ಮಗಳ ಜೊತೆ ಇರಲು 6 ವಿಮಾನಗಳಿಗೆ ಟಿಕೆಟ್‌

Team Udayavani, Dec 29, 2018, 4:47 AM IST

ನಮ್ಮ ಪೋಷಕರಷ್ಟು ನಮ್ಮನ್ನು ಯಾರೂ ಪ್ರೀತಿಸುವುದಿಲ್ಲ. ಆದರೂ ಕೆಲವೊಮ್ಮೆ ಅವರ ಪ್ರೀತಿ ತೀವ್ರವಾಗಿ ಅನುಭವಕ್ಕೆ ಬರುತ್ತದೆ. ಅಮೆರಿಕದಲ್ಲಿ ತಂದೆ ಯೊಬ್ಬರು ತಮ್ಮ ಮಗಳಿಗೆ ತೋರಿದ ಪ್ರೀತಿ ಈಗ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆ ಗಳಿಸಿದೆ.

ಗಗನಸಖೀ ಆಗಿ ಕಾರ್ಯನಿರ್ವಹಿಸುತ್ತಿರುವ ಮಗಳಿಗೆ ಕ್ರಿಸ್‌ಮಸ್‌ಗೆ ರಜೆ ಸಿಗಲಿಲ್ಲವೆಂದು ತಂದೆ ಇಡೀ
ದಿನ ವಿಮಾನದಲ್ಲಿ ಪ್ರಯಾಣಿಸಿ ಮಗಳ ಜೊತೆ ಕಳೆದಿದ್ದಾರೆ. ಪಿಯೆರ್ ವಾಘನ್‌ ಅಮೆರಿಕದ ಫ್ರೋ  ಡೆಲ್ಟಾ ಏರ್‌ಲೈನ್ಸ್‌ನಲ್ಲಿ ಗಗನ ಸಖೀ. ಕ್ರಿಸ್‌ಮಸ್‌ಗೆ ಅವರಿಗೆ ರಜೆ ಸಿಕ್ಕಿರಲಿಲ್ಲ. ಮಗಳನ್ನು ಬಿಟ್ಟು ಹಬ್ಬ ಆಚರಿಸಲು ತಂದೆಗೆ ಮನಸ್ಸಾಗದೇ ಅವರು, ಮಗಳು ಅಂದು ಕಾರ್ಯನಿರ್ವಹಿಸಲಿದ್ದ 6 ವಿಮಾನಗಳಿಗೂ ಟಿಕೆಟ್‌ ಕೊಂಡು ಪ್ರಯಾಣ ಮಾಡಿದ್ದಾರೆ. ಅವರ ಸಹಪ್ರಯಾಣಿಕರೊಬ್ಬರಿಗೆ ಈ ವಿಚಾರ ತಿಳಿದು, ಅವರು ಫೇಸ್‌ಬುಕ್‌ನಲ್ಲಿ ಈ ಕುರಿತು ಪೋಸ್ಟ್‌ ಮಾಡಿದ್ದಾರೆ.