ಮುಂಬಯಿ ಷೇರು ಪೇಟೆ ದಾಖಲೆಯ ಏರಿಕೆ
Team Udayavani, Jan 18, 2018, 6:00 AM IST
ಮುಂಬಯಿ: ಬಾಂಬೆ ಷೇರುಪೇಟೆ ಹಾಲಿ ಸಾಲಿನಲ್ಲಿ ಹೊಸ ದಾಖಲೆ ನಿರ್ಮಿಸಿದೆ. ಬುಧವಾರ ಸಂವೇದಿ ಸೂಚ್ಯಂಕ 35,081 ಅಂಕಗಳವರೆಗೆ ಏರಿಕೆಯಾಗಿದೆ. ಇದರ ಜತೆಗೆ ನಿಫ್ಟಿ ಕೂಡ 10,788.55ಕ್ಕೆ ತಲುಪಿ ದಾಖಲೆ ಬರೆದಿದೆ. ಕೇಂದ್ರ ಸರಕಾರ ಪ್ರಸಕ್ತ ಹಣಕಾಸು ವರ್ಷಕ್ಕೆ ಹೆಚ್ಚುವರಿ ಮೊತ್ತ ವನ್ನು ಪಡೆಯುವ ಪ್ರಮಾಣ ತಗ್ಗಿಸಿದ್ದರಿಂದ ಈ ಬೆಳವಣಿಗೆ ಉಂಟಾಗಿದೆ.
ಜಾಗತಿಕವಾಗಿ ಧನಾತ್ಮಕ ದೃಷ್ಟಿಕೋನದ ಜತೆಗೆ ಕಂಪೆನಿ ಗಳ ತ್ತೈಮಾಸಿಕ ವರದಿ ಉತ್ತಮವಾಗಿರಲಿದೆ ಎಂಬ ನಿರೀಕ್ಷೆ ಮೂಡಿದೆ. ಬ್ಯಾಂಕಿಂಗ್, ಆರೋಗ್ಯ ಸೇವೆ ಮತ್ತು ಮಾಹಿತಿ ತಂತ್ರಜ್ಞಾನ ವಲಯದ ಷೇರುಗಳು ಮಾರುಕಟ್ಟೆಯನ್ನು ಈ ಎತ್ತರಕ್ಕೆ ಕೊಂಡೊಯ್ದಿವೆ.