CONNECT WITH US  

ತಂಬಾಕು ಸೇವನೆ ಅಪಾಯಗಳು 

ಹಿಂದಿನ ವಾರದಿಂದ- ಚಿಕಿತ್ಸೆ ಪಡೆಯುವಾಗ ಸಾಮಾಜಿಕ ಬೆಂಬಲ ಪಡೆಯುವುದು
- ಆ ವ್ಯಕ್ತಿಗೆ ತಂಬಾಕು ಬಿಡಲು ಒಂದು ಪೂರಕ ವಾತಾವರಣ ನಿರ್ಮಿಸಿಕೊಳ್ಳಲು ಸಹಕರಿಸುವುದು.
- ನಿಮ್ಮಕುಟುಂಬದವರು/ಸ್ನೇಹಿತರು/ಸಹೋದ್ಯೋಗಿಗಳಿಗೆ ನಿಮ್ಮ ಗುರಿ ತಲುಪಲು ಸಹಕರಿಸಲು ಹೇಳುವುದು ಕೊನೆಯದಾಗಿ, ತಂಬಾಕು ಉಪಯೋಗ ನಿಲ್ಲಿಸಲು ದೊರಕುವ ವಿವಿಧ ಔಷಧಿಗಳ ಬಗ್ಗೆ ಮಾಹಿತಿ ನೀಡಲಾಗುವುದು. ಈ ನಡವಳಿಕಾ ಚಿಕಿತ್ಸೆಯ ಜೊತೆಗೆ ಔಷಧಿಗಳನ್ನು ಉಪಯೋಗಿಸಿದರೆ ತಂಬಾಕು ನಿಲ್ಲಿಸುವ ಸಾಧ್ಯತೆಗಳು ಹೆಚ್ಚಾಗುತ್ತವೆ.

ಔಷಧಿ ಚಿಕಿತ್ಸೆ
ತಂಬಾಕು ಸೇವನೆ ನಿಲ್ಲಿಸಲು ದೊರಕುವ ಔಷಧಿಗಳನ್ನು ವಿಸ್ತಾರವಾಗಿ ಈ ಕೆಳಗಿನಂತೆ ವಿಂಗಡಿಸಬಹುದು.
1. ನಿಕೊಟಿನ್‌ ಕೊಡುವ ಚಿಕಿತ್ಸೆ (ನಿಕೊಟಿನ್‌ ರಿಪ್ಲೇಸ್‌ಮೆಂಟ್‌ ಥೆರಪಿ)
2. ನಿಕೊಟಿನ್‌ ಕೊಡದೇ ಇರುವ ಚಿಕಿತ್ಸೆ  (ನಾನ್‌- ನಿಕೊಟಿನ್‌ ರಿಪ್ಲೇಸ್‌ಮೆಂಟ್‌ ಥೆರಪಿ)

1. ನಿಕೊಟಿನ್‌ ಕೊಡುವ ಚಿಕಿತ್ಸೆ (ನಿಕೊಟಿನ್‌ ರಿಪ್ಲೇಸ್‌ಮೆಂಟ್‌ ಥೆರಪಿ)
ತಂಬಾಕು ಉಪಯೋಗ ನಿಲ್ಲಿಸಿದ ಮೊದಲ ಕೆಲವು ದಿನಗಳಲ್ಲಿ ವ್ಯಕ್ತಿಯಲ್ಲಿ ನಾನಾ ತರಹದ ಅಹಿತಕರ ಅನುಭವಗಳು ಉಂಟಾಗಬಹುದು ಉದಾ: ಬೆವರುವುದು, ಟೆನ್‌ಶನ್‌  ಆಗುವುದು, ಕೈ ನಡುಗುವುದು, ಇತ್ಯಾದಿ. ಇವುಗಳನ್ನು ತಡೆಗಟ್ಟಲು ಮೊದಲಿನ ಕೆಲವು ದಿನಗಳಲ್ಲಿ ನಿಕೊಟಿನ್‌ ಕೊಡಲಾಗುವುದು. ತಂಬಾಕಿನಲ್ಲಿ ಸಾವಿರಾರು ರಸಾಯನಗಳಿದ್ದು, ಅವುಗಳಲ್ಲಿ ನಿಕೊಟಿನ್‌ ಕೂಡ ಒಂದಾಗಿದೆ. ಸಿಗರೇಟ… ಸೇದಿದ ನಂತರ ರಕ್ತದಲ್ಲಿ ಹಾಗೂ ಮೆದುಳಿನಲ್ಲಿ ನಿಕೊಟಿನ್‌ ಪ್ರಮಾಣ ಬೇಗ ಹೆಚ್ಚಾಗುತ್ತದೆ, ಆದರೆ ಹೊರಗಿನಿಂದ ನಿಕೊಟಿನ್‌ ಕೊಟ್ಟಾಗ ಇದು ನಿಧಾನಗತಿಯಲ್ಲಿ ಸಾಗುತ್ತದೆ ಮತ್ತು ವ್ಯಕ್ತಿಯಲ್ಲಿ ಯಾವುದೇ ಅಹಿತಕರ ಅನುಭವವನ್ನುಂಟುಮಾಡುವುದಿಲ್ಲ. ಈ ನಿಕೊಟಿನ್‌ ವಿವಿಧ ರೀತಿಗಳಲ್ಲಿ ದೊರಕುತ್ತದೆ: ಚಿವಿಂಗ್‌ ಗಮ್‌ ಮೂಗಿನ ಸ್ಪ್ರೆಗಳು, ನಿಕೊಟಿನ್‌ ಇನ್‌ಹೇಲರ್‌, ನಿಕೊಟಿನ್‌ ತೇಪೆ (ಪ್ಯಾಚ್‌). ಹೆಚ್ಚು ಕಡಿಮೆ ಎಲ್ಲಾ ತರಹದ ನಿಕೊಟಿನ್‌ ಒಂದೇ ರೀತಿಯಲ್ಲಿ ಲಾಭದಾಯಕವಾಗಿವೆ. ಭಾರತದಲ್ಲಿ ಹೆಚ್ಚಾಗಿ ಎಲ್ಲಾ ಕಡೆ ಚಿವಿಂಗ್‌ಗಮ್‌ ದೊರಕುತ್ತವೆ.

ನಿಕೊಟಿನ್‌ ಚಿವಿಂಗ್‌ಗಮ್‌ ತಂಬಾಕು ಸೇವನೆ ನಿಲ್ಲಿಸಿದ ನಂತರ ಇದನ್ನು ಉಪಯೋಗಿಸಿದಾಗ ತಂಬಾಕು ಸೇವನೆಯ ಅನುಭವವನ್ನು ಇದು ನೀಡುತ್ತದೆ, ಹೀಗಾಗಿ ಇದು ಆಹ್ಲಾದಕರ ಅನುಭವವನ್ನು ತೊಗಲಿಸುತ್ತದೆ. ಇದು ವಿವಿಧ ಪ್ರಮಾಣಗಳಲ್ಲಿ ದೊರಕುತ್ತದೆ. ಇದನ್ನು ನಿರಂತರವಾಗಿ ಅಥವಾ ಬೇಕಾದಾಗ ಮಾತ್ರ ಉಪಯೋಗಿಸಬಹುದು. 8ರಿಂದ 12 ವಾರಗಳ ನಂತರ ಇದರ ಪ್ರಮಾಣವನ್ನು ಕಡಿಮೆ ಮಾಡುತ್ತಾ ಹೋಗಬೇಕು. ಇದನ್ನು ಉಪಯೋಗಿಸುವ ವಿಧಾನ:
- ಇದನ್ನು ಅಗಿಯಬೇಕು, ನುಂಗಬಾರದು
- ಸಾಧಾರಣವಾಗಿ ಇದನ್ನು 2 ಮಿಲಿ ಗ್ರಾಂ ಪ್ರಮಾಣದಲ್ಲಿ ಆರಂಭಿಸಲಾಗುತ್ತದೆ
- ಅತಿಯಾಗಿ ತಂಬಾಕು ಬಳಸುವವರಲ್ಲಿ 4 ಮಿಲಿ ಗ್ರಾಂ ಪ್ರಮಾಣದಲ್ಲಿ ಆರಂಭಿಸಲಾಗುತ್ತದೆ
- ಇದನ್ನು 1ರಿಂದ 2 ಗಂಟೆಗೊಮ್ಮೆ ಅಥವಾ ತಂಬಾಕಿನ ಚಪಲವಾದಾಗ ಉಪಯೋಗಿಸಬಹುದು
- ನಿಕೊಟಿನ್‌ ರುಚಿ/ಗಂಧ ಬಾಯಲ್ಲಿ ಬರುವ ತನಕ/ಬಾಯಲ್ಲಿ ಜುಮು ಜುಮು ಎನ್ನುವ ತನಕ ನಿಧಾನವಾಗಿ ಜಗಿಯಬೇಕು; ನಂತರ ಅದನ್ನು ಕೆನ್ನೆಯ ಮತ್ತು ಹಲ್ಲಿನ ಮಧ್ಯ ಇಟ್ಟುಕೊಳ್ಳಬೇಕು- ಇದು ಮಾಡದಿದ್ದರೆ ನಿಕೊಟಿನ್‌ ಪ್ರಮಾಣ ಹೆಚ್ಚಿನ ಪ್ರಮಾಣದಲ್ಲಿ ಅನ್ನನಾಳಕ್ಕೆ ಹೋಗಿ ವಾಂತಿಯಾಗಬಹುದು; ಜುಮು ಜುಮು ಅನ್ನುವುದು ಸಂಪೂರ್ಣವಾಗಿ ನಿಂತ ಒಂದು ನಿಮಿಷದ ನಂತರ ಪುನಃ ಅದನ್ನು ಮೇಲೆ ಹೇಳಿದ ಹಾಗೆ ಜಗಿಯಬೇಕು; ಇದನ್ನು 30 ನಿಮಿಷದ ನಂತರ ಪುನರಾವರ್ತಿಸಬೇಕು.

ಮುನ್ನೆಚ್ಚರಿಕೆಗಳು
- ಇದನ್ನು ಬೇಗ-ಬೇಗ ಜಗಿಯಬಾರದು
- ಒಂದಕ್ಕಿಂತ ಹೆಚ್ಚು ಚಿವಿಂಗ್‌ ಗಮ್‌ ಅನ್ನು ಒಂದೇ ಸಲ ಜಗಿಯಬಾರದು
- ಒಂದರ ನಂತರ ಇನ್ನೊಂದನ್ನು ಅತೀ ಬೇಗ ಉಪಯೋಗಿಸಬಾರದು
- ದಿನವೊಂದರಲ್ಲಿ 30ಕ್ಕಿಂತ ಹೆಚ್ಚು (ನಿರೀಕ್ಷಣೆಯಲ್ಲಿರುವಾಗ) ಅಥವಾ 24ಕ್ಕಿಂತ ಹೆಚ್ಚು (ನಿರೀಕ್ಷಣೆಯಲ್ಲಿರದಿದ್ದಾಗ) ಉಪಯೋಗಿಸಬಾರದು
- ಚಿವಿಂಗ್‌ಗಮ್‌ ಜಗಿಯುವ 15 ನಿಮಿಷದ ಮುಂಚೆ ಮತ್ತು ಅನಂತರ ತಿನ್ನುವುದು, ಕುಡಿಯುವುದನ್ನು (ಉದಾ: ಕೋಲ್ಡ… ಡ್ರಿಂಕ್ಸ್‌ , ಕಾಫಿ) ಮಾಡಬಾರದು. ಹೀಗೆ ಮಾಡಿದರೆ ನಿಕೊಟಿನ್‌ ಬಾಯಿಯ ಮೂಲಕ ದೇಹಕ್ಕೆ ಸೇರುವುದು ಕಡಿಮೆಯಾಗುತ್ತದೆ.
- ನಿಧಾನವಾಗಿ 2ರಿಂದ 3 ತಿಂಗಳುಗಳಲ್ಲಿ ಇವುಗಳನ್ನು ಈ ಕೆಳಗೆ ನಮೂದಿಸಿದಂತೆ ಕಡಿಮೆ ಮಾಡಲಾಗುತ್ತದೆ:
- ಪ್ರತೀ 4ರಿಂದ 7 ದಿನಗಳಿಗೊಮ್ಮೆ ಒಂದು ಚಿವಿಂಗ್‌ಗಮ್‌ ಕಡಿಮೆ ಮಾಡುತ್ತಾ ಬರಲಾಗುತ್ತದೆ
- 4ರಿಂದ 7 ದಿನಗಳಲ್ಲಿ ಚಿವಿಂಗ್‌ಗಮ್‌ಜಗಿಯುವ ಸಮಯವನ್ನು 30 ನಿಮಿಷದಿಂದ 15 ನಿಮಿಷಗಳಿಗೆ ಕಡಿಮೆ ಮಾಡಲಾಗುತ್ತದೆ, ನಂತರ ಚಿವಿಂಗ್‌ ಗಮ್‌ ಸಂಖ್ಯೆಯನ್ನು ಕಡಿಮೆ ಮಾಡಲಾಗುತ್ತದೆ
- ಎರಡು ಚಿವಿಂಗ್‌ಗಮ್‌ಗಳ ಮಧ್ಯದ ಅಂತರವನ್ನು ಹೆಚ್ಚು ಮಾಡುತ್ತ ಬರಲಾಗುತ್ತದೆ
- ನೀರು ಸೇವನೆಯನ್ನು ಹೆಚ್ಚು ಮಾಡಲು ಹೇಳಲಾಗುತ್ತದೆ
- ಸಮಯ ಕಳೆದಂತೆ ಕ್ರಮೇಣವಾಗಿ ನಿಕೊಟಿನ್‌ ಗಮ್‌ ಬದಲಾಗಿ ಸಕ್ಕರೆ ರಹಿತ ಇತರ ಗಮ… ಬಳಕೆಯನ್ನು ಆರಂಭಿಸಲಾಗುತ್ತದೆ ಅನಂತರ ಇವುಗಳನ್ನು ಕ್ರಮೇಣವಾಗಿ ಹೆಚ್ಚು ಮಾಡಲಾಗುತ್ತದೆ

- ಮುಂದಿನ ವಾರಕ್ಕೆ  

Trending videos

Back to Top