ಕಮಿನ್ಸ್, ಹ್ಯಾಝಲ್ವುಡ್ ಪಾಕ್ ಸರಣಿಯಿಂದ ಹೊರಗೆ
Team Udayavani, Aug 10, 2018, 6:25 AM IST
ಮೆಲ್ಬರ್ನ್: ಆಸೀಸ್ ವೇಗಿಗಳಾದ ಪ್ಯಾಟ್ ಕಮಿನ್ಸ್ ಮತ್ತು ಜೋಶ್ ಹ್ಯಾಝಲ್ವುಡ್ ವರ್ಷಾಂತ್ಯದ ಪಾಕಿಸ್ಥಾನ ಪ್ರವಾಸದಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ. ಮೊದಲೇ ಶಕ್ತಿಗುಂದಿರುವ ಆಸ್ಟ್ರೇಲಿಯ ಕ್ರಿಕೆಟಿಗೆ ಇದರಿಂದ ಇನ್ನಷ್ಟು ಹೊಡೆತ ಬೀಳಲಿದೆ.
ತಂಡದ ಪ್ರಧಾನ ವೇಗಿಗಳಾದ ಕಮಿನ್ಸ್ ಮತ್ತು ಹ್ಯಾಝಲ್ವುಡ್ ಬೆನ್ನುನೋವಿನಿಂದಾಗಿ ಕಳೆದ 4 ತಿಂಗಳಿಂದ ಸ್ಪರ್ಧಾತ್ಮಕ ಕ್ರಿಕೆಟ್ನಿಂದ ದೂರ ಉಳಿದಿದ್ದಾರೆ. ಸದ್ಯ ಪುನಶ್ಚೇತನ ಪ್ರಕ್ರಿಯೆಯಲ್ಲಿ ತೊಡಗಿದ್ದು, ನಿಧಾನವಾಗಿ ಸ್ಪಂದಿಸುತ್ತಿದ್ದಾರೆ ಎಂದು ಆಸ್ಟ್ರೇಲಿಯದ ಫಿಸಿಯೋ ಡೇವಿಡ್ ಬೀಕ್ಲಿ ಹೇಳಿದ್ದಾರೆ.
ಪಾಕಿಸ್ಥಾನ ವಿರುದ್ಧದ ಈ 2 ಪಂದ್ಯಗಳ ಟೆಸ್ಟ್ ಸರಣಿ ಅಕ್ಟೋಬರ್ನಲ್ಲಿ ಯುಎಇಯಲ್ಲಿ ನಡೆಯಲಿದೆ.
ನವಂಬರ್ನಲ್ಲಿ ನಡೆಯುವ ದೇಶಿ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಅಂಗಳಕ್ಕಿಳಿಯುವುದು ಇವರಿಬ್ಬರ ಯೋಜನೆಯಾಗಿದೆ.
ಯುಎಇ ಪ್ರವಾಸ ಮುಗಿದ ಬಳಿಕ ದಕ್ಷಿಣ ಆಫ್ರಿಕಾ, ಭಾರತ ಹಾಗೂ ಶ್ರೀಲಂಕಾ ವಿರುದ್ಧ ಆಸ್ಟ್ರೇಲಿಯ ಮಹತªದ ತವರಿನ ಸರಣಿಗಳಲ್ಲಿ ಪಾಲ್ಗೊಳ್ಳಲಿದೆ. ಇದಕ್ಕೆ ಕಮಿನ್ಸ್ ಹಾಗೂ ಹ್ಯಾಝಲ್ವುಡ್ ಅವರ ಫಿಟ್ನೆಸ್ ಅಗತ್ಯವಾಗಿದೆ.