CONNECT WITH US  

ಎಫ್ಡಿ ಮೇಲೆ ಎಸ್‌ಬಿಐ ಬಡ್ಡಿ ದರ ಏರಿಕೆ

ಹೊಸದಿಲ್ಲಿ: ಎಸ್‌ಬಿಐ ನಿಶ್ಚಿತ ಠೇವಣಿಗಳ ಮೇಲಿನ ಬಡ್ಡಿ ದರವನ್ನು ಏರಿಕೆ ಮಾಡಿದೆ. ಸೋಮವಾರದಿಂದಲೇ ಬಡ್ಡಿ ದರ ಏರಿಕೆ ಜಾರಿಗೆ ಬಂದಿದ್ದು, ಒಂದು ವರ್ಷಕ್ಕಿಂತ ಹೆಚ್ಚಿನ ಅವಧಿಯ ಠೇವಣಿ ಮೇಲಿನ ದರಗಳನ್ನು ಮಾತ್ರ ಏರಿಕೆ ಮಾಡಲಾಗಿದೆ. 5ರಿಂದ 10 ಮೂಲಾಂಶ ದಷ್ಟು ಹೆಚ್ಚಿಸಲಾಗಿದೆ. 1 ಕೋಟಿ ರೂ. ಗಿಂತ ಕಡಿಮೆ ಮೊತ್ತದ 1ರಿಂದ 2 ವರ್ಷ ಗಳವರೆಗಿನ ಠೇವಣಿ ಮೇಲಿನ ಬಡ್ಡಿಯನ್ನು ಹಿಂದಿದ್ದ ಶೇ. 6.65ರಿಂದ ಶೇ. 6.70ಕ್ಕೆ ಏರಿಸಲಾಗಿದೆ. ಅದೇ ರೀತಿ 2ರಿಂದ 3 ವರ್ಷಗಳ ಠೇವಣಿಗೆ ಶೇ.6.65ರಿಂದ ಶೇ. 6.75, 3ರಿಂದ 5 ವರ್ಷಗಳ ಠೇವಣಿಗೆ ಶೇ. 6.7ರಿಂದ ಶೇ. 6.8 ಹಾಗೂ 5ರಿಂದ 10 ವರ್ಷಗಳ ಅವಧಿಯ ಠೇವಣಿಗೆ ಶೇ. 6.75ರಿಂದ ಶೇ. 6.85ಗೆ ಏರಿಸಲಾಗಿದೆ. ಹಿರಿಯ ನಾಗರಿಕರಿಗೆ ಪ್ರಸ್ತುತ ದರದ ಮೇಲೆ ಶೇ. 0.5ರಷ್ಟು ಹೆಚ್ಚುವರಿ ಬಡ್ಡಿ ನೀಡಲಾಗುತ್ತದೆ.

Trending videos

Back to Top