ವಿದೇಶಿ ಫ‌ುಟ್‌ಬಾಲ್‌ “ಪ್ರೇಮಿ’ಗಳ ಜತೆ ಡೇಟಿಂಗ್‌ ನಡೆಸಬೇಡಿ!

Team Udayavani, Jun 16, 2018, 6:00 AM IST

ಮಾಸ್ಕೊ: ರಶ್ಯನ್‌ ಮಹಿಳೆಯರು ವಿಶ್ವಕಪ್‌ ಫ‌ುಟ್‌ಬಾಲ್‌ ಪಂದ್ಯಾವಳಿಯನ್ನು ವೀಕ್ಷಿಸಲು ಬರುವ ಅಭಿಮಾನಿಗಳೊಂದಿಗೆ ಡೇಟಿಂಗ್‌ ನಡೆಸದಂತೆ ಅಲ್ಲಿನ ಸಂಸತ್ತಿನ ಕೆಳಮನೆಯ ಕೌಟುಂಬಿಕ ಸಮಿತಿ ಮುಖ್ಯಸ್ಥರು ಸಲಹೆ ನೀಡಿದ್ದಾರೆ.

ಗೊವೋರಿಟ್‌ ಮೋಸ್ಕ್ವಾ ರೇಡಿಯೋಗೆ ನೀಡಿದ ಸಂದರ್ಶನದಲ್ಲಿ 70ರ ಹರೆಯದ ತಮಾರಾ ಪ್ಲೆಟ್ನೆವಾ ಅವರು, 1980ರಲ್ಲಿ ಮಾಸ್ಕೋದಲ್ಲಿ ನಡೆದ ಒಲಿಂಪಿಕ್ಸ್‌ ಸಂದರ್ಭದಲ್ಲಿ ವಿದೇಶಿಯರೊಂದಿಗೆ ಸಂಬಂಧ ಹೊಂದಿದ ಕೆಲವು ಮಹಿಳೆಯರು ಗರ್ಭವತಿಯಾಗಿದ್ದನ್ನು ಅವರು ಸ್ಮರಿಸಿಕೊಂಡರು. ಈ ಸಲದ ವಿಶ್ವಕಪ್‌ ಪಂದ್ಯಾವಳಿಯ ವೇಳೆ ರಶ್ಯ ಮಹಿಳೆಯರು ಫ‌ುಟ್‌ಬಾಲ್‌ ಅಭಿಮಾನಿಗಳೊಂದಿಗೆ ಡೇಟಿಂಗ್‌ ನಡೆಸಿ, ಗರ್ಭ ಧರಿಸಲಾರರು ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ವಿದೇಶಿ ಫ‌ುಟ್‌ಬಾಲ್‌ ಅಭಿಮಾನಿಗಳೊಂದಿಗೆ ಡೇಟಿಂಗ್‌ ನಡೆಸಿ ಅವರು ಗರ್ಭ ಧರಿಸಿದರೆ ಮಿಶ್ರ ಜನಾಂಗದ, ತಂದೆಯ ಸಂಪರ್ಕವೇ ಇಲ್ಲದ ಮಕ್ಕಳ ತಾಯಿಯಾಗುತ್ತಾರೆ. ಅಥವಾ ತಂದೆಯೊಂದಿಗೆ ತೆರಳಿದರೆ ತಾಯಿಯ ಬಾಂಧವ್ಯವನ್ನೇ ಕಳೆದುಕೊಳ್ಳುತ್ತಾರೆ. ಇಂಥ ಸನ್ನಿವೇಶ ಎದುರಾಗುವುದು ಬೇಡ ಎಂದು ಎಚ್ಚರಿಸಿದ್ದಾರೆ.