ಡೈಮಂಡ್ ಲೀಗ್ ಕೂಟಕ್ಕೆ ನೀರಜ್ ಚೋಪ್ರಾ
Team Udayavani, Apr 20, 2018, 7:20 AM IST
ಹೊಸದಿಲ್ಲಿ: ಕಾಮನ್ವೆಲ್ತ್ ಗೇಮ್ಸ್ ಆ್ಯತ್ಲೆಟಿಕ್ಸ್ ಸ್ಪರ್ಧೆಯ ಜಾವೆಲಿನ್ ಎಸೆತದಲ್ಲಿ ಚಿನ್ನದ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ ಭಾರತದ ನೀರಜ್ ಚೋಪ್ರಾ ಮುಂಬರುವ “ಡೈಮಂಡ್ ಲೀಮಗ್ ಸೀರೀಸ್’ನಲ್ಲಿ ಸ್ಪರ್ಧಿಸಲಿದ್ದಾರೆ. ಈ ಕೂಟ ಮೇ 4ರಿಂದ ದೋಹಾದಲ್ಲಿ ಆರಂಭವಾಗಲಿದೆ.
ಈ ಕತಾರ್ ನ್ಪೋರ್ಟ್ಸ್ ಕ್ಲಬ್ ಕೂಟದಲ್ಲಿ ಹಾಲಿ ಒಲಿಂಪಿಕ್ ಚಾಂಪಿಯನ್ ಜರ್ಮನಿಯ ಥಾಮಸ್ ರೋಹÉರ್, ಇದೇ ದೇಶದ ವಿಶ್ವ ಚಾಂಪಿಯನ್ ಜೊಹಾನ್ನೆಸ್ ವೆಟ್ಟರ್ ಕೂಡ ಪಾಲ್ಗೊಳ್ಳಲಿದ್ದಾರೆ. ಹೀಗಾಗಿ ನೀರಜ್ ಪಾಲಿಗೆ ಇದೊಂದು ಹೊಸ ಹಾಗೂ ಕಠಿನ ಸವಾಲಾಗಲಿದೆ.
2017ರ ವಿಶ್ವ ಚಾಂಪಿಯನ್ಶಿಪ್ ಬೆಳ್ಳಿ ಪದಕ ವಿಜೇತ, ಹಾಲಿ ಡೈಮಂಡ್ ಲೀಗ್ ಚಾಂಪಿಯನ್ ಜೆಕ್ ಗಣರಾಜ್ಯದ ಜೇಕಬ್ ವಾದೆಕ್, ಇದೇ ದೇಶದ ವಿಶ್ವ ಚಾಂಪಿಯನ್ಶಿಪ್ ಕಂಚಿನ ಪದಕ ವಿಜೇತ ಸ್ಪರ್ಧಾಳು ಪೀಟರ್ ಫ್ರೆಡ್ರಿಕ್ ಕೂಡ ದೋಹಾದಲ್ಲಿ ಸ್ಪರ್ಧೆಗೆ ಇಳಿಯಲಿದ್ದಾರೆ.
ಕಳೆದ ವರ್ಷ ರೋಹರ್ 93.90 ಮೀ. ಎಸೆಯುವ ಮೂಲಕ ಅಮೋಘ ಸಾಧನೆಗೈದಿದ್ದರು. ಇದು ಜಾಗತಿಕ ಮಟ್ಟದಲ್ಲಿ 2ನೇ ಅತ್ಯುತ್ತಮ ಸಾಧನೆಯಾಗಿ ದಾಖಲಾಗಿತ್ತು. ಎರಡೇ ತಿಂಗಳಲ್ಲಿ ಲುಜೆರ್ನ್ ಕೂಟದಲ್ಲಿ ವೆಟ್ಟರ್ 94.44 ಮೀ. ಎಸೆಯುವ ಮೂಲಕ ದ್ವಿತೀಯ ಸ್ಥಾನವನ್ನು ತಮ್ಮದಾಗಿಸಿಕೊಂಡಿದ್ದರು. ನೀರಜ್ ಚೋಪ್ರಾ ಗೋಲ್ಡ್ಕೋಸ್ಟ್ನಲ್ಲಿ 86.47 ಮೀ. ದೂರ ದಾಖಲಿಸಿದ್ದರು.