ರಾತ್ರಿ 9ರ ಬಳಿಕ ಎಟಿಎಂಗೆ ಹಣ ತುಂಬುವಂತಿಲ್ಲ

Team Udayavani, Aug 20, 2018, 6:00 AM IST

ನವದೆಹಲಿ: ನಗರಪ್ರದೇಶಗಳಲ್ಲಿ ರಾತ್ರಿ 9ರ ಬಳಿಕ, ಗ್ರಾಮೀಣ ಪ್ರದೇಶಗಳಲ್ಲಿ ಸಂಜೆ 6ರ ಬಳಿಕ ಎಟಿಎಂ ಯಂತ್ರಗಳಿಗೆ ಹಣ ತುಂಬುವಂತಿಲ್ಲ ಎಂದು ಕೇಂದ್ರ ಗೃಹ ಸಚಿವಾಲಯ ನಿರ್ದೇಶನ ನೀಡಿದೆ. ಎಟಿಎಂಗಳನ್ನು ರೀಫಿಲ್‌ ಮಾಡುವಂಥ ಕೆಲಸದಲ್ಲಿ ತೊಡಗಿ ಕೊಂಡಿರುವ ಖಾಸಗಿ ಏಜೆನ್ಸಿಗಳಿಗೆ ಈ ಸೂಚನೆ ನೀಡಲಾಗಿದೆ. ಮುಂದಿನ ವರ್ಷದ ಫೆಬ್ರವರಿ 8ರಿಂದ ಹೊಸ ನಿಯಮ ಜಾರಿಯಾಗಲಿದೆ. ನಗದು ವಾಹನಗಳ ಮೇಲೆ ದಾಳಿ, ಎಟಿಎಂ ವಂಚನೆ ಗಳಂಥ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿ ರುವ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಈ ಕ್ರಮ ಕೈಗೊಂಡಿದೆ. ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿ ಎಟಿಎಂಗಳಿಗೆ ಹಣ ತುಂಬಲು ಸಂಜೆ 4 ಗಂಟೆಯ ಗಡುವು ವಿಧಿಸಲಾಗಿದೆ.

ಇತರೆ ನಿರ್ದೇಶನಗಳೇನು?
ಖಾಸಗಿ ಏಜೆನ್ಸಿಗಳು ಪ್ರತಿದಿನ ಮಧ್ಯಾಹ್ನಕ್ಕೂ ಮುನ್ನವೇ ಬ್ಯಾಂಕುಗಳಿಂದ ನಗದು ಸಂಗ್ರಹಿಸಿ, ಸಶಸ್ತ್ರ ವಾಹನಗಳಲ್ಲಿ ಅದನ್ನು ಸಾಗಣೆ ಮಾಡಬೇಕು.

ನಗದು ಒಯ್ಯುವ ಪ್ರತಿ ವ್ಯಾನ್‌ನಲ್ಲೂ ಒಬ್ಬ ಚಾಲಕ, ಇಬ್ಬರು ಸಶಸ್ತ್ರ ಭದ್ರತಾ ಸಿಬ್ಬಂದಿ, ಇಬ್ಬರು ಎಟಿಎಂ ಅಧಿಕಾರಿಗಳು ಇರಬೇಕು.

ಒಬ್ಬ ಭದ್ರತಾ ಸಿಬ್ಬಂದಿ ಮುಂದಿನ ಸೀಟಿನಲ್ಲಿ, ಚಾಲಕನ ಪಕ್ಕ ಕುಳಿತಿರಬೇಕು. ಮತ್ತೂಬ್ಬ ವ್ಯಾನ್‌ ಹಿಂಬದಿ ಸೀಟಿನಲ್ಲಿ ಕುಳಿತುಕೊಳ್ಳಬೇಕು

ಲೋಡಿಂಗ್‌ ಅಥವಾ ಅನ್‌ಲೋಡಿಂಗ್‌ ವೇಳೆ, ಟೀ ಬ್ರೇಕ್‌ ಅಥವಾ ಊಟದ ಸಮಯದಲ್ಲೂ ವ್ಯಾನ್‌ನಲ್ಲಿ ಕನಿಷ್ಠ ಒಬ್ಬ ಭದ್ರತಾ ಸಿಬ್ಬಂದಿ ಇರಲೇಬೇಕು.

ಎಟಿಎಂ ಅಧಿಕಾರಿಗಳನ್ನು ಹಿನ್ನೆಲೆ ಪರಿಶೀಲಿಸಿಯೇ ನೇಮಕ ಮಾಡಿಕೊಳ್ಳಬೇಕು.