ಇಂದು ಅರಮನೆಗೆ ಗಜಪಡೆ ಪ್ರವೇಶ
Team Udayavani, Sep 5, 2018, 11:28 AM IST
ಮೈಸೂರು: ವಿಶ್ವವಿಖ್ಯಾತ ಮೈಸೂರು ದಸರೆಯ ಪ್ರಮುಖ ಆಕರ್ಷಣೆ ಜಂಬೂ ಸವಾರಿ ಮೆರವಣಿಗೆ. ಇದರಲ್ಲಿ ಭಾಗವಹಿಸಲಿರುವ ಗಜಪಡೆ ಈಗಾಗಲೇ ಕಾಡಿನಿಂದ ನಾಡಿಗೆ ಆಗಮಿಸಿದ್ದು, ಸಂಪ್ರದಾಯದಂತೆ ಬುಧವಾರ ಅರಮನೆ ಪ್ರವೇಶಿಸಲಿವೆ.
ನಾಡಹಬ್ಬ ದಸರಾ ಮಹೋತ್ಸವದ ರಂಗು ಹೆಚ್ಚುವುದೇ ಪ್ರತಿವರ್ಷ ನಗರಕ್ಕಾಗಮಿಸುವ ಗಜಪಡೆಯಿಂದ. ಇದೀಗ ದಸರೆಯಲ್ಲಿ ಪಾಲ್ಗೊಳ್ಳಲು ಕಾಡಿನಿಂದ ನಾಡಿಗೆ ಗಜಪಡೆ ಬಂದಿರುವ ದಸರಾ ಆನೆಗಳು ಅರಮನೆ ಪ್ರವೇಶಿಸಲು ಸಜ್ಜಾಗಿವೆ. ಬುಧವಾರ ಅರಮನೆ ಜಯಮಾರ್ತಾಂಡ ದ್ವಾರದ ಮೂಲಕ ಅರ್ಜುನ ನೇತೃತ್ವದ ಗಜಪಡೆ ವಿಶ್ವವಿಖ್ಯಾತ ಅರಮನೆ ಪ್ರವೇಶಿಸಲಿವೆ.
ಸಂಜೆ 4.30ಕ್ಕೆ ನಡೆಯುವ ಸಮಾರಂಭದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಜಿ.ಟಿ.ದೇವೇಗೌಡ, ಪ್ರವಾಸೋದ್ಯಮ ಸಚಿವ ಸಾ.ರಾ. ಮಹೇಶ್, ಶಾಸಕ ಎಸ್.ಎ.ರಾಮದಾಸ್ ಸೇರಿದಂತೆ ಇನ್ನಿತರರು ಮೊದಲ ತಂಡದಲ್ಲಿ ಬಂದಿರುವ ದಸರಾ ಆನೆಗಳಿಗೆ ಸಾಂಪ್ರದಾಯಕ ಸ್ವಾಗತ ನೀಡಲಿದ್ದಾರೆ. ಇದರೊಂದಿಗೆ ನಗರದಲ್ಲಿ ದಸರಾ ಹಬ್ಬದ ಸಂಭ್ರಮಕ್ಕೆ ಅಧಿಕೃತ ಚಾಲನೆ ದೊರೆಯಲಿದೆ.
ವಿಶ್ರಾಂತಿ ಪಡೆದವು: ಹುಣಸೂರಿನ ವೀರನಹೊಸಳ್ಳಿಯಿಂದ ಮೈಸೂರಿಗೆ ಬಂದಿರುವ ಗಜಪಡೆ ಅಶೋಕಪುರಂನ ಅರಣ್ಯ ಭವನದಲ್ಲಿ ರಿಲ್ಯಾಕ್ಸ್ ಮೂಡ್ನಲ್ಲಿ ಕಾಲ ಕಳೆದವು. ಗಜಪಡೆ ಸಾರಥಿ ಅರ್ಜುನ ಸ್ನಾನ ಮಾಡಿಸಿಕೊಂಡು ಸಂಭ್ರಮಿಸಿದರೆ, ಉಳಿದ ಆನೆಗಳು ಆಹಾರ ಸೇವಿಸುತ್ತಾ ವಿಶ್ರಾಂತಿ ಪಡೆದವು.
ಅರಣ್ಯ ಭವನದಲ್ಲಿರುವ ಹಸಿರು ವಾತವರಣದಲ್ಲಿರುವ ಆನೆಗಳಾದ ಅರ್ಜುನ, ಚೈತ್ರ, ವಿಕ್ರಮ, ಧನಂಜಯ, ವರಲಕ್ಷ್ಮೀ, ಗೋಪಿ ಆನೆಗಳಿಗೆ ಕಾಯಿ, ಬೆಲ್ಲ, ಹಸಿ ಹುಲ್ಲ, ಒಣ ಹುಲ್ಲು, ಭತ್ತ ನೀಡಿ ಆರೈಕೆ ಮಾಡಲಾಯಿತು. ಸದ್ಯ ಎಲ್ಲಾ ಆನೆಗಳು ಆರೋಗ್ಯವಾಗಿದ್ದು, ಅರಮನೆ ಪ್ರವೇಶಕ್ಕೆ ಸಜ್ಜಾಗುತ್ತಿವೆ.
ಸ್ಥಳೀಯರ ಸಂಭ್ರಮ: ಇನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಆನೆಗಳ ಬಗ್ಗೆ ನಿಗಾವಹಿಸಿಕೊಂಡು ಗಜಪಡೆಯ ಆರೋಗ್ಯ ವಿಚಾರಸಿ, ಅವುಗಳಿಗೆ ಬೆಲ್ಲ, ಕಾಯಿ ನೀಡಿ ಪೋಷಣೆ ಮಾಡಿದರು. ಮತ್ತೂಂದೆಡೆ ದಸರಾ ಆನೆಗಳು ಅರಣ್ಯ ಭವನದಲ್ಲಿರುವ ವಿಚಾರ ತಿಳಿದ ಅನೇಕ ಸ್ಥಳಿಯರು ಅರಣ್ಯ ಭವನಕ್ಕೆ ಬಂದು ಆನೆಗಳನ್ನು ಕಂಡು ಖುಷಿಪಟ್ಟರು. ಆನೆಗಳ ಆಟ, ಲಾಲನೆ-ಪಾಲನೆಗಳನ್ನು ಕಂಡು ಸಂತಸಗೊಂಡ ಸಾರ್ವಜನಿಕರು ಅವುಗಳೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಳ್ಳುತ್ತಾ ಸಂಭ್ರಮಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು