ಈ ಬಾರಿ ಕೊಕ್ಕೋ ದಾಖಲೆ ಉತ್ಪಾದನೆ : ಬೆಳೆಗಾರರ ನೆರವಿಗೆ ಕ್ಯಾಂಪ್ಕೋ
Team Udayavani, Jul 7, 2017, 6:59 PM IST
ಸುಳ್ಯ: ತಾಲೂಕಿನಲ್ಲಿ ರೈತರು ಮಾರುಕಟ್ಟೆಗೆ ಕೊಕ್ಕೋ ಹಸಿಬೀಜ ಮಾರಿದ ಪ್ರಮಾಣ ಗಮನಿಸಿದರೆ ಈ ಬಾರಿ ದಾಖಲೆ ಪ್ರಮಾಣದಲ್ಲಿ ಕೊಕ್ಕೋ ಬೆಳೆಯಾಗಿದೆ. ಇದೇ ವೇಳೆ ಎಂದಿನಂತೆ ಕೊಕ್ಕೊ ಬೀಜ ಖರೀದಿಸುತ್ತಿದ್ದ ಹಲವು ಕಂಪೆನಿಗಳು ಬೆಳೆಗಾರರಿಗೆ ಕೈಕೊಟ್ಟರೆ, ಕ್ಯಾಂಪ್ಕೋ ತನ್ನ ಸಾಮರ್ಥ್ಯಕ್ಕೂ ಮೀರಿ ಖರೀದಿಸಿ ರೈತರ ಸಹಾಯಕ್ಕೆ ಬಂದಿದೆ.
ಕಂಪೆನಿಯು 2016 ರ ಎಪ್ರಿಲ್ನಿಂದ 2017 ರ ಮಾರ್ಚ್ ಅಂತ್ಯಕ್ಕೆ ಅವಿಭಜಿತ ಜಿಲ್ಲೆಗಳಿಂದ ಖರೀದಿಸಿದ ಕೊಕ್ಕೋ ಹಸಿಬೀಜದ ಪ್ರಮಾಣ 19 ಸಾವಿರ ಕ್ವಿಂಟಾಲ್. ಈ ವರ್ಷದ ಮೂರು ತಿಂಗಳಲ್ಲೇ 28 ಸಾವಿರ ಕ್ವಿಂಟಾಲ್ ಖರೀದಿಸಲಾಗಿದೆ. ಕ್ಯಾಂಪ್ಕೋಗೆ ಇಷ್ಟೊಂದು ಪ್ರಮಾಣದಲ್ಲಿ ಕೊಕ್ಕೋ ಬೀಜ ಬಂದದ್ದು ಸುಳ್ಯ ಭಾಗದಿಂದಲೇ ಎನ್ನುವುದು ವಿಶೇಷ. ಕಳೆದ ವರ್ಷ ಪೂರ್ತಿ ಸುಳ್ಯ ಶಾಖೆಯಲ್ಲಿ ಖರೀದಿಸಲಾಗಿದ್ದ ಕೊಕ್ಕೋ ಬೀಜ ಒಟ್ಟು 1209 ಕ್ವಿಂಟಾಲ್. ಆದರೆ ಈ ಮೂರು ತಿಂಗಳಲ್ಲಿ 3969 ಕ್ವಿಂಟಾಲ್ ಖರೀದಿಯಾಗಿದೆ. ಇದು ಈ ಶಾಖೆಯೊಂದರಲ್ಲಿ ಮಾತ್ರವಲ್ಲ, ತಾಲೂಕಿನ ಗುತ್ತಿಗಾರು, ಹರಿಹರ, ಸಂಪಾಜೆ ಮತ್ತಿತರ ಹಲವಾರು ಶಾಖೆಗಳಲ್ಲೂ ಇದೇ ರೀತಿ ದಾಖಲೆ ಪ್ರಮಾಣದಲ್ಲಿ ಖರೀದಿಯಾಗಿದೆ.
ತಾಲೂಕಿನಲ್ಲಿ ಅಂದಾಜು 200 ಹೆಕ್ಟೇರ್ ಪ್ರದೇಶದಲ್ಲಿ ಕೊಕ್ಕೋ ಬೆಳೆಯಲಾಗುತ್ತಿದೆ. ಈ ಬಾರಿ ಇಳುವರಿ ಹೆಚ್ಚಿದ್ದ ಕಾರಣ, ಮಾರುಕಟ್ಟೆಗೆ ಹರಿವಿನ ಪ್ರಮಾಣ ಹೆಚ್ಚಿತ್ತು. ಆರಂಭದಲ್ಲಿ ದರ ಏರಿಕೆಯಿದ್ದು, ಕ್ಯಾಂಪ್ಕೋ ಗರಿಷ್ಠ 65 ರೂ. ಗಳಿಗೆ ಖರೀದಿಸಿತ್ತು. ವಿದೇಶದಿಂದ ಕಡಿಮೆ ಬೆಲೆಗೆ ಆಮದಾಗುವ ಕೊಕ್ಕೊದಿಂದಾಗಿ ಕಂಪೆನಿಗಳು ದೇಶೀಯ ಕೊಕ್ಕೊ ಖರೀದಿ ಸ್ಥಗಿತಗೊಳಿಸಿದವು. ಈ ಹಿನ್ನೆಲೆಯಲ್ಲಿ ದರ ಕುಸಿದಿತ್ತು.
ಗಮನಾರ್ಹ ಉತ್ಪಾದನೆ
ಈ ಬಾರಿ ತಾಲೂಕಿನಲ್ಲಿ ಕೊಕ್ಕೋ ಗಮನಾರ್ಹ ಉತ್ಪಾದನೆಗೊಂಡಿದೆ. ಬೇರೆ ಕಂಪೆನಿಗಳು ಖರೀದಿಸದಿದ್ದರೂ ಕೃಷಿಕರ ಹಿತಾಸಕ್ತಿ ಕಾಪಾಡಲು ಸಂಕಷ್ಟಗಳ ಮಧ್ಯೆಯೂ ಸಂಸ್ಥೆ ಖರೀದಿಗೆ ಮುಂದಾಯಿತು.
– ಕೃಷ್ಣಪ್ರಸಾದ್ ಮಡ್ತಿಲ, ಕ್ಯಾಂಪ್ಕೋ ನಿರ್ದೇಶಕರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Aranthodu: ಜೀಪ್-ಬೈಕ್ ಅಪಘಾತ; ಗಂಭೀರ ಗಾಯಗೊಂಡಿದ್ದ ಬೈಕ್ ಸವಾರ ಸಾವು
LS Polls: ಬೆಳ್ತಂಗಡಿ ತಾಲೂಕಿನ ಉಜಿರೆಯ ಮಸ್ಟರಿಂಗ್ ಕೇಂದ್ರಕ್ಕೆ ದ.ಕ. ಜಿಲ್ಲಾಧಿಕಾರಿ ಭೇಟಿ
Bantwala: ಬಾಲಕಿಯೊಂದಿಗೆ ಅನುಚಿತ ವರ್ತನೆ; ಆರೋಪಿ ವಿರುದ್ಧ ಪ್ರಕರಣ ದಾಖಲು
Uppinangady ಬಸ್ಸಿನಲ್ಲಿ ಲೈಂಗಿಕ ಕಿರುಕುಳ: ಪ್ರತಿರೋಧಿಸಿದ ವಿದ್ಯಾರ್ಥಿನಿಯ ನಡೆಗೆ ಶ್ಲಾಘನೆ
ಕೆಂಪಡಿಕೆ ಧಾರಣೆ ಏರಿಕೆ; ಚಾಲಿ ಅಡಿಕೆಗೂ ಬೇಡಿಕೆ: ಚುನಾವಣೆ ಬಳಿಕ ಮತ್ತಷ್ಟು ಹೆಚ್ಚಳ ಸಾಧ್ಯತೆ