CONNECT WITH US  

ಮಧ್ಯಪ್ರದೇಶ : ಹೆತ್ತ ತಾಯಿಯ ಮೇಲೆ ಮಗನಿಂದ ಅತ್ಯಾಚಾರ, ಅರೆಸ್ಟ್‌

ಬರ್ವಾನಿ, ಮಧ್ಯ ಪ್ರದೇಶ : 45 ವರ್ಷ ಪ್ರಾಯದ ಹೆತ್ತ ತಾಯಿಯ ಮೇಲೆ 30ರ ಹರೆಯದ ವಿವಾಹಿತ ಮಗನು ಅತ್ಯಾಚಾರ ನಡೆಸಿದ ಅತ್ಯಂತ ನಿರ್ಲಜ್ಜೆಯ ಘಟನೆ ಜಿಲ್ಲೆಯ ಸುರಾನಿ ಗ್ರಾಮದಲ್ಲಿನ ಮನೆಯೊಂದರಲ್ಲಿ ನಡೆದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ರೇಪ್‌ ಕೃತ್ಯ ಎಸಗಿರುವ ಆರೋಪಿ ಮಗನನ್ನು ಅವರು ಬಂಧಿಸಿದ್ದಾರೆ. 

ಈ ಘಟನೆ ಸೆ.2ರ ಭಾನುವಾರ ರಾತ್ರಿ ನಡೆದಿದೆ. ಮಹಿಳೆಯು ಮನೆಯಲ್ಲಿ ನಿದ್ರಿಸಿಕೊಂಡಿದ್ದಾಗ ಆಕೆಯ ಮಗ ಆಕೆಯ ಮೇಲೆ ಮುಗಿಬಿದ್ದ. ಆತನ ವಿಕಲಾಂಗ ತಂದೆಯು ಘಟನೆಯ ವೇಳೆ ಮನೆಯಲ್ಲಿರಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. 

ಆರೋಪಿ ಮಗನಿಗೆ ಮದುವೆಯಾಗಿದ್ದು ಮೂವರು ಮಕ್ಕಳಿದ್ದಾರೆ. ಮಗನ ಅತ್ಯಾಚಾರವನ್ನು ತಾಯಿಯು ಪ್ರತಿರೋಧಿಸಿದಾಗ ಆಕೆಯ ಕುತ್ತಿಗೆಯನ್ನು ಕತ್ತಿಯಿಂದ ಒತ್ತಿ ಹಿಡಿದ ಮಗನು ತನ್ನ ಹೀನ ಕೃತ್ಯವನ್ನು  ಮುಗಿಸಿದ್ದಾನೆ ಎಂದು ಸೇಂಧವಾ ಪೊಲೀಸ್‌ ಠಾಣಾಧಿಕಾರಿ ದಿನೇಶ್‌ ಚೌಹಾಣ್‌ ತಿಳಿಸಿದ್ದಾರೆ.

ಕಾಮಾಂಧ ಮಗನ ಈ ನಿರ್ಲಜ್ಜ ಕೃತ್ಯವನ್ನು ಆತನ 7 ವರ್ಷ ಪ್ರಾಯದ ಪುತ್ರನು ವೀಕ್ಷಿಸಿದ್ದಾನೆ ಎಂದವರು ಹೇಳಿದರು.

ಕಾಮಾಂಧ ಮಗನ ಕೈಯಿಂದ ಹೇಗೋ ತಪ್ಪಿಸಿಕೊಂಡ ಆತನ ತಾಯಿ ಆ ನಡು ರಾತ್ರಿಯಲ್ಲೇ  ತನ್ನ ಮೂವರು ಮೊಮ್ಮಕ್ಕಳೊಂದಿಗೆ ಸಮೀಪದ ಹೊಲಕ್ಕೆ ಓಡಿ ಹೋದಳು .

ಸೋಮವಾರ (ಸೆ.3) ಆಕೆ ತನ್ನ ಮೇಲಾದ ಹೇಯ ಕೃತ್ಯವನ್ನು ಸಂಬಂಧಿಕರಿಗೆ ತಿಳಿಸಿದಾಗ ಅವರು ಪೊಲೀಸರನ್ನು ಸಂಪರ್ಕಿಸಿ ದೂರು ದಾಖಲಿಸಿದರು. ಪೊಲೀಸರು ಆರೋಪಿ, ಕಾಮಾಂಧ ಮಗನನ್ನು ಬಂಧಿಸಿ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.   

Trending videos

Back to Top