CONNECT WITH US  

ಸೌಲಭ್ಯ ದುರ್ಬಳಕೆಯಾಗದಂತೆ ನಿಗಾ

ಸಾಂದರ್ಭಿಕ ಚಿತ್ರ

ಸುಳ್ಯ: ಒಂದೇ ಕುಟುಂಬದವರು ಎರಡು ಕೇಂದ್ರಗಳಲ್ಲಿ ಹೆಸರು ನೋಂದಾಯಿಸಿ ಸೌಲಭ್ಯ ಪಡೆಯುತ್ತಿರುವ ಪ್ರಕರಣಗಳು ಬೆಳಕಿಗೆ ಬಂದಿರುವ ಕಾರಣ ಪ್ರಕೃತಿ ವಿಕೋಪ ಸಂತ್ರಸ್ತರ ಪರಿಹಾರ ಕೇಂದ್ರಗಳಲ್ಲಿ ಸವಲತ್ತುಗಳ ದುರ್ಬಳಕೆ ಆಗದಂತೆ ಕೇಂದ್ರದ ಉಸ್ತುವಾರಿಗಳು ಎಚ್ಚರಿಕೆ ವಹಿಸಿದ್ದಾರೆ.

ದ.ಕ. ಮತ್ತು ಕೊಡಗು ಗಡಿ ಭಾಗದ ಎರಡು ಕೇಂದ್ರಗಳಲ್ಲಿ ಹೊಸ ನೋಂದಣಿ ಸಂದರ್ಭ ನಿಗಾ ಇರಿಸಲಾಗಿದೆ. ಎರಡೆರಡು ಕಡೆ ನೋಂದಾಯಿಸಿದಲ್ಲಿ ಕಾನೂನು ಕ್ರಮದ ಎಚ್ಚರಿಕೆ ನೀಡಲಾಗಿದೆ.

450 ಕುಟುಂಬಕ್ಕೆಸಾಮಗ್ರಿ ವಿತರಣೆ
ಸಂತ್ರಸ್ತ ಪ್ರದೇಶಕ್ಕೆ ಮರಳಿದ ಕುಟುಂಬಗಳಿಗೆ ಜೀವನ ನಿರ್ವಹಣೆ ಕಷ್ಟವಾಗಿರುವುದರಿಂದ ಅಂತಹ ಕುಟುಂಬಗಳಿಗೆ ಅಕ್ಕಿ, ಇತರ ವಸ್ತು ವಿತರಿಸುವ ಕಾರ್ಯ ಕೊಡಗು ಸಂಪಾಜೆ ಗ್ರಾ.ಪಂ. ಕಟ್ಟಡದಲ್ಲಿ ಬುಧವಾರವೂ ಮುಂದುವರಿಯಿತು. 2 ದಿನದಗಳಲ್ಲಿ 450 ಕುಟುಂಬಗಳಿಗೆ ಸೌಲಭ್ಯ ವಿತರಿಸಲಾಗಿದೆ. ಆ. 30 ವಿತರಣೆಗೆ ಕೊನೆಯ ದಿನಾಂಕ ಎಂದು ಪಿಡಿಒ ಮಾಹಿತಿ ನೀಡಿದ್ದಾರೆ.

ಮರಳಿ ಬಂದ ಕುಟುಂಬಗಳು
ಸಂಬಂಧಿಕರ ಮನೆಗೆ ತೆರಳಿದ ಕೆಲ ಕುಟುಂಬಗಳು 12 ದಿನಗಳ ಬಳಿಕ ಪರಿಹಾರ ಕೇಂದ್ರಗಳಿಗೆ ವಾಪಸಾಗಿವೆ. ಈಗಾಗಲೇ ಮೂರು ಕೇಂದ್ರಗಳ ಪೈಕಿ ಒಂದನ್ನು ಮುಚ್ಚ ಲಾಗಿದೆ. ಇನ್ನಿರುವ ಕೊಡಗು ಸಂಪಾಜೆ ಆರೋಗ್ಯ ಕೇಂದ್ರದಹಳೆ ಕಟ್ಟಡ, ಕಲ್ಲುಗುಂಡಿ ಶಾಲೆಯಲ್ಲಿರುವ  ಕೇಂದ್ರ ಭರ್ತಿ ಆಗಿದೆ. ಹೊಸ ಕುಟುಂಬಗಳು ಬಂದಲ್ಲಿ ವಾಸ್ತವ್ಯಕ್ಕೆ ಏನು ಮಾಡುವುದು ಎಂಬ ಸಮಸ್ಯೆ ಈಗ ಉದ್ಭವಿಸಿದೆ.

ಮಂಜುಳಾ ಆಸೆ ಕೈ ಬಿಟ್ಟ ಕುಟುಂಬ
ಕಣ್ಮರೆಯಾಗಿರುವ ವಿದ್ಯಾರ್ಥಿನಿ ಮಂಜುಳಾಗಾಗಿ ಆಕೆಯ ಕುಟುಂಬದವರು 12 ದಿನಗಳ ಕಾಲ ಜೋಡುಪಾಲದಲ್ಲಿ ಹುಡುಕಾಟ ನಡೆಸಿದ್ದಾರೆ. ರಕ್ಷಣಾ ತಂಡ, ಊರವರು ಶೋಧ ನಡೆಸುತ್ತಿದ್ದಾರೆ. ಎಲ್ಲ ಜಾಗದಲ್ಲಿ ಹುಡುಕಿಯಾಗಿದೆ. ಇನ್ನು ಎಲ್ಲಿ  ಹುಡುಕುವುದು ಎಂದು ಮಂಜುಳಾ ಅವರ ತಂದೆ ಸೋಮಯ್ಯ ಅಳಲು ವ್ಯಕ್ತಪಡಿಸಿದ್ದಾರೆ. ಮಂಜುಳಾ ಸಿಗಬಹುದು ಎಂಬ ಕುಟುಂಬದ ಆಸೆ ಬಹುತೇಕ ಕ್ಷೀಣಿಸಿದೆ. 

ಇಂದು ಹೆಚ್ಚು ಓದಿದ್ದು

ಬೆಂಗಳೂರಿನಲ್ಲಿ ನಡೆದ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಸಂಬಂಧಿ ಮದುವೆ ಸಮಾರಂಭದಲ್ಲಿ ಪಾಲ್ಗೊಂಡಿದ್ದ ಸಚಿವ ರಮೇಶ ಜಾರಕಿಹೊಳಿ.

Nov 19, 2018 06:00am

ಬಾಗಲಕೋಟೆಯಲ್ಲಿ ಕಬ್ಬು ತುಂಬಿದ್ದ ಟ್ರ್ಯಾಕ್ಟರ್‌ ಬೆಂಕಿಗೆ ಆಹುತಿ.

Nov 19, 2018 06:00am

Trending videos

Back to Top