ನನ್ನ ಫೇಸ್ ಬುಕ್ ಖಾತೆ ಹ್ಯಾಕ್ ಆಗಿದೆ:ಲಾಲು ಪುತ್ರ ತೇಜ್ ಪ್ರತಾಪ್
Team Udayavani, Jul 3, 2018, 11:18 AM IST
ಪಟ್ನಾ : ಬಿಹಾರದ ಮಾಜಿ ಮುಖ್ಯಮಂತ್ರಿ, ತನ್ನ ತಾಯಿ ರಾಬ್ರಿ ದೇವಿ ಅವರನ್ನು ಗುರಿ ಇರಿಸಿ ತನ್ನ ಫೇಸ್ ಬುಕ್ ಪೇಜ್ ನಲ್ಲಿ ಆಕ್ಷೇಪಾರ್ಹ ಪೋಸ್ಟ್ ಕಂಡು ಬಂದ ಕೆಲವೇ ತಾಸುಗಳಲ್ಲಿ ಆರ್ಜೆಡಿ ನಾಯಕ ಮತ್ತು ಪಕ್ಷದ ಮುಖ್ಯಸ್ಥ, ಲಾಲು ಪುತ್ರ, ತೇಜ್ ಪ್ರತಾಪ್ ಯಾದವ್ ಅವರು ‘ನನ್ನ ಫೇಸ್ ಬುಕ್ ಖಾತೆ ಹ್ಯಾಕ್ ಆಗಿದೆ’ ಎಂದು ಹೇಳಿದ್ದಾರೆ.
ಆರ್ ಎಸ್ ಎಸ್ ಮತ್ತು ಬಿಜೆಪಿ ಸದಸ್ಯರು ನನ್ನ ಫೇಸ್ ಬುಕ್ ಖಾತೆ ಹ್ಯಾಕ್ ಮಾಡಿದ್ದಾರೆ ಎಂದು ಆರೋಪಿಸಿರುವ ತೇಜ್ ಪ್ರತಾಪ್ ಯಾದವ್, “ನಮ್ಮ ಕುಟುಂಬದಲ್ಲಿ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ.
“ನಮ್ಮ ಕುಟುಂಬದಲ್ಲಿ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ; ನಾವು ಒಗ್ಗಟ್ಟಿನಿಂದ ಇದೆದàವೆ. 2019ರ ಚುನಾವಣೆಗಳಲ್ಲಿ ನಾವು ಬಿಜೆಪಿ – ಆರ್ಎಸ್ ಎಸ್ ಅನ್ನು ಸೋಲಿಸುತ್ತೇವೆ. ನನ್ನ ಫೇಸ್ ಬುಕ್ ಖಾತೆಯನ್ನು ಬಿಜೆಪಿ – ಆರ್ಎಸ್ಎಸ್ ನವರು ಹ್ಯಾಕ್ ಮಾಡಿದ್ದಾರೆ’ ಎಂದು ತೇಜ್ ಪ್ರತಾಪ್ ಯಾದವ್ ಹೇಳಿದ್ದಾರೆ.