ದಡಾರ

Team Udayavani, Jul 8, 2018, 6:00 AM IST

ಹಿಂದಿನ ವಾರದಿಂದ- 1970 ಮತ್ತು ಆ ಬಳಿಕ ಜನಿಸಿದ, ದಡಾರಕ್ಕೆ ತುತ್ತಾಗದ ವ್ಯಕ್ತಿಗಳಿಗೂ ದಡಾರ ಲಸಿಕೆ ಹಾಕಿಸಿಕೊಳ್ಳುವುದನ್ನು ಶಿಫಾರಸು ಮಾಡಲಾಗುತ್ತದೆ (1970ಕ್ಕಿಂತ ಮುನ್ನ ದಡಾರವು ವ್ಯಾಪಕವಾಗಿದ್ದ ಕಾರಣ 1970ಕ್ಕಿಂತ ಮುನ್ನ ಜನಿಸಿದವರು ದಡಾರಕ್ಕೆ ರೋಗ ನಿರೋಧಕ ಶಕ್ತಿಯನ್ನು ಹೊಂದಿರುತ್ತಾರೆ ಎಂದು ಭಾವಿಸಲಾಗಿದೆ). ಖಚಿತಗೊಂಡ ದಡಾರ ಪ್ರಕರಣಗಳ ನಿಕಟ ಸಂಪರ್ಕ ಹೊಂದಿರುವವರಿಗೆ ಸಂಪರ್ಕಕ್ಕೆ ಬಂದ 72 ತಾಸುಗಳಿಗೆ ಮುಂಚಿತವಾಗಿ ದಡಾರ ಲಸಿಕೆ ಹಾಕಿಸಬಹುದಾಗಿದೆ. ಇದರಿಂದ ರೋಗಕ್ಕೆ ತುತ್ತಾಗುವುದನ್ನು ತಡೆಯಬಹುದಾಗಿದೆ. 

ವಯಸ್ಕರು ಎರಡು ಡೋಸ್‌ ದಡಾರ ಲಸಿಕೆ ಹಾಕಿಸಿಕೊಳ್ಳಬೇಕೇ?
1970ಕ್ಕಿಂತ ಮುನ್ನ ಜನಿಸಿದ, ಈ ಹಿಂದೆ ದಡಾರಕ್ಕೆ ತುತ್ತಾಗದ ವ್ಯಕ್ತಿಗಳಿಗೆ ಎರಡು ಡೋಸ್‌ ದಡಾರ ಲಸಿಕೆ ಹಾಕಿಸಿಕೊಳ್ಳುವುದನ್ನು ಶಿಫಾರಸು ಮಾಡಲಾಗುತ್ತದೆ. ದಡಾರ ಸೋಂಕು ಹಾವಳಿ ಉಂಟಾದ ಸಂದರ್ಭಗಳಲ್ಲಿ ಈವರೆಗೂ ಲಸಿಕೆ ಹಾಕಿಸಿಕೊಳ್ಳದವರಿಗೆ ಆದ್ಯತೆಯ ಮೇರೆಗೆ ದಡಾರ ಲಸಿಕೆಯನ್ನು ಹಾಕಿಸಬಹುದು. 1970ಕ್ಕಿಂತ ಮುನ್ನ ದಡಾರ ವ್ಯಾಪಕವಾಗಿದ್ದುದರಿಂದ ಅದಕ್ಕಿಂತ ಹಿಂದೆ ಜನಿಸಿದವರು ದಡಾರಕ್ಕೆ ಪ್ರತಿಬಂಧಕ ಶಕ್ತಿಯನ್ನು ಹೊಂದಿರುತ್ತಾರೆ ಎಂದು ಭಾವಿಸಲಾಗಿದೆ. 

ಯಾರು ದಡಾರ ಲಸಿಕೆಯನ್ನು ಹಾಕಿಸಿಕೊಳ್ಳಬಾರದು?
– ಗರ್ಭಿಣಿ ಮಹಿಳೆಯರು
– ರೋಗ ಅಥವಾ ಔಷಧಗಳಿಂದಾಗಿ ರೋಗ ಪ್ರತಿರೋಧಕ ಶಕ್ತಿ ಕುಂಠಿತವಾಗಿರುವ ವ್ಯಕ್ತಿಗಳು
– ಈ ಲಸಿಕೆ ಅಥವಾ ಅದರ ಯಾವುದೇ ಅಂಶಗಳಿಗೆ ತೀವ್ರತರಹದ ಅಲರ್ಜಿ ಉಂಟಾಗಿರುವವರು.

ದಡಾರ ಲಸಿಕೆಯಿಂದ ಆಟಿಸಂ ಉಂಟಾಗುತ್ತದೆಯೇ?
ಇಲ್ಲ, ದಡಾರ ಲಸಿಕೆಯು ಸುರಕ್ಷಿತವಾದುದಾಗಿದೆ.

ದಡಾರ ಲಸಿಕೆಯಿಂದಲೇ ದಡಾರ ಉಂಟಾಗಬಹುದೇ?
ಇಲ್ಲ. ಲಸಿಕೆಯಿಂದಲೇ ದಡಾರ ಉಂಟಾಗುವುದಿಲ್ಲ. ಲಸಿಕೆಯು ರಕ್ಷಣೆಯನ್ನು ಒದಗಿಸುವಷ್ಟರ ಮಟ್ಟಿಗಿನ ರೋಗ ಪ್ರತಿಬಂಧಕ ಶಕ್ತಿಯನ್ನು ಉದ್ದೀಪಿಸುತ್ತದೆಯೆ ವಿನಾ ರೋಗವನ್ನು ಉಂಟು ಮಾಡುವುದಿಲ್ಲ.