ಸ್ಯಾಫ್ ಫ‌ುಟ್ಬಾಲ್‌: ಭಾರತ ಫೈನಲಿಗೆ

Team Udayavani, Sep 13, 2018, 6:10 AM IST

ಢಾಕಾ: ಮನ್ವೀರ್‌ ಸಿಂಗ್‌ ಅವರ ಅವಳಿ ಗೋಲುಗಳ ನೆರವಿನಿಂದ ಹಾಲಿ ಚಾಂಪಿಯನ್‌ ಭಾರತವು ಪಾಕಿಸ್ಥಾನವನ್ನು 3-1 ಗೋಲುಗಳಿಂದ ಸೋಲಿಸಿ ಸ್ಯಾಫ್ ಸುಜುಕಿ ಕಪ್‌ ಫ‌ುಟ್ಬಾಲ್‌ ಕೂಟದ ಫೈನಲ್‌ ಹಂತಕ್ಕೇರಿತು.

ಮೊದಲ ಅವಧಿಯಲ್ಲಿ ಉಭಯ ತಂಡಗಳು ಗೋಲು ಹೊಡೆಯಲು ವಿಫ‌ಲವಾಗಿದ್ದವು. 49ನೇ ನಿಮಿಷದಲ್ಲಿ ಮನ್ವೀರ್‌ ಗೋಲು ಖಾತೆ ತೆರೆದರು. 69ನೇ ನಿಮಿಷದಲ್ಲಿ ಅವರು ಇನ್ನೊಂದು ಗೋಲು ಹೊಡೆದು ಮುನ್ನಡೆಯನ್ನು 2-0ಕ್ಕೇರಿಸಿದರು. ಬದಲಿ ಆಟಗಾರ ಸುಮೀತ್‌ ಪಾಸ್ಸಿ 83ನೇ ನಿಮಿಷದಲ್ಲಿ ಮೂರನೇ ಗೋಲು ದಾಖಲಿಸಿದರು. ಪಂದ್ಯ ಮುಗಿಯಲು ಇನ್ನೆರಡು ನಿಮಿಷವಿರುವಾಗ ಪಾಕಿಸ್ಥಾನದ ಹಸನ್‌ ಬಶೀರ್‌ ಗೋಲನ್ನು ಹೊಡೆದರು.

ಶನಿವಾರ ನಡೆಯುವ ಫೈನಲ್‌ ಹೋರಾಟದಲ್ಲಿ ಭಾರತವು ಮಾಲ್ದೀವ್ಸ್‌ ತಂಡವನ್ನು ಎದುರಿಸಲಿದೆ. ಮಾಲ್ದೀವ್ಸ್‌ ಮೊದಲ ಸೆಮಿಫೈನಲ್‌ ಪಂದ್ಯದಲ್ಲಿ ನೇಪಾಲ ತಂಡವನ್ನು 3-0 ಗೋಲುಗಳಿಂದ ಸೋಲಿಸಿತ್ತು.