ಆಸೀಸ್ ಅಣಕಕ್ಕೆ ಕೊಹ್ಲಿ ತಿರುಗೇಟು
Team Udayavani, Mar 20, 2017, 3:22 PM IST
ರಾಂಚಿ ಟೆಸ್ಟ್ ಪಂದ್ಯದ ಮೊದಲ ದಿನವೇ ಕೊಹ್ಲಿ ಬೌಂಡರಿ ಲೈನ್ ಸಮೀಪ ಬಿದ್ದು, ಭುಜಕ್ಕೆ ಗಾಯಮಾಡಿಕೊಂಡಿದ್ದರು. ಆಗ ಕೊಹ್ಲಿ ಭುಜವನ್ನು ಹಿಡಿದುಕೊಂಡೇ ನೋವನುಭವಿಸುತ್ತಿದ್ದರು. ಪಂದ್ಯದ 3ನೇ ದಿನವಾದ ಶನಿವಾರ ಆಸ್ಟ್ರೇಲಿಯದ ಮ್ಯಾಕ್ಸ್ವೆಲ್ ಸೇರಿದಂತೆ ಕೆಲವು ಆಟಗಾರರು ಕ್ಷೇತ್ರ ರಕ್ಷಣೆವೇಳೆ ಭುಜವನ್ನು ಹಿಡಿದುಕೊಂಡು ಕೊಹ್ಲಿಯನ್ನು ಅಣಕಿಸುತ್ತಿದ್ದರು. ಇದಕ್ಕೆ ಕೊಹ್ಲಿ ರವಿವಾರ ತಿರುಗೇಟು ನೀಡಿದ್ದಾರೆ. ಆಸೀಸ್ ದ್ವಿತೀಯ ಇನ್ನಿಂಗ್ಸ್ ವೇಳೆ ಜಡೇಜ ಬೌಲಿಂಗ್ನಲ್ಲಿ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಬೌಲ್ಡ್ ಆದರು. ಆಗ ಕೊಹ್ಲಿ ತಮ್ಮ ಭುಜ ಹಿಡಿದು ಓಡುತ್ತ, ಸಂಭ್ರಮಿಸುತ್ತ ಅಣಕಿಸಿದವರಿಗೆ ತಿರುಗೇಟು ನೀಡಿದರು!