ಜೂಜಲ್ಲಿ ಪತ್ನಿ, ಮಕ್ಕಳ ಅಡವಿಟ್ಟ!
Team Udayavani, Mar 28, 2018, 10:10 AM IST
ನವದೆಹಲಿ: ಮಹಾಭಾರತದಲ್ಲಿ ಜೂಜಾಡುವಾಗ ಹೆಂಡತಿಯನ್ನು ಅಡವಿಟ್ಟ ಕಥೆ ಕೇಳಿರುತ್ತೀರಿ. ಕಲಿಯುಗದಲ್ಲೂ ಅಂಥ ಘಟನೆ ನಡೆದಿದೆ ಎಂದರೆ ನಂಬುತ್ತೀರಾ? ನಂಬಲೇಬೇಕು. ಉತ್ತರಪ್ರದೇಶದ ಬುಲಂದ್ಶಹರ್ನಲ್ಲಿ ವ್ಯಕ್ತಿಯೊಬ್ಬ ಜೂಜಿನಲ್ಲಿ ಹೆಂಡತಿ ಮಾತ್ರವಲ್ಲದೆ ಮಕ್ಕಳನ್ನೂ ಅಡವಿಟ್ಟು ಪಾಂಡವರನ್ನೂ ಮೀರಿಸಿದ್ದಾನೆ. ಈ ಆಸಾಮಿಯ ಹೆಸರು ಮೊಹ್ಸಿನ್. ಜೂಜಾಡುವ ಚಟ ಹತ್ತಿಸಿಕೊಂಡಿದ್ದ ಈತ ಜೂಜಿನಲ್ಲಿ ತನ್ನ ಹೆಂಡತಿ ಮತ್ತು ಮಕ್ಕಳನ್ನು ಅಡ ಇಟ್ಟು ಸೋತು, ಜೂಜು ಗೆದ್ದ ವ್ಯಕ್ತಿಗೆ ಅವರನ್ನು ಬಿಟ್ಟುಕೊಡಲು ಮುಂದಾಗಿದ್ದ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ. ಈ ಘಟನೆ ನಡೆದಿದ್ದು 2015ರಲ್ಲಿ. ಮಹಿಳೆ ಈ ಸಂಬಂಧ ದೂರು ದಾಖಲಿಸಲು ಪ್ರಯತ್ನಿಸಿದ್ದರು. ಆದರೆ 2 ವರ್ಷಗಳ ಕಾಲ ಪೊಲೀಸರು ಪ್ರಕರಣವನ್ನೇ ದಾಖಲಿಸಿಕೊಂಡಿರಲಿಲ್ಲ.
ನಡೆದಿದ್ದಿಷ್ಟು: ಮಹಿಳೆಯ ಪತಿ ಮೊಹ್ಸಿನ್ ಅದೇ ಊರಿನ ಇಮ್ರಾನ್ ಎಂಬಾತನೊಂದಿಗೆ ಜೂಜಾಡುವ ವೇಳೆ ಹೆಂಡತಿ, ಮಕ್ಕಳನ್ನು ಅಡವಿಟ್ಟು, ನಂತರ ಆಟದಲ್ಲಿ ಸೋತಿದ್ದ. ಜೂಜು ಗೆದ್ದ ಇಮ್ರಾನ್, ನೇರವಾಗಿ ಮೊಹ್ಸಿನ್ ಮನೆಗೆ ತೆರಳಿ ಆತನ ಪತ್ನಿ ಮತ್ತು ಮಕ್ಕಳನ್ನು ಎಳೆದುಕೊಂಡು ಹೋಗಿದ್ದ. ಮಹಿಳೆ ಈ ಕುರಿತು ಪಂಚಾಯಿತಿಗೆ ದೂರು ನೀಡಿದ್ದಳು. ಆದರೆ, ಗೆದ್ದ ವ್ಯಕ್ತಿಗೆ ಒಬ್ಬ ಮಗನನ್ನು ನೀಡಲು ಪಂಚಾಯಿತಿ ಆದೇಶಿಸಿತ್ತು. ಇದನ್ನು ವಿರೋಧಿಸಿ ಆಕೆ ಪೊಲೀಸರಿಗೆ ದೂರು ನೀಡಿದ್ದಳು. ಆದರೆ ಅವರು ಪ್ರಕರಣ ದಾಖಲಿಸಿಕೊಳ್ಳಲು ನಿರಾಕರಿಸಿದರು. ಕೊನೆಗೆ ಕಳೆದ ವಾರ ಮಹಿಳೆ ಮ್ಯಾಜಿಸ್ಟ್ರೇಟ್ ಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದು, ಕೋರ್ಟ್ ಆದೇಶದ ಮೇರೆಗೆ ಪೊಲೀಸರು ಈಗ ಈ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
LS Polls: ವೇದಿಕೆಯಲ್ಲಿ ಭಾಷಣ ಮಾಡುತ್ತಲೇ ಅಸ್ವಸ್ಥಗೊಂಡ ಕೇಂದ್ರ ಸಚಿವ ನಿತಿನ್ ಗಡ್ಕರಿ
Lok Sabha Election: ಗೋವಾದ ಎರಡೂ ಕ್ಷೇತ್ರದಲ್ಲಿ 16 ಅಭ್ಯರ್ಥಿಗಳು ಕಣಕ್ಕೆ, ಇಲ್ಲಿದೆ ವಿವರ
ಹಳದಿ ಶಾಸ್ತ್ರದ ವೇಳೆ ವಿದ್ಯುತ್ ಸ್ಪರ್ಶ… ಆಸ್ಪತ್ರೆ ದಾರಿ ಮಧ್ಯೆ ಕೊನೆಯುಸಿರೆಳೆದ ವರ
ತಂಗಿ ಮದುವೆಗೆ ಟಿವಿ ಗಿಫ್ಟ್ ಕೊಟ್ಟದ್ದಕ್ಕೆ ಅಸಮಾಧಾನ: ಪತಿಯನ್ನು ಥಳಿಸಿ ಕೊಲ್ಲಿಸಿದ ಪತ್ನಿ
MUST WATCH
ಹೊಸ ಸೇರ್ಪಡೆ
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
OTT Release: ವಿಜಯ್ ದೇವರಕೊಂಡ ʼಫ್ಯಾಮಿಲಿ ಸ್ಟಾರ್ʼ ಓಟಿಟಿ ರಿಲೀಸ್ಗೆ ಡೇಟ್ ಫಿಕ್ಸ್
Theft ಶಿರೂರು: ಜ್ಯುವೆಲ್ಲರಿ ಅಂಗಡಿ ಶಟರ್ ಮುರಿದು ಕಳ್ಳತನ
90 ದಿನದಲ್ಲಿ ನೇಹಾ ಕುಟುಂಬಕ್ಕೆ ನ್ಯಾಯ ಸಿಗುವ ವಿಶ್ವಾಸವಿದೆ..: ರಣದೀಪ್ ಸಿಂಗ್ ಸುರ್ಜೇವಾಲಾ
ನಮ್ಮ ಆರಾಧನ ಪದ್ಧತಿ ಯುವ ಪೀಳಿಗೆಗೆ ಪರಿಚಯಿಸುವ ಅಗತ್ಯವಿದೆ: ರಾಕೇಶ್ ಶೆಟ್ಟಿ ಬೆಳ್ಳಾರೆ