದವರು ಕಾಯುತ್ತಲೇ ನಿಂತಿದ್ದರು. ಆದರೆ ಹಾವು ತಾನು ಬಾಗಿಲ ಬಿಟ್ಟು ಕದಲುವುದಿಲ್ಲ ಎಂಬತೆ ಬಾಗಿಲಿಗೆ ಕಾವಲು ಹಾಕಿತ್ತು. ಕಾದು ಕಾದು ಸುಸ್ತಾದ ಬಳಿಕ, ಮನೆಯವರು ಅಗ್ನಿ ಶಾಮಕ ದಳದ ಉರಗ ತಜ್ಞರ ವಿಭಾಗಕ್ಕೆ ಕರೆ ಮಾಡಿದರು. ಅವರು ಬಂದು ಹಾವನ್ನು ಹಿಡಿದುಕೊಂಡು ಹೋಗುವವರೆಗೂ ಅದು ಕದಲಿರಲಿಲ್ಲ.