ತಾನಿನ್ನೂ ಮದುವೆಯಾಗದಿರಲು ಸಲ್ಲು ಕೊಟ್ಟ ಕಾರಣ ಇಲ್ಲಿದೆ ನೋಡಿ
Team Udayavani, Feb 24, 2018, 4:38 PM IST
ಮುಂಬಯಿ : 52ರ ಹರೆಯದ ಬಾಲಿವುಡ್ ಸುಲ್ತಾನ್, ಸೂಪರ್ ಸ್ಟಾರ್ ಸಲ್ಮಾನ್ ಖಾನ್, ಎಲ್ಲರಿಗೂ ತಿಳಿದಿರುವ ಹಾಗೆ ಸೂಪರ್ ರಿಚ್, ಸೂಪರ್ ಪವರ್ ಫುಲ್, ಸೂಪರ್ ಬಾಕ್ಸ್ ಆಫೀಸ್ ಕಿಂಗ್, ಅಸಂಖ್ಯ ಹುಡುಗಿಯರ ಕಣ್ಮಣಿ !
ಅದೆಲ್ಲ ಸರಿ; ಆದರೆ ಸಲ್ಮಾನ್ ಇನ್ನೂ ಅವಿವಾಹಿತ ! ಆತ ಎಲ್ಲೇ ಹೋಗಲಿ, ಯಾವುದೇ ಸಮಾರಂಭದಲ್ಲಿ ಹಾಜರಿರಲಿ – ಪತ್ರಕರ್ತರು, ಅಭಿಮಾನಿಗಳು ಆತನಿಗೆ ಕೇಳುವ ಪ್ರಶ್ನೆ ಒಂದೇ : ನೀವಿನ್ನು ಯಾಕೆ ಮದುವೆ ಆಗಿಲ್ಲ; ಆಗೋದು ಯಾವಾಗ ?
ನಟ ಸಲ್ಮಾನ್ ಖಾನ್ಗೆ ಈ ಪ್ರಶ್ನೆಯನ್ನು ಎದುರಿಸಿ ಎದುರಿಸಿ ಸಾಕಾಗಿ ಹೋಗಿದೆ; ಏನೇ ಕಾರಣ ಕೊಟ್ಟರೂ ಅದರಿಂದ ಯಾರಿಗೂ ಸಮಾಧಾನ ಇಲ್ಲ. ಹಾಗಂತ ಈ ಪ್ರಶ್ನೆ ಕೇಳುವವರು ಸಲ್ಲುವನ್ನು ಸಮಾಧಾನದಿಂದ ಇರಲು ಬಿಡುವುದಿಲ್ಲ !
ಮೊನ್ನೆ ಮೊನ್ನೆ ಸಲ್ಮಾನ್ ಖಾನ್ಗೆ ಪುನಃ ಇದೇ ಪ್ರಶ್ನೆಯನ್ನು ಕೇಳಲಾಯಿತು. ಆದಕ್ಕಾತ ಏನು ಉತ್ತರ ಕೊಟ್ಟ ಗೊತ್ತಾ ?
“ಮದುವೆ ಎಂದರೆ ಇವತ್ತು ಭಾರೀ ದೊಡ್ಡ ಸಮಾರಂಭ; ಮದುವೆಗೆಂದು ಲಕ್ಷ ಲಕ್ಷ ಕೋಟಿಗಟ್ಟಲೆ ಸುರಿಯುತ್ತಾರೆ; ಅಷ್ಟು ಹಣ ನನ್ನ ಬಳಿ ಇಲ್ಲ; ಅದೇ ಕಾರಣಕ್ಕೆ ನಾನು ಈ ತನಕ ಮದುವೆಯಾಗಿಲ್ಲ !’
ಸಲ್ಲು ನೀಡಿರುವ ಹಾರಿಕೆ ಉತ್ತರ ಅದೇನೇ ಇರಲಿ; ಅಂತೂ ಆತನಿಗೆ 52 ಆಗಿದೆ; ಆದರೂ ಆತ ಬಾಲಿವುಡ್ನ ಎಲಿಜಿಬಲ್ ಬ್ಯಾಚುಲರ್ ! ಆತನಿಗೆ ಇನ್ಯಾವಾಗ ಮದುವೆ ? ಎಂಬುದು ಯಕ್ಷ ಪ್ರಶ್ನೆಯೇ ಆಗಿದೆ.
ಸಲ್ಮಾನ್ ಜತೆ ಪ್ರಕೃತ ಈಗ ಸುದ್ದಿಯಲ್ಲಿರುವ ಹುಡುಗಿ ಎಂದರೆ ರುಮೇನಿಯದ ಟಿವಿ ತಾರೆ, ನಟಿ ಮತ್ತು ಗಾಯಕಿ ಲೂಲಿಯಾ ವ್ಯಾಂತೂರ್ ! ಸಲ್ಮಾನ್ ಖಾನ್ ಕುಟುಂಬದ ಸಮಾರಂಭಗಳಲ್ಲಿ ಈಕೆ ಈಚಿನಿಂದ ತಪ್ಪದೇ ಹಾಜರಿರುತ್ತಾಳೆ. ಹಾಗೆಂದು ಆಕೆಯೊಡನೆ ತಾನು ಡೇಟಿಂಗ್ ನಡೆಸಿಲ್ಲ ಎಂದು ಸಲ್ಲು ಹೇಳುತ್ತಾರೆ.
ಹಾಗೆ ನೋಡಿದರೆ ಕತ್ರೀನಾ ಕೈಫ್ ಕೂಡ ಈಗಲೂ ಸಲ್ಲಾನ್ ಖಾಸಗಿ ಬದುಕಿನಲ್ಲಿ ಇದ್ದಾಳೆ. ಕೆಲ ವರ್ಷಗಳ ಕಾಲ ಇವರ ಡೇಟಿಂಗ್ ನಡೆದಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?
Deepfake video ವಿರುದ್ಧ ನಟ ರಣ್ವೀರ್ ಸಿಂಗ್ ದೂರು
Ranveer Singh: ಮತಯಾಚನೆಯ ಡೀಪ್ ಫೇಕ್ ವಿಡಿಯೋ ವೈರಲ್; FIR ದಾಖಲಿಸಿದ ನಟ ರಣ್ವೀರ್
Big B: ʼಕಲ್ಕಿʼಗಾಗಿ ʼಅಶ್ವತ್ಥಾಮʼನ ಅವತಾರ ತಾಳಿದ ಬಿಗ್ ಬಿ; ಗಮನ ಸೆಳೆದ ಪಾತ್ರದ ಝಲಕ್