ಚೀನ ಓಪನ್ ಬ್ಯಾಡ್ಮಿಂಟನ್ ಸೋತುಹೋದ ಸಿಂಧು, ಶ್ರೀಕಾಂತ್
Team Udayavani, Nov 10, 2018, 6:55 AM IST
ಫುÂಜು: ಒಲಿಂಪಿಕ್ ಬೆಳ್ಳಿ ಪದಕ ವಿಜೇತೆ ಪಿ.ವಿ. ಸಿಂಧು ಹಾಗೂ ಕೆ. ಶ್ರೀಕಾಂತ್ “ಚೀನ ಓಪನ್ ಬ್ಯಾಡ್ಮಿಂಟನ್’ ಟೂರ್ನಿಯ ಕ್ವಾರ್ಟರ್ ಪೈನಲ್ನಲ್ಲಿ ಸೋತು ಟೂರ್ನಿಯಿಂದ ನಿರ್ಗಮಿಸಿದ್ದಾರೆ. ಬಳಿಕ ಡಬಲ್ಸ್ನಲ್ಲೂ ಸೋಲೇ ಸಂಗಾತಿಯಾಗುವುದರೊಂದಿಗೆ ಭಾರತ ಈ ಕೂಟದಿಂದ ಬರಿಗೈಯಲ್ಲಿ ನಿರ್ಗಮಿಸಿತು.
ವನಿತಾ ಸಿಂಗಲ್ಸ್ ವಿಭಾಗ ಕ್ವಾರ್ಟರ್ ಫೈನಲ್ನಲ್ಲಿ ಅತಿಥೇಯ ನಾಡಿನ ಹೀ ಬಿಂಗ್ಜಾವೊ ವಿರುದ್ಧ ಸಿಂಧು 17-21, 21-17, 15-21 ಗೇಮ್ಗಳಿಂದ ಸೋತು ನಿರಾಸೆ ಮೂಡಿಸಿದರು. ಸಿಂಧುಗೆ ಇದು ಬಿಂಗ್ಜಾವೋ ವಿರುದ್ಧ ಸತತ 3ನೇ ಸೋಲಾಗಿದೆ. ಜುಲೈನಲ್ಲಿ ನಡೆದ ಇಂಡೋನೇಶ್ಯ ಓಪನ್ ಹಾಗೂ ಅಕ್ಟೋಬರ್ನಲ್ಲಿ ನಡೆದ ಫ್ರೆಂಚ್ ಓಪನ್ ಟೂರ್ನಿಗಳಲ್ಲೂ ಸಿಂಧು ಸೋಲನುಭವಿಸಿದ್ದರು.
ಆರಂಭಿಕ ಗೇಮ್ನಲ್ಲಿ ಸ್ಪರ್ಧಿಗಳಿಬ್ಬರೂ ಒಬ್ಬರ ಹಿಂದೊಬ್ಬರಂತೆ ಅಂಕ ಗಳಿಸುತ್ತ ಪಂದ್ಯದ ತೀವ್ರತೆಯನ್ನು ಹೆಚ್ಚಿಸಿದರು. 2ನೇ ಗೇಮ್ನ ಆರಂಭದಲ್ಲಿ ಮುನ್ನಡೆಯಲ್ಲಿದ್ದ ಬಿಂಗ್ಜಾವೊಗೆ ತಕ್ಕ ಪೈಪೋಟಿ ನೀಡುವಲ್ಲಿ ಸಿಂಧು ಯಶಸ್ವಿಯಾಗಿ ಸ್ಪರ್ಧೆಯನ್ನು ಸಮಬಲಕ್ಕೆ ತಂದರು.
ನಿರ್ಣಾಯಕ ಗೇಮ್ನಲ್ಲಿ ಬಿಂಗ್ಜಾವೊ ಸಿಂಧುಗೆ ಹೆಚ್ಚಿನ ಅವಕಾಶ ನೀಡದೆ ವಿರಾಮದ ವೇಳೆ 11-6 ಅಂಕಗಳ ಮುನ್ನಡೆ ಕಾಯ್ದುಕೊಂಡರು. ಅನಂತರ ಸಿಂಧು ಕೆಲವು ಅಂಕಗಳನ್ನು ಪಡೆದರಾದರೂ ಬಿಂಗ್ಜಾವೊ ಅವರನ್ನು ಹಿಮ್ಮೆಟ್ಟಿಸಲು ಸಾಧ್ಯವಾಗಲಿಲ್ಲ.
ಮುಗ್ಗರಿಸಿದ ಶ್ರೀಕಾಂತ್
ಪುರುಷರ ಸಿಂಗಲ್ಸ್ ವಿಭಾಗ ಕ್ವಾರ್ಟರ್ ಫೈನಲ್ನಲ್ಲಿ ಶ್ರೀಕಾಂತ್ ವಿಶ್ವದ 3ನೇ ಶ್ರೇಯಾಂಕಿತ ಚೈನೀಸ್ ತೈಪೆಯ ಚುಹು ಟಿನ್ ಚೆನ್ಗೆ ಪೈಪೋಟಿ ನೀಡುವಲ್ಲಿ ವಿಫಲರಾದರು; 14-21, 14-21 ನೇರ ಗೇಮ್ಗಳ ಅಘಾತ ಅನುಭವಿಸಿದರು.
ಡಬಲ್ಸ್ನಲ್ಲೂ ನಿರಾಸೆ
ಅನಂತರ ನಡೆದ ಪುರುಷರ ಡಬಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ನಲ್ಲಿ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ-ಚಿರಾಗ್ ಶೆಟ್ಟಿ ಕೂಡ ಸೋಲನುಭವಿಸಿ ಟೂರ್ನಿಯಿಂದ ಹೊರಬಿದ್ದರು. ಭಾರತೀಯ ಜೋಡಿ ಇಂಡೋನೇಶ್ಯದ ಮೊಹಮ್ಮದ್ ಅಶಾನ್-ಹೆಂಡ್ರ ಸೆತಿವಾನ್ ವಿರುದ್ಧ 11-21, 21-16, 12-21 ಗೇಮ್ಗಳಿಂದ ಪರಾಭವಗೊಂಡಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
IPL 2024; ಚಹಲ್ 200 ವಿಕೆಟ್ಗಳ ಕಮಾಲ್; ಈ ಸಾಧನೆಗೈದ ಮೊದಲ ಬೌಲರ್
Mangalore University; ಪದವಿಗೆ ಸೇರಲು 4 ತಿಂಗಳು ಕಾಯಬೇಕು!
Daily Horoscope; ಉದ್ಯೋಗಸ್ಥರಿಗೆ ಹಿತಶತ್ರುಗಳ ಕಾಟ.ಶನಿ ಅನುಗ್ರಹ ಪ್ರಾಪ್ತಿಯ ಸಮಯ
Andhra ಟಿಡಿಪಿ ಅಭ್ಯರ್ಥಿ ಆಸ್ತಿ ಬರೋಬ್ಬರಿ 5,785 ಕೋ.ರೂ.!
Loksabha election; ಕಾಂಗ್ರೆಸ್ ವಿರುದ್ಧ ಮೋದಿ ಈಗ ದೇಶ ವಿಭಜನೆ ಅಸ್ತ್ರ ಪ್ರಯೋಗ