ಕೆಳಕ್ಕೆ ಬೀಳದ ನೋಟು!

Team Udayavani, Nov 8, 2018, 7:00 AM IST

ಹಗ್ಗದ ಮೇಲೆ ನಡೆಯಲೂ, ಯಾವುದೇ ವಸ್ತು ಕೈಯಿಂದ ಜಾರಿ ಬೀಳದಂತೆ ತಡೆಯಲು ಬೇಕಾಗುವುದು ಬ್ಯಾಲೆನ್ಸ್‌. ಬ್ಯಾಲೆನ್ಸ್‌ಅನ್ನು ಕರಗತ ಮಾಡಿಕೊಳ್ಳಲು ಅಭ್ಯಾಸ ಮತ್ತು ತಂತ್ರ ಗೊತ್ತಿರಬೇಕು. ಅವೆರಡನ್ನೂ ಒಳಗೊಂಡ ಮ್ಯಾಜಿಕ್‌ ಇಲ್ಲಿದೆ. ಹಣದ ನೋಟನ್ನು ಕೈ ಮೇಲೆ ಬ್ಯಾಲೆನ್ಸ್‌ ಮಾಡುವ ಮ್ಯಾಜಿಕ್‌ ಇದು.

ಪ್ರದರ್ಶನ –
ನೋಟನ್ನು ಉದ್ದವಾಗಿ ಮೂರು ಮಡಿಕೆ ಮಡಚಿ, ಅದರ ಒಂದು ತುದಿಯನ್ನು ನಿಮ್ಮ ತೋರು ಬೆರಳ ಮೇಲೆ ಇಟ್ಟು ನಿಲ್ಲಿಸಲು ಅಸಾಧ್ಯ. ಆದರೆ ಏನಾಶ್ಚರ್ಯ! ನೋಡು ನೋಡುತಿದ್ದಂತೆಯೇ ನೋಟು ಬೆರಳ ಮೇಲೆ ಸಲೀಸಾಗಿ ತನ್ನ ಸಮತೋಲನವನ್ನು ಕಾಯ್ದು ಕೊಂಡಿದೆ!! 

ಬೇಕಾಗುವ ಪರಿಕರಗಳು 
1. ಒಂದು ನೋಟು
2. ಒಂದು ನಾಣ್ಯ 

ಮಾಡುವ ವಿಧಾನ –
ನೋಟೊಂದನ್ನು ಉದ್ದದ್ದವಾಗಿ ಚಿತ್ರದಲ್ಲಿ ತೋರಿಸಿರುವಂತೆ ಮಡಚಿ. ನೀವು ಯಾವ ತುದಿಯನ್ನು ನಿಮ್ಮ ತೋರು ಬೆರಳ ಮೇಲೆ ನಿಲ್ಲಿಸಲಿದ್ದೀರೋ ಆ ತುದಿಯಲ್ಲಿ ಯಾರಿಗೂ ಗೊತ್ತಾಗದಂತೆ ಒಂದು ನಾಣ್ಯವನ್ನು  ಸೇರಿಸಿ. ಈಗ ಸಲೀಸಾಗಿ ನಿಮ್ಮ ನೋಟು ಅÇÉಾಡದೆ ಬೆರಳ ಮೇಲೆ ನಿಲ್ಲುತ್ತದೆ. ಒಳಗಡೆ ಇರುವ ನಾಣ್ಯ  ಮಾತ್ರ ಇರೋದು ಯಾರಿಗೂ ಗೊತ್ತಾಗಬಾರದು. ಎಷ್ಟು ಸುಲಭ ಅಲ್ಲವೇ? ಎಲ್ರೂ ಮಾಡಿ ನೋಡ್ತೀರಾ!

ಮ್ಯಾಜಿಕ್‌ ಟ್ರಿಕ್‌ಗೆ ವಿಡಿಯೋ ಕೊಂಡಿ – goo.gl/8GRzWf

( ನಿರೂಪಣೆ: ಗಾಯತ್ರಿ ಯತಿರಾಜ್‌ )