CONNECT WITH US  

ಒಂದೇ ದರದಲ್ಲಿ ಡೀಸೆಲ್‌ ಪೆಟ್ರೋಲ್‌?

​​​​​​​ಡೀಸೆಲ್‌ ವಾಹನ ಮಾಲಿನ್ಯ ತಗ್ಗಿಸಲು ಈ ಚಿಂತನೆ

ನವದೆಹಲಿ: ಪೆಟ್ರೋಲ್‌ ಮತ್ತು ಡೀಸೆಲ್‌ಗೆ ಒಂದೇ ದರ ಏಕೆ ನಿಗದಿ ಮಾಡಬಾರದು? ಇದು ಕೇಂದ್ರ ಸರ್ಕಾರಕ್ಕೆ ಸುಪ್ರೀಂಕೋರ್ಟ್‌ ಕೇಳಿದ ಪ್ರಶ್ನೆ. ದೇಶದಲ್ಲಿ ಮಾಲಿನ್ಯ ಹೆಚ್ಚಾಗುತ್ತಿದ್ದು, ಇದಕ್ಕೆ ಡೀಸೆಲ್‌ ಕಾರುಗಳೇ ಕಾರಣ ಎಂಬ ಮಾತುಗಳಿವೆ. ಹೀಗಾಗಿ ಸರಕು ವಾಹನ ಬಿಟ್ಟು ಎಲ್ಲಾ ನಾಲ್ಕು ಚಕ್ರದ(ಕಾರು)ವಾಹನಗಳಿಗೆ ಒಂದೇ ದರದಲ್ಲಿ ಪೆಟ್ರೋಲ್‌ ಮತ್ತು ಡೀಸೆಲ್‌ ಮಾರಾಟ ಮಾಡಿದರೆ ಹೇಗೆ ಎಂದು ಅದು ಕೇಂದ್ರ ಸರ್ಕಾರಕ್ಕೆ ಪ್ರಶ್ನಿಸಿದೆ. 

ದೆಹಲಿ ಸೇರಿದಂತೆ ದೇಶದ ವಿವಿಧ ಭಾಗಗಳಲ್ಲಿ ಹೆಚ್ಚುತ್ತಿರುವ ಮಾಲಿನ್ಯ ಸಂಬಂಧ ಸಲ್ಲಿಕೆಯಾಗಿರುವ ಅರ್ಜಿ ವಿಚಾರಣೆಯನ್ನು ಸುಪ್ರೀಂಕೋರ್ಟ್‌ನ ನ್ಯಾ. ಮದನ್‌ ಬಿ ಲೋಕುರ್‌ ಮತ್ತು ನ್ಯಾ.ದೀಪಕ್‌ ಗುಪ್ತಾ ನಡೆಸುತ್ತಿದ್ದಾರೆ. ವಿಚಾರಣೆ ವೇಳೆ ಪರಿಸರ ಮಾಲಿನ್ಯ ನಿಯಂತ್ರಣ ಪ್ರಾಧಿಕಾರ, ಪರಿಸರ ಮಾಲಿನ್ಯಕ್ಕೆ ಡೀಸೆಲ್‌ ವಾಹನಗಳೇ ಕಾರಣ ಎಂದು ಹೇಳಿತು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಪೀಠ, ಸರಕು ಸಾಗಣೆ ವಾಹನ ಹೊರತುಪಡಿಸಿದಂತೆ ಎಲ್ಲಾ ರೀತಿಯ ನಾಲ್ಕು ಚಕ್ರದ ವಾಹನಗಳಿಗೆ ಒಂದೇ ದರದಲ್ಲಿ ಪೆಟ್ರೋಲ್‌ ಮತ್ತು ಡೀಸೆಲ್‌ ಅನ್ನು ಏಕೆ ಮಾರಾಟ ಮಾಡ ಬಾರದು ಎಂದು ಕೇಂದ್ರ ಸರ್ಕಾರವನ್ನು ಪ್ರಶ್ನಿಸಿತು. 

ಈ ಪ್ರಕರಣದಲ್ಲಿ ಅಮಿಕಸ್‌ ಕ್ಯೂರಿಯಾಗಿರುವ ವಕೀಲರಾದ ಅಪರಾಜಿತ ಸಿಂಗ್‌ ಅವರು, ವಾಯು ಮಾಲಿನ್ಯಕ್ಕೆ ಡೀಸೆಲ್‌ ವಾಹನಗಳೇ ಕಾರಣ ಎಂದರು. ಅಲ್ಲದೆ ಡೀಸೆಲ್‌ ಎಂಜಿನ್‌ನ ಇಂಧನ ಕ್ಷಮತೆ ಚೆನ್ನಾಗಿದ್ದು ಜನ ಹೆಚ್ಚಾಗಿ ಇವುಗಳನ್ನೇ ಖರೀದಿ ಮಾಡುತ್ತಾರೆ ಎಂದು ಹೇಳಿದರು. ಆದರೆ, ಕಡೆಗೆ ಡೀಸೆಲ್‌ಗೆ ಸರಿದೂಗಿಸುವ ಸಲುವಾಗಿ ಪೆಟ್ರೋಲ್‌ ದರವನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ. ಅಂತೆಯೇ ಸರಿದೂಗಿಸಲೂ ಸಾಧ್ಯವಿಲ್ಲ. ಇದರಿಂದ ಹಣದುಬ್ಬರ ಹೆಚ್ಚಾಗುವ ಆತಂಕವಿದೆ ಎಂದು ಕೇಂದ್ರ ಸರ್ಕಾರ ಹೇಳಿತು. 

Trending videos

Back to Top