ಗವಾಹ್ ಹೈ ಚಾಂದ್ ತಾರೇ ಗವಾಹ್ ಹೈ…
Team Udayavani, Dec 25, 2018, 6:00 AM IST
“ಪಿಜಿಗೆ ಬರುವುದು ಸ್ವಲ್ಪ ತಡವಾಯ್ತು. ಊಟವೂ ಇಲ್ಲ, ಸಂಜೆ ನಿನ್ನ ಜೊತೆ ಭೇಲ್ಪುರಿ ತಿಂದಿದ್ದಷ್ಟೆ. ವಿಪರೀತ ಹಸಿವು. ಎರಡು ಬಿಸ್ಕೆಟ್ ತಿಂದು ನೀರು ಕುಡಿದೆ’ ಜೋಲುಮೋರೆಯ ಇಮೋಜಿಯೊಂದಿಗೆ ಹೀಗೊಂದು ಸಂದೇಶವನ್ನೂ ಅವನಿಗೆ ಕಳುಹಿಸಿದಳು. ಅತ್ತ ಕಡೆಯಿಂದ ಸಾಂತ್ವನ ಬರಲಿಲ್ಲ.
ನಸುಗೋಪದಿಂದಲೇ ಕಣ್ಮುಚ್ಚಿದಳು, ಎಫ್ಎಂ ರೇಡಿಯೋ ಹಚ್ಚಿ…
“ಕನಸಲಿ ನಡೆಸು ಬಿಸಿಲಾದರೆ ಒಲವನೆ ಬಡಿಸು ಹಸಿವಾದರೆ
ಜಗವ ಮರೆಸು ನಗುವ ಮುಡಿಸು ನೀ ನನ್ನ ಪ್ರೇಮಿ ಆದರೆ…’
ಅವಳಿಷ್ಟದ ಹಾಡು ಕೇಳುತ್ತಾ ಕನಸು ಕಾಣತೊಡಗಿದಳು. ಮನಸ್ಸು ಬೆಚ್ಚಗಾಯಿತು.
ಹತ್ತು ನಿಮಿಷಕ್ಕೆ ಅವನಿಂದ ಮೆಸೇಜ್- “ಮೊಬೈಲಿಗೆ ಊಟ ಇರಲಿಲ್ಲ, ತಡವಾದುದ್ದಕ್ಕೆ ಕ್ಷಮಿಸು, ಮಲಗಿಬಿಟ್ಯಾ?’ ಅವಳ ಕೋಪ ಒಮ್ಮೆಲೇ ಕರಗಿತು. “ಎಷ್ಟು ಸಲ ಹೇಳಿದ್ದೀನಿ, ಮೊಬೈಲ್ ಚಾರ್ಜ್ ವಿಷಯದಲ್ಲಿ ಯಾಮಾರಬೇಡ ಅಂತ. ನಿನ್ನಿಂದ ಉತ್ತರ ಬರದೇ ಹೋದರೆ ತಳಮಳ ಶುರುವಾಗಿಬಿಡುತ್ತೆ… ಇಲ್ಲ, ನಿದ್ದೆ ಹತ್ತಿರಲಿಲ್ಲ…ನೀನು ಬಂದಿದ್ಯಲ್ಲ …ಕನಸಿನಲ್ಲಿ’- ಇವಳು ಕೂತಲ್ಲೇ ನಾಚಿಕೊಂಡು, ತನ್ನಷ್ಟಕ್ಕೇ ನಗುತ್ತಾ, ಹಲ್ಕಿರಿವ ಇಮೋಜಿಯನ್ನೂ ರವಾನಿಸಿದಳು!
ಅವನು ಹಗುರಾದ.
ಹಿಂದೆಯೇ ಕೇಳಿದ: “ಏನು ಕನಸು ಕಾಣುತ್ತಿದ್ದೆ?’
“ಇನ್ನೇನು?ಈ ಪಿಜಿ ಸಹವಾಸ ಸಾಕಾಗಿದೆ. ನಮ್ಮದು ಅಂತ ಒಂದು ಗೂಡು ಆದರೆ ಎಷ್ಟು ಚಂದ. ನೀನು ಇಲ್ಲಿಗೆ ಬರೋದು ಯಾವಾಗ, “ನಾನು ನಿನ್ನವಳು’ ಅಂತ ತಲೆ ತಗ್ಗಿಸಿ, ನಾನು ನಾಚುವುದು ಯಾವಾಗ? ಐ ಮಿಸ್ ಯು, ಯು ನೋ ದಟ್..’
ಇವಳ ಪದಗಳಲ್ಲಿ ಪ್ರೀತಿ ತುಂಬಿತ್ತು.
“ಇಷ್ಟು ದಿನವೇ ಕಾದಿದ್ದಾಗಿದೆ. ಇವತ್ತೂ ಅಮ್ಮ ಹೇಳಿದರು: “ಇನ್ನು ಒಂದು ತಿಂಗಳು ಕಾಯಿರಿ. ಪುಷ್ಯ ಮಾಸ ಕಳೀಲಿ, ಸಂಕ್ರಾಂತಿ ಬರ್ತಿದ್ದ ಹಾಗೆ ಓಲಗ ಊದಿಸೋಣ ಅಂತ’ ಅವನು ರಮಿಸಿದ..
ಅವಳು ನರ್ತಿಸುವ ಬಾಲೆಯನ್ನು ರವಾನಿಸಿದಳು ತನ್ನ ಸಂಭ್ರಮವನ್ನು ವ್ಯಕ್ತಪಡಿಸಲು.
ರೇಡಿಯೋದಲ್ಲಿ ಅವಳ ಮೂಡ್ಗೆ ತಕ್ಕ ಹಾಡು…
“ಗವಾಹ್ ಹೈ ಚಾಂದ್ ತಾರೇ ಗವಾಹ್ ಹೈ…’
ಅಲ್ಲವೇ, ನನ್ನ ನಿನ್ನ ಪ್ರೀತಿಗೆ ಆ ಚಂದ್ರ ತಾರೆಯರೇ ಸಾಕ್ಷಿ …
– ರಾಜಿ, ಬೆಂಗಳೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kannada Cinema; ಚಿತ್ರೀಕರಣ ಮುಗಿಸಿದ ‘ವಿದ್ಯಾರ್ಥಿ ವಿದ್ಯಾರ್ಥಿನಿಯರೇ’
ಲೋಕಸಭಾ ಚುನಾವಣೆ: ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿಯಲಿದ್ದಾರ ಸೂರಜ ನಾಯ್ಕ ಸೋನಿ ?
JDS; ಮೂವರು ಅಭ್ಯರ್ಥಿಗಳ ಪಟ್ಟಿ ಪ್ರಕಟ: ಕೋಲಾರಕ್ಕೆ ಮಲ್ಲೇಶ್ ಬಾಬು
Rameshwaram Cafe ಪ್ರಕರಣ: ಇಬ್ಬರು ಶಂಕಿತರ ಮಾಹಿತಿ ನೀಡಿದವರಿಗೆ ಬಹುಮಾನ ಘೋಷಣೆ ಮಾಡಿದ NIA
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ