ಆರೋಗ್ಯಕರ ಹಾಗು ರುಚಿಯಾದ ಹಣ್ಣಿನ ರಸ

Team Udayavani, Aug 8, 2017, 9:27 AM IST

ಸೇಬು-ಬಾಳೆಹಣ್ಣಿನ ಜ್ಯೂಸ್‌
ಬೇಕಾಗುವ ಸಾಮಗ್ರಿ:
ಬಾಳೆಹಣ್ಣು- 2, ಸೇಬು-1/2, ಹಾಲು- 1/2 ಕಪ್‌, ಸಕ್ಕರೆ- 4 ಚಮಚ, ಸ್ವಲ್ಪ ನೀರು, ಬಾದಾಮಿ ಚೂರು ಸ್ವಲ್ಪ.

ತಯಾರಿಸುವ ವಿಧಾನ:
ಬಾಳೆಹಣ್ಣಿನ ಸಿಪ್ಪೆ ತೆಗೆದು ಚಿಕ್ಕ ಹೋಳು ಮಾಡಿಡಿ. ಸೇಬು ಹಣ್ಣಿನ ಸಿಪ್ಪೆ ತೆಗೆದು ಚಿಕ್ಕ ಚಿಕ್ಕ ಹೋಳು ಮಾಡಿಡಿ. ಹಾಲು ಬಿಸಿಮಾಡಿ ತಣಿಸಿಡಿ. ಬಾಳೆಹಣ್ಣು , ಸೇಬು, ಸಕ್ಕರೆ, ಬಾದಾಮಿ ಚೂರು ಒಟ್ಟಿಗೆ ಮಿಕ್ಸಿ ಜಾರ್‌ಗೆ ಹಾಕಿ ಸ್ವಲ್ಪ ನೀರು ಹಾಕಿ ನಯವಾಗಿ ರುಬ್ಬಿ ತೆಗೆದು ಬಟ್ಟಲಿಗೆ ಹಾಕಿ ಹಾಲು ಸೇರಿಸಿ ಚೆನ್ನಾಗಿ ಕದಡಿರಿ. ಫ್ರಿಜ್‌ನಲ್ಲಿಟ್ಟು ತಣಿಸಿ ಕುಡಿಯಬಹುದು.

ಮಾವಿನ ಹಣ್ಣಿನ ರಸ (ಅಂಬ್ರೋಸ್‌)
ಬೇಕಾಗುವ ಸಾಮಗ್ರಿ:
ಮಾವಿನ ಹಣ್ಣು – 2, ಸಕ್ಕರೆ – 4 ಚಮಚ, ಏಲಕ್ಕಿಹುಡಿ- 1 ಚಮಚ, ಹಾಲು – 1/2 ಕಪ್‌.

ತಯಾರಿಸುವ ವಿಧಾನ:
ಮಾವಿನ ಹಣ್ಣಿನ ಸಿಪ್ಪೆ ತೆಗೆದು ಚೆನ್ನಾಗಿ ಹಿಚುಕಿಡಿ. ಮಿಕ್ಸಿ ಜಾರ್‌ನಲ್ಲಿ ಸಕ್ಕರೆ, ಸ್ವಲ್ಪ ಹಾಲು, ಮಾವಿನ ಹಣ್ಣನ್ನು ಹಾಕಿ ನಯವಾಗಿ ರುಬ್ಬಿ ಪಾತ್ರೆಗೆ ಹಾಕಿ ಏಲಕ್ಕಿ ಹುಡಿ ಹಾಕಿ ಉಳಿದ ಹಾಲನ್ನು ಹಾಕಿ ಚೆನ್ನಾಗಿ ಬೆರೆಸಿಡಿ. ತಣಿಸಿ ಕುಡಿಯಬಹುದು. ಹಾಲು ಹಾಕದೆ ಮಾವಿನ ರಸ (ದಪ್ಪ)ಕ್ಕೆ ಸಕ್ಕರೆ ಏಲಕ್ಕಿ ಹಾಕಿದಲ್ಲಿ ಅಂಬ್ರೋಸ್‌ ತಯಾರಾಗುವುದು. ಇದನ್ನು ಪೂರಿ, ಚಪಾತಿಯೊಂದಿಗೆ ಸೇವಿಸಬಹುದು.

ಎಸ್‌. ಜಯಶ್ರೀ ಶೆಣೆ