CONNECT WITH US  

ಚೀನಿ ಸೈನಿಕರಿಗೆ ರಕ್ಷಣಾ ಸಚಿವೆಯ'ನಮಸ್ತೇ' ಪಾಠ; ವಿಡಿಯೋ ನೋಡಿ 

ಹೊಸದಿಲ್ಲಿ: ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಭಾರತ ಮತ್ತು ಚೀನಾ ಗಡಿಯಲ್ಲಿರುವ ನಾತು ಲಾ ಪ್ರದೇಶಕ್ಕೆ ಶನಿವಾರ ಭೇಟಿ ನೀಡಿ ಇಂಡೋ-ಟಿಬೇಟಿಯನ್‌ ಪಡೆಯ ಸೈನಿಕರೊಂದಿಗೆ ಮಾತುಕತೆ ನಡೆಸಿದರು. ಇದೇ ವೇಳೆ ಚೀನಿ ಸೈನಿಕರೊಂದಿಗೂ ಮಾತುಕತೆ ನಡೆಸಿದರು. ಈ ವಿಡಿಯೋ ಇದೀಗ ವೈರಲ್‌ ಆಗಿದೆ.

ಚೀನಿ ಸೈನಿಕರಿಗೆ ''ನಮಸ್ತೇ'' ಎಂದು ಮಾತು ಆರಂಭಿಸಿದ ಸಚಿವೆ ನಿರ್ಮಲಾ ಸೀತಾರಾಮನ್‌,'ನಮಸ್ತೆ ಎಂದರೆ ಎನೆಂದು ಅರ್ಥಗೊತ್ತಿದೆಯೇ' ಎಂದು ಚೀನಿ ಕಮಾಂಡರ್‌ಗೆ ಪ್ರಶ್ನಿಸಿದರು. ಇದಕ್ಕೆ ಉತ್ತರವಾಗಿ ನಾವು 'ನಿ ಹೊ' ಎನ್ನುತ್ತೇವೆ ಎಂದು ಸಚಿವೆಗೆ ಕೈಮುಗಿದರು. ಈ ವೇಳೆ ಪರಸ್ಪರ ಸಿಹಿ ತಿಂಡಿಯನ್ನೂ ವಿನಿಮಯ ಮಾಡಿಕೊಂಡರು. 

ಈ ವಿಚಾರವನ್ನು ಸಚಿವೆ ನಿರ್ಮಲಾ ಅವರು ಟ್ವೀಟರ್‌ನಲ್ಲಿ ಹಂಚಿಕೊಂಡಿದ್ದು  ಭರ್ಜರಿ ಪ್ರತಿಕ್ರಿಯೆಗಳು ಹರಿದು ಬಂದಿವೆ.

 ಡೋಕ್ಲಾಮ್ ಗಡಿಯಲ್ಲಿ ಭಾರತ ಮತ್ತು ಚೀನಾ ಸೇನೆ ಮಧ್ಯೆ ಉಲ್ಬಣವಾಗಿದ್ದ ಬಿಕ್ಕಟ್ಟು ಕಳೆದ ತಿಂಗಳಿನಲ್ಲಿ  ಅಂತ್ಯ ಕಂಡಿತ್ತು. ಉಭಯ ರಾಷ್ಟ್ರಗಳ ರಾಜತಾಂತ್ರಿಕ ಮಾತುಕತೆ ಫಲಪ್ರದವಾದ ಹಿನ್ನೆಲೆಯಲ್ಲಿ ಭಾರತ ಮತ್ತು ಚೀನಾ ಸೇನೆಯನ್ನು ಹಿಂತೆಗೆದುಕೊಳ್ಳಲು ಒಪ್ಪಿಗೆ ಸೂಚಿಸಿತ್ತು. 

Trending videos

Back to Top