ರಸ್ತೆ ಅಪಘಾತ: ಪಾರಾದ ಶಮಿ
Team Udayavani, Mar 26, 2018, 6:10 AM IST
ಡೆಹ್ರಾಡೂನ್: ಭಾರತ ತಂಡದ ವೇಗಿ ಮೊಹಮ್ಮದ್ ಶಮಿ ಅವರು ಡೆಹ್ರಾಡೂನ್ನಿಂದ ಹೊಸದಿಲ್ಲಿಗೆ ಆಗಮಿಸುತ್ತಿದ್ದ ವೇಳೆ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಅಲ್ಪ ಗಾಯಗಳೊಂದಿಗೆ ಪಾರಾಗಿದ್ದಾರೆ.
ದಿಲ್ಲಿಗೆ ಆಗಮಿಸುತ್ತಿದ್ದ ವೇಳೆ ಶಮಿ ಪ್ರಯಾಣಿಸುತ್ತಿದ್ದ ಕಾರು ಟ್ರಕ್ಗೆ ಢಿಕ್ಕಿಯಾಗಿತ್ತು. ಅಪಾಯದಿಂದ ಪಾರಾಗಿರುವ ಅವರು ಅಲ್ಪ ಗಾಯಕ್ಕೆ ಒಳಗಾಗಿದ್ದಾರೆ. ತಲೆಗೆ ಕೆಲವು ಸ್ಟಿಚ್ ಹಾಕಲಾಗಿದೆ.
ಐಪಿಎಲ್ನಲ್ಲಿ ಡೆಲ್ಲಿ ಡೇರ್ಡೆವಿಲ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ಶಮಿ ಡೆಹ್ರಾಡೂನ್ನಲ್ಲಿ ಅಭ್ಯಾಸ ನಡೆಸುತ್ತಿದ್ದಾರೆ. ಅವರು ಅಪಾಯದಿಂದ ಪಾರಾಗಿದ್ದಾರೆ.
ಭಾರತ “ಎ’ ಆಟಗಾರ ಮತ್ತು ಬಂಗಾಲ ತಂಡದ ಬ್ಯಾಟ್ಸ್ಮನ ಅಭಿಮನ್ಯು ಈಶ್ವರನ್ ಅವರ ತಂದೆ ನಡೆಸುತ್ತಿರುವ ಅಭಿಮನ್ಯು ಕ್ರಿಕೆಟ್ ಅಕಾಡೆಮಿಯಲ್ಲಿ 27ರ ಹರೆಯದ ಶಮಿ ಅಭ್ಯಾಸ ನಡೆಸುತ್ತಿದ್ದಾರೆ. ನಾನೀಗ ದೈಹಿಕ ಮತ್ತು ಮಾನಸಿಕ ಕಿರುಕುಳದಿಂದ ಬಳಲುತ್ತಿದ್ದೇನೆ ಎಂದು ಶಮಿ ಹೇಳಿದ್ದಾರೆ. ಅವರ ಪತ್ನಿ ಹಸಿನ್ ಜಹಾನ್ ಇತ್ತೀಚೆಗೆ ಪತಿ ವಿರುದ್ಧವೇ ದೈಹಿಕ ಹಿಂಸೆ ಕುರಿತು ಪೊಲೀಸ್ ದೂರು ನೀಡಿದ್ದರು. ಆದರೆ ಇದನ್ನು ಶಮಿ ನಿರಾಕರಿಸಿದ್ದಾರೆ.
ಶಮಿ ಸುರಕ್ಷಿತವಾಗಿದ್ದಾರೆ. ಢಿಕ್ಕಿ ಸಂಭವಿಸಿದ ಬಳಿಕ ಅವರನ್ನು ಆಸ್ಪತ್ರೆಗೆ ಕೊಂಡೊಯ್ಯಲಾಯಿತಲ್ಲದೇ ತಲೆಗೆ ಕೆಲವು ಸ್ಟಿಚ್ ಹಾಕಲಾಯಿತು. ಅವರೀಗ ಆರಾಮವಾಗಿದ್ದಾರೆ. ಆದರೆ ಕೆಲವು ದಿ® ವಿಶ್ರಾಂತಿ ಪಡೆಯುವಂತೆ ಸೂಚಿಸಲಾಗಿದೆ ಎಂದು ಅಭಿಮನ್ಯು ಅವರ ತಂದೆ ಈಶ್ವರನ್ ಹೇಳಿದ್ದಾರೆ.