ಕುಸಿದ ರೂಪಾಯಿ, ತೈಲ ಏರಿಕೆಯ ಭೀತಿ : ಸೆನ್ಸೆಕ್ಸ್ 345 ಅಂಕ ನಷ್ಟ
Team Udayavani, Nov 12, 2018, 5:02 PM IST
ಮುಂಬಯಿ : ಮುಂಬಯಿ ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್ ಸೂಚ್ಯಂಕ ಇಂದು ಸೋಮವಾರದ ವಹಿವಾಟಿನ ಕೊನೇ ತಾಸಿನಲ್ಲಿ ಹಠಾತ್ ಕುಸಿತ ಕಂಡ ಪರಿಣಾಮವಾಗಿ ದಿನದ ವಹಿವಾಟನ್ನು 345.56 ಅಂಕಗಳ ನಷ್ಟದೊಂದಿಗೆ 34,812.99 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.
ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 103 ಅಂಕಗಳ ನಷ್ಟದೊಂದಿಗೆ ದಿನದ ವಹಿವಾಟನ್ನು 10,482.20 ಅಂಕಗಳ ಮಟ್ಟದಲ್ಲಿ ನಿರಾಶಾದಾಯಕವಾಗಿ ಕೊನೆಗೊಳಿಸಿತು.
ಡಾಲರ್ ಎದುರು ರೂಪಾಯಿ ಕುಸಿತ ಮತ್ತು ತೈಲ ಬೆಲೆ ಮತ್ತೆ ಏರುವ ಭೀತಿಗೆ ಮುಂಬಯಿ ಶೇರು ಪೇಟೆ ನಲುಗಿತು. ಬ್ರೆಂಟ್ ಕಚ್ಚಾ ತೈಲು ನಿರಂತರ ನಾಲ್ಕು ದಿನಗಳ ಕುಸಿತದ ಬಳಿಕ ಇಂದು ಮತ್ತೆ ಧಿಗ್ಗನೆ ಎದ್ದು ಬ್ಯಾರಲ್ಗೆ ಶೇ.2.09ರ ಏರಿಕೆಯನ್ನು ಕಂಡು 71.62 ರೂ.ಗೆ ತಲುಪಿತು.
ಡಾಲರ್ ಎದುರು ರೂಪಾಯಿ ಇಂದು 57 ಪೈಸೆಗಳ ಕುಸಿತವನ್ನು ಕಂಡು 73.07 ರೂ.ಗೆ ಕುಸಿದದ್ದು ಶೇರು ಮಾರುಕಟ್ಟೆಯ ಆತಂಕ ಹೆಚ್ಚಲು ಕಾರಣವಾಯಿತು.
ಕಳೆದ ಶುಕ್ರವಾರ 79.13 ಅಂಕಗಳ ನಷ್ಟಕ್ಕೆ ಗುರಿಯಾಗಿದ್ದ ಸೆನ್ಸೆಕ್ಸ್ ಇಂದಿನ ವಹಿವಾಟಿನ ನಡುವೆ 576 ಅಂಕಗಳ ಓಲಾಟವನ್ನು ಕಂಡು ಅಂತಿಮವಾಗಿ 345.56 ಅಂಕಗಳ ನಷ್ಟದಲ್ಲಿ ದಿನದ ವಹಿವಾಟನ್ನು ಕೊನೆಗೊಳಿಸಿತು.
ಮುಂಬಯಿ ಶೇರು ಪೇಟೆಯಲ್ಲಿಂದು ಒಟ್ಟು 2,762 ಕಂಪೆನಿಗಳ ಶೇರುಗಳು ವಹಿವಾಟಿಗೆ ಒಳಪಟ್ಟವು; ಈ ಪೈಕಿ 1,039 ಶೇರುಗಳು ಮುನ್ನಡೆ ಕಂಡವು; 1,530 ಶೇರುಗಳು ಹಿನ್ನಡೆಗೆ ಗುರಿಯಾದವು; 193 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್