ರೂಪ ಬದಲಾಯಿಸೋ ರುಪಾಯಿ!

Team Udayavani, Feb 7, 2019, 12:30 AM IST

ಶತ್ರುಗಳಿಂದ ಪಾರಾಗಲು ತನ್ನ ದೇಹದ ಬಣ್ಣವನ್ನು ತನ್ನ ಪರಿಸರಕ್ಕೆ ಹೊಂದುವಂತೆ ಪರಿವರ್ತಿಸಿಕೊಳ್ಳುವ ಛದ್ಮವೇಷಧಾರಿ ಗೋಸುಂಬೆ ನಿಮಗೆ ಗೊತ್ತಿರಬಹುದು. ಅದೇ ರೀತಿ ತನ್ನ ರೂಪ ಬದಲಿಸುವ ನಾಣ್ಯದ ಬಗ್ಗೆ ಗೊತ್ತಾ?

ಪ್ರದರ್ಶನ
ಎಡಗೈ ಅಂಗೈ ಮೇಲೆ ನಾಣ್ಯ ಒಂದನ್ನು ಇಟ್ಟು, ಅಂಗೈ ಮುಚ್ಚಿ ಛೂ ಮಂತ್ರವನ್ನು ಹಾಕಿ ತೆರೆದಾಗ…. ಏನಾಶ್ಚರ್ಯ!!! ನಾಣ್ಯ, ಒಂದು ಕೀಲಿ ಕೈ ಯಾಗಿ ಪರಿವರ್ತನೆಗೊಂಡಿದೆ. ನಾಣ್ಯ ಕೀಲಿ ಕೈ ಹೇಗಾಯ್ತು ಎಂಬುದನ್ನು ತಿಳಿಯಲು ನೀವೂ ಈ ಮ್ಯಾಜಿಕ್‌ ಟ್ರಿಕ್‌ ಕಲಿಯಿರಿ.

ಬೇಕಾಗುವ ಸಾಮಾನುಗಳು-
ನಾಣ್ಯ, ಒಂದು ದುಂಡನೆಯ ಸ್ಟೀಲ್‌ ಕೀಲಿ ಕೈ, ಅಂಟು

ತಂತ್ರ-
ಕೀಲಿ ಕೈಯ ಒಂದು ಭಾಗಕ್ಕೆ ಒಂದು ನಾಣ್ಯವನ್ನು ಅಂಟಿಸಿ (ಚಿತ್ರ1 ಮತ್ತು ಚಿತ್ರ2ಅನ್ನು ಗಮನಿಸಿ). ನಾಣ್ಯದ ಮುಖ ಮೇಲೆ ಬರುವಂತೆ ನಿಮ್ಮ ಅಂಗೈ ಮೇಲೆ ಇಟ್ಟು ಬೀಗದ ಕೈಯ ಉದ್ದನೆಯ ಭಾಗವನ್ನು ಬಲಗೈಯ ತೋರು ಬೆರಳಲ್ಲಿ ನಾಣ್ಯವನ್ನು ತೋರಿಸುತ್ತಿರುವಂತೆ ಮುಚ್ಚಿ ಹಿಡಿಯಿರಿ (ಚಿತ್ರ3 ಅನ್ನು ಗಮನಿಸಿ). ತೋರಿಸಿದ ನಂತರ ಎಡಗೈಯನ್ನು ಮುಚ್ಚಿ ಮಂತ್ರಿಸಿ, ನಿಧಾನಕ್ಕೆ ತೆರೆಯುವಾಗ ಹಚ್ಚಿದ ನಾಣ್ಯ ಕೆಳಗೆ ಹೋಗಿ ಬೀಗದ ಕೈಯ ನಿಜವಾದ ಮುಖ ಮೇಲೆ ಬರುವಂತೆ ಕೈಯೊಳಗೆ ತಿರುಗಿಸಿ ತೋರಿಸಿ ಎಲ್ಲರನ್ನು ಅಚ್ಚರಿ ಪಡಿಸಿ.
ವಿಡಿಯೋ ಕೊಂಡಿ: youtu.be/1emtnAn77IM

ಗಾಯತ್ರಿ ಯತಿರಾಜ್‌