ಇಂದು ಕೇರಳೀಯರ ರಾಷ್ಟ್ರೀಯ ಹಬ್ಬ ಓಣಂ

Team Udayavani, Sep 4, 2017, 7:45 AM IST

ಕಾಸರಗೋಡು: ಕೇರಳೀಯರ ರಾಷ್ಟ್ರೀಯ ಹಬ್ಬ ಓಣಂ ಇಂದು (ಸೆ. 4) ಕೇರಳ ರಾಜ್ಯಾದ್ಯಂತ ಪಾರಂಪರಿಕ ಶ್ರದ್ಧಾಭಕ್ತಿಯಿಂದ ನಡೆಯಲಿದೆ. ಕಳೆದ ಹತ್ತು ದಿನಗಳಿಂದ ಆಚರಿಸಿಕೊಂಡು ಬಂದಿರುವ ಕೇರಳೀಯರು ಸೋಮವಾರ ತಿರುವೋಣಂ ಆಗಿ ಆಚರಿಸಲಿದ್ದಾರೆ.

ಕೃಷಿಕರ ಹಬ್ಬವೆಂದೂ ಗುರುತಿಸಿಕೊಂಡಿರುವ ಓಣಂ ಅಂಗವಾಗಿ ಚಕ್ರವರ್ತಿ ಮಹಾಬಲಿಯನ್ನು ಸ್ವಾಗತಿಸಲು ಮನೆ ಮನೆಗಳಲ್ಲಿ ಹೂಗಳಿಂದ ರಂಗೋಲಿ (ಪೂಕಳಂ) ರಚಿಸುತ್ತಾರೆ. ಕೇರಳದ ನಾಡ ಹಬ್ಬವಾಗಿರುವ ಓಣಂ ವಿಶಿಷ್ಟ ಉತ್ತರಾಡಂ ಅಥವಾ ಉತ್ರಾಡಂ ರವಿವಾರ ಆಚರಿಸಲಾಯಿತು. ಉತ್ರಾಡಂ ಮಹಿಳೆಯರಿಗೆ ಹೆಚ್ಚಿನ ಆದ್ಯತೆ. ಮಹಿಳೆಯರ ಹಬ್ಬವೆಂತಲೂ ಕರೆಯುತ್ತಾರೆ. ಚಕ್ರವರ್ತಿ ಮಹಾಬಲಿ ದೇಶವನ್ನು ಸಂದರ್ಶಿಸಿ ಜನತೆಗೆ ಹಾರೈಸುತ್ತಾನೆ ಎಂಬ ನಂಬಿಕೆಯಲ್ಲಿ ಓಣಂ ಆಚರಿಸಲಾಗುತ್ತಿದೆ.