ಎನ್‌ಡಿಎಗೆ ಬಹುಮತ: ಸಮೀಕ್ಷೆ

Team Udayavani, Dec 25, 2018, 6:00 AM IST

ನವದೆಹಲಿ: ಈಗಲೇ ಲೋಕಸಭೆ ಚುನಾವಣೆ ನಡೆದಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎಗೆ 291 ಸ್ಥಾನಗಳು ಸಿಗಲಿವೆ. ಸರಳ ಬಹುಮತ (272)ಕ್ಕಿಂತ 19 ಸ್ಥಾನಗಳು ಹೆಚ್ಚು. ಎಬಿಪಿ ನ್ಯೂಸ್‌ ಮತ್ತು ಸಿ ವೋಟರ್‌ ನಡೆಸಿದ ಸಮೀಕ್ಷೆಯಲ್ಲಿ ಈ ಅಂಶ ವ್ಯಕ್ತವಾಗಿದೆ. 

ಯುಪಿಎಗೆ 171, ಇತರರಿಗೆ 87 ಸ್ಥಾನಗಳು ಲಭಿಸಲಿವೆ. ಆದರೆ, ಉತ್ತರ ಪ್ರದೇಶದಲ್ಲಿ ಎಸ್‌ಪಿ-ಬಿಎಸ್‌ಪಿ ಮೈತ್ರಿ ಮಾಡಿಕೊಳ್ಳದೇ ಸ್ಪರ್ಧಿಸಿದರೆ ಮಾತ್ರ ಈ ರೀತಿ ಫ‌ಲಿತಾಂಶ ಬರಲಿದೆ ಎಂದು ಸಮೀಕ್ಷೆಯಲ್ಲಿ ಅಭಿಪ್ರಾಯಪಡಲಾಗಿದೆ. ಆ ಎರಡು ಪಕ್ಷಗಳು ಮೈತ್ರಿ ಮಾಡಿಕೊಂಡು ಸ್ಪರ್ಧಿಸಿದರೆ ಎನ್‌ಡಿಎಗೆ 247 ಸ್ಥಾನಗಳು ಸಿಗಲಿವೆ ಎಂದು ಅಭಿಪ್ರಾಯ ಪಡಲಾಗಿದೆ. ದಕ್ಷಿಣ ಭಾರತದ 129 ಸ್ಥಾನಗಳಲ್ಲಿ ಎನ್‌ಡಿಎ 15, ಯುಪಿಎ 80, ಇತರರು 34 ಸ್ಥಾನಗಳನ್ನು ಗೆಲ್ಲಲಿದ್ದಾರೆ. 

ಕರ್ನಾಟಕದಲ್ಲಿ: ಇದೇ ವೇಳೆ ರಿಪಬ್ಲಿಕ್‌ ಟಿವಿ ಮತ್ತು ಸಿ ವೋಟರ್‌ ನಡೆಸಿದ ಮತ್ತೂಂದು ಸಮೀಕ್ಷೆಯಲ್ಲಿ ಎನ್‌ಡಿಎಗೆ 247 ಸ್ಥಾನಗಳನ್ನು ನೀಡಲಾಗಿದೆ. ರಿಪಬ್ಲಿಕ್‌ ಟಿವಿ ಪ್ರಕಾರ ಕರ್ನಾಟಕದಲ್ಲಿ 28 ಸ್ಥಾನಗಳಲ್ಲಿ 15 ಎನ್‌ಡಿಎ, 13 ಯುಪಿಎ ಗೆಲ್ಲಲಿದೆ. ಉ.ಪ್ರ.ದಲ್ಲಿ ಮಹಾ ಮೈತ್ರಿಕೂಟ 50, ಯುಪಿಎ 2 ಸ್ಥಾನಗಳನ್ನು ಗೆಲ್ಲಲಿದೆ. ಕೇರಳದ 20 ಸ್ಥಾನಗಳ ಪೈಕಿ 17ರಲ್ಲಿ ಯುಪಿಎ, ಎಲ್‌ಡಿಎಫ್ 3 ಸ್ಥಾನಗಳಲ್ಲಿ ಗೆಲ್ಲಲಿದೆ.

(ಮಹಾಮೈತ್ರಿ ಇಲ್ಲದಿದ್ದರೆ)
ಎನ್‌ಡಿಎ    291
ಯುಪಿಎ    171
ಇತರರು    81

(ಮೈತ್ರಿ ಏರ್ಪಟ್ಟಲ್ಲಿ)
ಎನ್‌ಡಿಎ    247
ಯುಪಿಎ    171
ಇತರರು    125

ಕರ್ನಾಟಕದಲ್ಲಿ (ರಿಪಬ್ಲಿಕ್‌ ಟಿವಿ)
ಎನ್‌ಡಿಎ    15
ಯುಪಿಎ    13
ಒಟ್ಟು    28