ವಿಮಾನ ನಿರ್ಮಿಸಿದ ರೈತ!
Team Udayavani, Oct 31, 2018, 5:48 AM IST
ಇತ್ತೀಚೆಗಷ್ಟೇ ತಮಿಳುನಾಡಿನ ರೈತರೊಬ್ಬರು ಮರ್ಸಿಡಿಸ್ ಕಾರು ಕೊಂಡು ತಮ್ಮ ಬಾಲ್ಯದ ಕನಸನ್ನು ನನಸಾಗಿಸಿಕೊಂಡಿದ್ದರು. ಚೀನಾದ ರೈತ ಈಗ ತಮ್ಮ ಜಮೀನಿನಲ್ಲಿ ವಿಮಾನವನ್ನು ನಿರ್ಮಿಸಿ ಬಾಲ್ಯದ ಕನಸನ್ನು ನನಸಾಗಿಸಿಕೊಂಡಿದ್ದಾರೆ. ಇದಕ್ಕೆ ತಗುಲಿದ ವೆಚ್ಚ ಬರೋಬ್ಬರಿ 2 ಕೋಟಿ ರೂ.ಗಳು.
ರೈತ ಝು ಯುಯೇ ಚಿಕ್ಕಂದಿನಲ್ಲಿ ಒಂದು ವಿಮಾನವನ್ನು ಕೊಳ್ಳಬೇಕು ಎಂದು ಬಯಸಿದ್ದರು. ಅವರಿಗೆ 40 ವರ್ಷ ವಯಸ್ಸಾಗುವಾಗ ವಿಮಾನ ಹೊಂದುವ ಕುರಿತು ಗಂಭೀರವಾಗಿ ಯೋಚಿಸಿ, ತಮ್ಮ ಜಮೀನಿನಲ್ಲಿ ಏರ್ಬಸ್ ಎ320ಯ ಅದರದ್ದೇ ಅಳತೆಯ ಪ್ರತಿಕೃತಿ ನಿರ್ಮಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಈ ವಿಮಾನವನ್ನು ಹೋಟೆಲ್ ಮಾಡುವ ಯೋಜನೆ ಇದೆಯಂತೆ.