ಸನಾತನ ಧರ್ಮಕ್ಕೆ ಶ್ರೀಮದಾನಂದ ತೀರ್ಥರ ಕೊಡುಗೆ ಅಪಾರ
Team Udayavani, Feb 15, 2019, 10:05 AM IST
ಭದ್ರಾವತಿ: ಭಾರತೀಯ ಸಂಸ್ಕೃತಿ, ಸಾಹಿತ್ಯಕ್ಕೆ ಮೂಲ ಆಧಾರ ವೇದ, ಉಪನಿಷತ್ಗಳು, ಮಹಾಭಾರತ. ಈ ನಾಲ್ಕು ವೇದಗಳೂ ಪರಮಾತ್ಮನ ಅನಂತ ಗುಣಗಳನ್ನು ಸಾರುತ್ತವೆ. ಶ್ರೀಮದಾನಂದ ತೀರ್ಥರು ವೇದಮಂತ್ರಗಳ ಯತಾರ್ಥವನ್ನು ತಿಳಿಸಿ ಹೇಳುವ ಮೂಲಕ ಸನಾತನಧರ್ಮದ ನಿಜವಾದ ಅರ್ಥವನ್ನು ಜಗತ್ತಿಗೆ ಸಾರುವ ಮೂಲಕ ಮಹದುಪಕಾರ ಮಾಡಿದ್ದಾರೆ ಎಂದು ಉತ್ತರಾದಿಮಠದ ಶ್ರೀ ಸತ್ಯಾತ್ಮ ತೀರ್ಥ ಸ್ವಾಮೀಜಿ ಹೇಳಿದರು.
ಜನ್ನಾಪುರದ ಶ್ರೀ ರಾಘವೇಂದ್ರಸ್ವಾಮಿಗಳ ಮಠದಲ್ಲಿ ಪಂಚಯತಿಗಳ ಪ್ರತಿಷ್ಠಾಪನಾ ಮಹೋತ್ಸವ ಅಂಗವಾಗಿ ಏರ್ಪಡಿಸಿದ್ದ ಶ್ರೀಮನ್ಮಧ್ವಾಚಾರ್ಯರ ಶೋಭಾಯಾತ್ರೆ ನಂತರ ನಡೆದ ಕಾರ್ಯಕ್ರಮದಲ್ಲಿ ಆಶೀರ್ವಚನ ನೀಡಿದರು. ಸನಾತನ ಧರ್ಮ ಸರಿಯಾಗಿ ಅರಿಯಲು ವೇದಗಳೇ ಆಧಾರ. ವೇದವನ್ನು ಸರಿಯಾಗಿ ಅರ್ಥೈಸಿಕೊಳ್ಳದೆ ಸನಾತನ ಧರ್ಮದ ಬಗ್ಗೆ ಅನ್ಯರು ಮಾಡುವ ಆಕ್ಷೇಪಣೆ ಅವರ ಅಜ್ಞಾನ ತೋರಿಸುತ್ತದೆ ಎಂದರು.
ಸನಾತನ ಧರ್ಮದಲ್ಲಿ ಅನೇಕ ದೇವರು ಇದ್ದರೂ ಸಹ ಅವರೆಲ್ಲರೂ ಒಬ್ಬ ಭಗವಂತನ ಅಧೀನದಲ್ಲಿರುವ ದೇವತೆಗಳು. ಆದ್ದರಿಂದ ಸನಾತನ ಧರ್ಮದಲ್ಲಿ ಒಬ್ಬನೇ ದೇವರನ್ನು ಅವನಲ್ಲಿರುವ ಅನಂತ ಗುಣಗಳನ್ನು ಆಧರಿಸಿ ಅವನಿಗೆ ಬೇರೆ ಬೇರೆ ಹೆಸರುಗಳಿವೆ. ಉಳಿದ ದೇವರುಗಳು ಅವನ ಅಧೀನದಲ್ಲಿ ಇದ್ದರಿಂದ ಭಗವಂತನೊಬ್ಬನೇ ಸರ್ವೋತ್ತಮ ಎಂದರು.
ಈ ತತ್ವವನ್ನು ಭಗವಂತನ ಆದೇಶಾನುಸಾರ ಹನುಮ, ಭೀಮ, ಮಧ್ವರಾಗಿ ಜನಿಸಿದ ಶ್ರೀಮದಾನಂದ ತೀರ್ಥಾಚಾರ್ಯರು ವೇದಗಳಲ್ಲಿ ಬರುವ ಶಬ್ದಗಳಿಗೆ ಸರಿಯಾದ ರೀತಿ ವ್ಯಾಖ್ಯಾನ ಮಾಡುವ ಮೂಲಕ ನಮಗೆ ತಿಳಿಸಿಕೊಟ್ಟಿದ್ದಾರೆ. ಇದನ್ನು ನಾವುಗಳು ಆಚಾರ್ಯರ ಗ್ರಂಥಗಳ ಅಧ್ಯಯನ ಮಾಡುವುದರಿಂದ ಅರಿಯಬೇಕು. ಆ ಮೂಲಕ ಪ್ರತಿನಿತ್ಯ ಅನುಸಂಧಾನದ ಮೂಲಕ ಶ್ರೀಮದಾನಂದ ತೀರ್ಥರನ್ನು ಸ್ಮರಿಸಿದರೆ ಅದು ನಾವು ಆ ಗುರುಗಳಿಗೆ ತೋರುವ ನಿಜವಾದ ನಮನ ಗೌರವ, ಭಕ್ತಿ ಎನಿಸುತ್ತದೆ ಎಂದರು.
ಪಂಡಿತ ರಾಮಾಚಾರ್ ಉಪನ್ಯಾಸ ನೀಡಿ, ಮಠ, ಆರಾಧನೆ ಎಂದರೆ ಊಟ, ಪ್ರಸಾದ ದೊರಕುವ ಸ್ಥಳ ಎಂದು ಭಾವಿಸಿ ಹೋಗಬಾರದು. ಬದಲಿಗೆ ಗುರುಗಳ ಸೇವೆ ಮಾಡಲು ದೊರಕುವ ಸೌಭಾಗ್ಯ ಎಂಬ ಭಾವನೆಯಿಂದ ಹೋಗಿ ಗುರುಗಳ ಸೇವೆ ಮಾಡಬೇಕು. ಮಾನವ ಜನ್ಮ ಅತಿದುರ್ಲಬ. ಅದು ದೊರಕಿರುವ ಈ ಜನ್ಮದಲ್ಲಿ ಸಾರ್ಥಕ ಮಾಡಿಕೊಳ್ಳಲು ಗುರು ಸೇವೆ, ಭಗವಂತ ನಾಮಸ್ಮರಣೆ ಮಾಡುವ ಮೂಲಕ ಮೋಕ್ಷ ಸಾಧನೆಗೆ ಪ್ರಯತ್ನಿಸಬೇಕು ಎಂದರು.
ಶೋಭಾಯಾತ್ರೆ: ನ್ಯೂಟೌನ್ ಶ್ರೀರಾಮ ಮಂದಿರದ ಮುಂಭಾಗದಿಂದ ಶ್ರೀಮಠದ ವರೆಗೆ ಶ್ರೀಮನ್ಮಧ್ವಾಚಾರ್ಯರ ಭಾವಚಿತ್ರ ಹಾಗೂ ಸೀತಾರಾಮ ಲಕ್ಷ್ಮಣರ ಮೂರ್ತಿಯನ್ನು ವಿದ್ಯುತ್ ಅಲಂಕೃತ ವಾಹನದಲ್ಲಿರಿಸಿ ಶೋಭಾಯಾತ್ರೆ ನಡೆಯಿತು. ಮೆರವಣಿಗೆಯಲ್ಲಿ ಚಂಡೆವಾದ್ಯ, ಮಂಗಳ ವಾದ್ಯ ಸಹಿತ ಅಪಾರ ಭಕ್ತರು, ಮಹಿಳೆಯರು ಭಜನೆ ಮಾಡುತ್ತಾ, ಕೋಲಾಟವಾಡುತ್ತಾ ಸಾಗಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Thirthahalli: ರಾಜ್ಯದ 28 ಕ್ಷೇತ್ರವನ್ನೂ ಗೆಲ್ಲಿಸಬೇಕೆಂದು ಜೆಡಿಎಸ್ ಪಕ್ಷದೊಂದಿಗೆ ಮೈತ್ರಿ
Rameshwaram Cafe blast:ತೀರ್ಥಹಳ್ಳಿಯಲ್ಲಿ ಬೆಳ್ಳಂಬೆಳಗ್ಗೆ ಎನ್ಐಎ ದಾಳಿ
ರಾಜ್ಯ ಬಿಜೆಪಿಯಲ್ಲೀಗ ಕಾಂಗ್ರೆಸ್ ಸಂಸ್ಕೃತಿ ಬಂದಿದೆ: ಕೆ.ಎಸ್. ಈಶ್ವರಪ್ಪ
ಶಿವಮೊಗ್ಗ: ಮಂಗನ ಕಾಯಿಲೆಗೆ ಏಳು ವರ್ಷದ ಬಾಲಕಿ ಸಾವು
Rice: ಅಂಗನವಾಡಿ ಮಕ್ಕಳಿಗಿಲ್ಲ ಅನ್ನ ಭಾಗ್ಯ! ಮೂರು ತಿಂಗಳಿಂದ ಅಕ್ಕಿ ಪೂರೈಕೆ ಸ್ಥಗಿತ
MUST WATCH
ಹೊಸ ಸೇರ್ಪಡೆ
Australia; ಕೇಂದ್ರೀಯ ಗುತ್ತಿಗೆ ಪಟ್ಟಿ: ವಾರ್ನರ್, ಸ್ಟೋಯಿನಿಸ್, ಅಗರ್ ಹೊರಕ್ಕೆ
ACA ವಿರುದ್ಧ ಹೇಳಿಕೆ: ಕ್ರಿಕೆಟಿಗ ಹನುಮ ವಿಹಾರಿಗೆ ನೋಟಿಸ್
Rajasthan Royals; ಪ್ರಸಿದ್ಧ್ ಕೃಷ್ಣ ಬದಲಿಗೆ ಕೇಶವ ಮಹಾರಾಜ್
Uttara Kannada ಸಮುದ್ರದಲ್ಲಿ ಮತ್ತೆ ಜೆಲ್ಲಿಫಿಶ್ಗಳು: ಪ್ರವಾಸಿಗರಿಗೆ ಭಯ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ