ಮಳೆಯಾಗಿ ಇಳಿದು ಬಾ ನನ್ನೆದೆಗೆ
Team Udayavani, Apr 11, 2017, 3:50 AM IST
ನಿನ್ನ ನೆನಪುಗಳ ಮಳೆಯಲ್ಲಿ ನೆನೆಯುತ್ತಾ, ಬೀಸುತ್ತೀರೋ ತಂಗಾಳಿಯಲಿ ಕಂಪಿಸುತ್ತಾ, ನೀ ಬರೋ ದಾರಿಯನ್ನೇ ನೋಡುತ್ತಾ ಕುಳಿತಿರುವೆನು.. ನಿನ್ನೊಡನೆ ಮಾತಾಡಲು, ಮುದ್ದಾಡಲು, ಗುದ್ದಾಡಲು ಬಯಸುತಿದೆ ಈ ನನ್ನ ಮನಸ್ಸು. ತೋರದಿರು ಗೆಳೆಯಾ ಮುನಿಸು…
“ತಂಗಾಳಿಯಾಗು, ಬಿರುಗಾಳಿಯಾಗು, ನೀ ಒಮ್ಮೆ ಬಂದು ನನಸೋಕಿ ಹೋಗು, ನಿನ್ನ ನೋಡದೆ ಅಳುವೇ ಬರುತಿದೆ. ನಿನ್ನ ನಗು ಇಲ್ಲದೆ ಜಗ ನಿಂತಂತಿದೆ’… ಈ ಹಾಡು ಬಿಟ್ಟರೆ ಬೇರಾವ ಹಾಡನ್ನೂ ಕೇಳೊಕೆ ಮನಸ್ಸಾಗ್ತಿಲ್ಲ. “ಈ ಸಲ ಬೇರೆ ಯಾವುದೊ ಕೆಲಸದ ನಿಮಿತ್ತ ಬಂದು ಭೇಟಿ ಆಗಿರುವೆ. ಆದರೆ, ಮುಂದಿನ ಸಲ ನಿನಗೋಸ್ಕರ ಬರ್ತೀನಿ ಕಣೆ. ನೀನು ನಂಗೆ ನಿತ್ಯ ಕಾಲ್, ಮೆಸೇಜ್ ಮಾಡ್ತಿರಬೇಕು ಆಯ್ತಾ? ನಿನ್ನ ಮೆಸೇಜ್ ಇಲ್ಲಂದ್ರೆ ನನಗೆ ಬದುಕಿರೋದಿಕ್ಕೇ ಆಗೋದಿಲ್ಲ ಕಣೇ’.
ಬೆಳಗ್ಗೆಯ ಇಬ್ಬನಿಯ ಚಳಿಯಲ್ಲಿ ಹಾರುವ ಹಕ್ಕಿಗಳ ಚಿಲಿಪಿಲಿಯಂತಿರುವ ಆ ನಿನ್ನ ಧ್ವನಿ, ಸಾಗರದ ಅಲೆಗಳ ನಗುವಿನಂತಿರುವ ಆ ನಿನ್ನ ನಗು ಕೇಳದಿದ್ದರೆ ದಿನವಿಡೀ ಏನೋ ಕಳೆದುಕೊಂಡ ಅನುಭವ. “ನನ್ನ ಸ್ವೀಟ್ ಹಾರ್ಟ್ ಕಣೆ ನೀನು’ ಎಂದು ಊಹೆಗೂ ಮೀರಿಸುವಂತಿದ್ದ ಆ ನಿನ್ನ ಪ್ರೀತಿ ಇಂದೆಲ್ಲಿ ಕಾಣೆಯಾಗಿದೆ ಗೆಳೆಯ? ಮುಂಚೆ ನಾನು ಕರೆಯಲಿಲ್ಲ ಅಂದರೂ ನನ್ನನ್ನು ನೋಡೋಕೆ ಅಂತ ನೂರೈವತ್ತು ಮೈಲಿಯಿಂದ ಬರುತ್ತಿದ್ದೆ. ಆದ್ರೆ ಕಾಲ ಕಳೆದಂತೆ ನೋಡ್ಬೇಕು ಅನ್ನಿಸ್ತಿದೆ. ಬಾ ಅಂತ ನಾನೆಷ್ಟೇ ಕಣ್ಣೀರಿಟ್ಟರೂ ಬರೋ ಮಾತೇ ಇಲ್ಲ. ನಾನು ನಿಂಗೆ ನೆನಪಾಗ್ತಿಲ್ವಾ? ನನ್ನ ನೋಡಬೇಕು ಅಂತ ಅನಿಸ್ತಿಲ್ವಾ? ನನ್ನ ಮೇಲಿದ್ದ ಆ ಮುಗ್ಧ ಪ್ರೀತಿ ಎಲ್ಲಿಗೆ ಹೋಗಿದೆ? ನಿನ್ನ ನೆನಪುಗಳ ಮಳೆಯಲ್ಲಿ ನೆನೆಯುತ್ತಾ, ಬೀಸುತ್ತೀರೋ ತಂಗಾಳಿಯಲಿ ಕಂಪಿಸುತ್ತಾ, ನೀ ಬರೋ ದಾರಿಯನ್ನೇ ನೋಡುತ್ತಾ ಕುಳಿತಿರುವೆನು.. ನಿನ್ನೊಡನೆ ಮಾತಾಡಲು, ಮು¨ªಾಡಲು, ಗು¨ªಾಡಲು ಬಯಸುತಿದೆ ಈ ನನ್ನ ಮನಸ್ಸು. ತೋರದಿರು ಗೆಳೆಯಾ ಮುನಿಸು. ಮರದಂತೆ ನೀನು ಪಾದದಡಿಯ ಬಳ್ಳಿ ನಾನು. ನಿನ್ನ ನೋಡುತ್ತಲೇ ಹಬ್ಬುವೆನು ತೋಳ ತೆಕ್ಕೆಯಲಿ ಉಬ್ಬುವೆನು. ನನ್ನ ಉಸಿರಿಂದು ನಿನ್ನ ಕೈಯಲ್ಲಿ ನೀ ಇಲ್ಲದಿದ್ದರೆ ನಾನೆಲ್ಲಿ?
ನಿತ್ಯ ನಿನ್ನನ್ನು ಭೇಟಿ ಮಾಡಿಲ್ಲವೆಂದರೆ ಏನಾಯಿತು, ಮಧುರ ನೆನಪುಗಳು ನಿನ್ನ ಭೇಟಿಗಿಂತೇನೂ ಕಡಿಮೆ ಇಲ್ಲ. ಹಾಗಂತ ಇನ್ನೆಷ್ಟು ದಿನ ನಿನ್ನ ನೆನಪುಗಳ ಮಳೆಯಲಿ ನೆನೆಯಲಿ? ನೀ ಒಮ್ಮೆ ಬಂದರೆ ನನ್ನ ಮನದ ಮರುಭೂಮಿಯಲ್ಲಿ ಮುಂಗಾರು ಮಳೆ ಸುರಿಯುತ್ತದೆ. ಬೇಗ ಬಾ ಗೆಳೆಯ, ನಿನ್ನ ದಾರಿಯನ್ನೇ ಕಾಯುತ್ತಿರುವೆ.
ಇಂತಿ ನಿನ್ನ
ಹೃದಯವಾಸಿ
ಉಮ್ಮೆ ಅಸ್ಮ ಕೆ.ಎಸ್., ಬಳ್ಳಾರಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಕಾಂಗ್ರೆಸ್ ಸುಳ್ಳನ್ನು ಜನ ನಂಬಲ್ಲ: ಗೋವಿಂದ ಕಾರಜೋಳ
ಹಗರಿಬೊಮ್ಮನಹಳ್ಳಿ: ಶುದ್ಧ ನೀರಿನ ಘಟಕಕ್ಕೆ ಉದ್ಘಾಟನೆ ಭಾಗ್ಯವೆಂದು?
Harihara; ಅಕ್ರಮ ಮರಳುಗಾರಿಕೆ ಮಾಹಿತಿ ನೀಡಿದ್ದಕ್ಕೆ ಬಿಜೆಪಿ ಶಾಸಕರಿಗೆ ಜೀವ ಬೆದರಿಕೆ
Food: ಯಾವತ್ತಾದ್ರೂ ಮಾವಿನ ಕಾಯಿ ಬಜ್ಜಿ ಮಾಡಿದ್ದೀರಾ..? ಇಲ್ಲ ಅಂದ್ರೆ ಟ್ರೈ ಮಾಡಿ ನೋಡಿ
Maski: ಒಂದೇ ರಾತ್ರಿ ಎರಡು ಮನೆಗಳಲ್ಲಿ ಕಳ್ಳತನ; ಸ್ಥಳೀಯರಲ್ಲಿ ಆತಂಕ