ಪಾಂಡಿಯಲ್ಲಿ ಸುಂಟರಗಾಳಿ : 20 ಮನೆ, ಅಂಗಡಿಗಳಿಗೆ ಹಾನಿ
Team Udayavani, Jun 28, 2018, 10:28 AM IST
ಮುಳ್ಳೇರಿಯ: ಅಡೂರು ಪಾಂಡಿಯ ಸುಮಾರು 100 ಮೀಟರ್ ವ್ಯಾಪ್ತಿಯಲ್ಲಿ ಬುಧವಾರ ಮಧ್ಯಾಹ್ನ ಬೀಸಿದ ಸುಂಟರಗಾಳಿಯಿಂದಾಗಿ ಅಪಾರ ನಾಶನಷ್ಟ ಸಂಭವಿಸಿದೆ. ಸುಮಾರು 20 ಮನೆಗಳು, ಅಂಗಡಿಗಳು ಹಾನಿಗೀಡಾಗಿವೆ. ಬಸ್ ತಂಗುದಾಣ ಸಂಪೂರ್ಣ ನೆಲಸಮವಾಗಿದೆ.
ತೆಂಗು ಸಹಿತ ಹಲವು ಮರಗಳು ಧರಾಶಾಯಿಯಾಗಿವೆ. ಸಾಮಾನ್ಯ ಮಳೆಯಾಗಿದ್ದು, ಇದ್ದಕ್ಕಿದ್ದಂತೆ ಸುಂಟರಗಾಳಿ ಬೀಸಿ ಸಂಭವಿಸಿದ ಅನಾಹುತದಿಂದ ಲಕ್ಷಾಂತರ ರೂ. ನಾಶನಷ್ಟವಾಗಿದೆ.