ಸರ್ಕಾರದ ಸೌಲಭ್ಯ ಸದ್ಬಳಕೆಗೆ ಸಲಹೆ

Team Udayavani, Feb 26, 2019, 7:36 AM IST

ಬಾಗೇಪಲ್ಲಿ: ಉಚಿತ ಅನಿಲ ಸಂಪರ್ಕ ಯೋಜನೆಯ ಸೌಲಭ್ಯಗಳನ್ನು ಸಾರ್ವಜನಿಕರು ಸದ್ಬಳಕೆ ಮಾಡಿಕೊಳ್ಳುವುದರ ಜತೆಗೆ 3 ಲಕ್ಷ ರೂ. ಜೀವ ವಿಮೆ ಬಾಂಡ್‌ನ್ನು ಪಡೆದುಕೊಳ್ಳಿ ಎಂದು ಮದ್ಯಪಾನ ಸಂಯಮ ಮಂಡಳಿ ರಾಜ್ಯ ನಿರ್ದೇಶಕ ಟಿ.ಎನ್‌.ರವಿಚಂದ್ರಾರೆಡ್ಡಿ ತಿಳಿಸಿದರು.

ತಾಲೂಕಿನ ಪಾತಪಾಳ್ಯ ಗ್ರಾಮದಲ್ಲಿ ನಡೆದ ಉಚಿತ ಅನಿಲ ಸಂಪರ್ಕ ವಿತರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಗೊರ್ತಪಲ್ಲಿ, ಬಿಳ್ಳೂರು, ಪಾತಪಾಳ್ಯ ಹಾಗೂ ಸೋಮನಾಥಪುರ ಗ್ರಾಪಂ ವ್ಯಾಪ್ತಿಯಲ್ಲಿ ಸರ್ಕಾರದ ವಿವಿಧ ಯೋಜನೆಗಳಲ್ಲಿ ಈಗಾಗಲೇ 3 ಸಾವಿರ ಉಚಿತ ಅನಿಲ ಸಂಪರ್ಕ ವಿತರಣೆ ಮಾಡಿರುವುದು ಸ್ಥಳೀಯ ಶಾಸಕ ಎಸ್‌.ಎನ್‌.ಸುಬ್ಟಾರೆಡ್ಡಿ ಅವಧಿಯಲ್ಲಿ ಮಾತ್ರ ಎಂದರು. 

ಹೊಗೆ ಮುಕ್ತ ಗ್ರಾಮಗಳನ್ನಾಗಿ ಮಾಡುವ ಉದ್ದೇಶದಿಂದ ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಉಚಿತ ಅನಿಲ ಸಂಪರ್ಕ ಯೋಜನೆಯನ್ನು ಅನುಷ್ಠಾನಕ್ಕೆ ತಂದಿದೆ. ಹೊಗೆಮುಕ್ತ ಗ್ರಾಮಗಳನ್ನಾಗಿ ಮಾಡುವ ನಮ್ಮೆಲ್ಲರ ಸಂಕ³ಲಕ್ಕೆ ಸ್ಥಳೀಯ ಸಾರ್ವಜನಿಕರ ಸಹಕಾರ ಮುಖ್ಯ ಎಂದರು. 

ಸೋಮನಾಥಪುರ ಮತ್ತು ಪಾತಪಾಳ್ಯ ಗ್ರಾಮ ಪಂಚಾಯತಿಯ 70 ಜನ ಫ‌ಲಾನುಭವಿಗಳಿಗೆ  ಸಿಲಿಂಡರ್‌, ಸ್ಟೌವ್‌ ಹಾಗೂ 3 ಲಕ್ಷ ರೂ.ಗಳ ವಿಮೆ ಬಾಂಡ್‌ಗಳನ್ನು ವಿತರಿಸಲಾಯಿತು. ಗ್ರಾಪಂ ಮಾಜಿ ಅಧ್ಯಕ್ಷ ಕೆ.ವಿ.ವೆಂಕಟರಾಮರೆಡ್ಡಿ, ಗೋಪಾಲರೆಡ್ಡಿ,

ವಿಎಸ್‌ಎಸ್‌ಎನ್‌ ಬ್ಯಾಂಕ್‌ ಅಧ್ಯಕ್ಷ ಎಸ್‌.ಎನ್‌.ರಾಮಿರೆಡ್ಡಿ, ಭೂ ಅಭಿವೃದ್ಧಿ ಬ್ಯಾಂಕ್‌ ನಿರ್ದೇಶಕ ವಿ.ಪ್ರಭಾಕರ ರೆಡ್ಡಿ, ಮುಖಂಡರಾದ ಚಂದ್ರಮೋಹನ್‌, ಸೀಗಲಪಲ್ಲಿ ಮದ್ದಿರೆಡ್ಡಿ, ಪಿ.ಎಲ್‌.ಭೈರಾರೆಡ್ಡಿ, ಇಮ್ರಾನ್‌ ಬಾಷ, ದಾದಾಬಾಯ್‌, ಲಕ್ಷ್ಮಿಪತಿ, ನಗುರು ರವಿ, ಸಿ.ಎಂ.ವೆಂಕಟರಾಮರೆಡ್ಡಿ ಇದ್ದರು.