ತರಗತಿಗಳಲ್ಲಿ ಮೀಮ್‌ ಬಳಕೆ

Team Udayavani, Oct 22, 2018, 5:37 AM IST

ಶಿಕ್ಷಕ ವೃತ್ತಿ ಸುಲಭದ ವೃತ್ತಿಯಲ್ಲ. ಅದರಲ್ಲೂ ಹದಿಹರೆಯದ ಮಕ್ಕಳನ್ನು ನಿಯಂತ್ರಣಕ್ಕೆ ತೆಗೆದುಕೊಂಡು ಅವರಿಗೆ ಪಾಠ ಮಾಡುವಷ್ಟರಲ್ಲಿ ಶಿಕ್ಷಕರು ಸುಸ್ತಾಗುತ್ತಾರೆ. ಆದರೆ ಹೈಸ್ಕೂಲ್‌ ಮಕ್ಕಳಿಗೆ ಮಾಧ್ಯಮ ಶಿಕ್ಷಣ ವಿಷಯ ಬೋಧಿಸುವ ಶಿಕ್ಷಕಿಯೊಬ್ಬರು ಮನೆಗೆಲಸವನ್ನು ಮಾಪನ ಮಾಡುವ ಕೆಲಸದಲ್ಲಿ ವಿನೂತನ ಶೈಲಿ ಅನುಸರಿಸುತ್ತಿದ್ದಾರೆ. ಜಾಲತಾಣಗಳಲ್ಲಿ ಇಮೋಜಿಗಳ, ಮೀಮ್‌ಗಳ ಮೂಲಕ ಫೋಟೊ, ಪೋಸ್ಟ್‌ಗಳಿಗೆ ಪ್ರತಿಕ್ರಿಯಿಸುವ ರೀತಿಯೇ ಅವರು ಹೋಂವರ್ಕ್‌ಗೆ ಪ್ರತಿಕ್ರಿಯೆ ನೀಡುತ್ತಾರೆ. ಮೀಮ್‌ಗಳ ಅಚ್ಚು ತೆಗೆದುಕೊಂಡು ವಿದ್ಯಾರ್ಥಿಗಳ ಹೋಮ್‌ ವರ್ಕ್‌ಗೆ ಅಂಟಿಸಿ ತಮ್ಮ ಮೆಚ್ಚುಗೆ ಅಥವಾ ಪ್ರತಿಕ್ರಿಯೆ ನೀಡುತ್ತಾರೆ. ತಮ್ಮ ಹೊಸ ಅನ್ವೇಷಣೆಯನ್ನು ಅವರು ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಅದಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.