ಹಿಮದಲ್ಲಿ ಪ್ರೇಮ ನಿವೇದನೆ, ಜಾಲತಾಣಗಳಲ್ಲಿ ಹಿಟ್
Team Udayavani, Feb 24, 2019, 9:32 AM IST
ವಿನೂತನ ಶೈಲಿಯಲ್ಲಿ ಪ್ರೇಮಿಗಳು ಪ್ರೇಮ ನಿವೇದನೆ ಮಾಡುವುದು ಸುದ್ದಿಯಾಗುತ್ತಲೇ ಇರುತ್ತವೆ. ಹಲವಾರು ಬಾರಿ ಇಂಥ ನಿವೇದನೆಗಳು ಎಷ್ಟೋ ಜನರಿಗೆ ಮಾದರಿಯಾಗುತ್ತವೆ. ಅಂಥ ಸಾಲಿಗೆ ಷಿಕಾಗೋದ ಬಾಬ್ ಲೆಂಪ ಕೂಡ ಸೇರುತ್ತಾರೆ. ಅವರು ಹಿಮ ಆವರಿಸಿದ ನೆಲದಲ್ಲಿ “ಮ್ಯಾರಿ ಮೀ’ ಎಂದು ಬರೆದಿದ್ದಾರೆ.
ಇವರ ಪ್ರೇಯಸಿ ಆ ಆವರಣ ಬಳಿಯ ಕಟ್ಟಡವೊಂದರಲ್ಲಿ 37ನೇ ಅಂತಸ್ತಿನಲ್ಲಿರುವ ಕಚೇರಿಯಲ್ಲಿ ಕೆಲಸ ಮಾಡುತ್ತಾರೆ. ಅವರಿಗೆ ಅಷ್ಟು ಮೇಲಿನಿಂದ ಕಾಣುವಂತೆ ದೊಡ್ಡ ಅಕ್ಷರಗಳಲ್ಲಿ “ನನ್ನನ್ನು ಮದುವೆಯಾಗುತ್ತೀಯಾ’ ಎಂದು ಬರೆದು ಪ್ರೇಮ ನಿವೇದನೆ ಮಾಡಿಕೊಂಡಿದ್ದಾರೆ. ಈ ಫೋಟೋ ಈಗ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಖುಷಿಯ ವಿಷಯವೆಂದರೆ, ಆ ಯುವತಿಯು ಲೆಂಪ ಅವರನ್ನು ಮದುವೆಯಾಗಲು ಒಪ್ಪಿಕೊಂಡಿದ್ದಾರಂತೆ.