ಕೆಪಿಎಲ್: ಬಳ್ಳಾರಿ ಟಸ್ಕರ್ಸ್ಗೆ 169 ರನ್ ಗುರಿ
Team Udayavani, Aug 18, 2018, 6:00 AM IST
ಬೆಂಗಳೂರು: ಆರು ವಿಕೆಟ್ಗಳನ್ನು 67 ರನ್ ಆಗುವಷ್ಟರಲ್ಲಿ ಕಳೆದುಕೊಂಡರೂ ಅರ್ಷದೀಪ್ ಸಿಂಗ್ ಬ್ರಾರ್ ಅವರ ಸಿಡಿಲಬ್ಬರ ಬ್ಯಾಟಿಂಗ್ ನೆರವಿನಿಂದ ಕೆಪಿಎಲ್ ಟಿ20 ಕ್ರಿಕೆಟ್ ಕೂಟದ ಶುಕ್ರವಾರದ ಪಂದ್ಯದಲ್ಲಿ ಬಳ್ಳಾರಿ ಟಸ್ಕರ್ಸ್ ವಿರುದ್ಧ ಬೆಂಗಳೂರು ಬ್ಲಾಸ್ಟರ್ಸ್ 20 ಓವರ್ಗಳಲ್ಲಿ 8 ವಿಕೆಟಿಗೆ 168 ರನ್ ಪೇರಿಸಿದೆ.
7 ಕ್ರಮಾಂಕದಲ್ಲಿ ಬ್ಯಾಟ್ ಹಿಡಿದು ಬಂದ ಅರ್ಷದೀಪ್ 34 ಎಸೆತ ಎದುರಿಸಿ 68 ರನ್ ಬಾರಿಸಿದರು. ಇದರಲ್ಲಿ 8 ಪ್ರಚಂಡ ಸಿಕ್ಸರ್ ಹಾಗೂ ಒಂದು ಬೌಂಡರಿ ಸೇರಿತ್ತು. ಚೇತನ್ ವಿಲಿಯಮ್ಸ್ 22, ಭರತ್ ದೇವರಾಜ್ 19 ರನ್ ಮಾಡಿದರು. ಬಳ್ಳಾರಿ ಪರ ಪ್ರದೀಪ್ ಟಿ. 24 ರನ್ ವೆಚ್ಚದಲ್ಲಿ 3 ವಿಕೆಟ್ ಉರುಳಿಸಿದರು. ಬೆಳಗಾವಿ ವಿರುದ್ಧ ಮೊದಲ ಪಂದ್ಯದಲ್ಲಿ ಗೆದ್ದ ಹುಮ್ಮಸ್ಸಿನೊಂದಿಗೆ ಬೆಂಗಳೂರು ಬ್ಲಾಸ್ಟರ್ ಆಡಲಿಳಿದಿತ್ತು.