BREAKING NEWS
ಜಯಪ್ರಕಾಶ್‌ ಹೆಗ್ಡೆ ಗೆಲುವು ಖಚಿತ: ಕೆಪಿಸಿಸಿ ವಕ್ತಾರ ಸುಧೀರ್‌ ಕುಮಾರ್ ಮುರೊಳ್ಳಿ
Brahmos; ಫಿಲಿಪ್ಪೀನ್ಸ್‌ಗೆ ಬ್ರಹ್ಮೋಸ್‌: ಭಾರತದ ಮೊದಲ ರಫ್ತು
ಓಲೈಕೆ ರಾಜಕಾರಣ ಮಾಡುವ ಕಾಂಗ್ರೆಸ್‌ಗೆ ಜನ ತಕ್ಕ ಪಾಠ ಕಲಿಸಲಿದ್ದಾರೆ: ಮಂಜು
ಅಡಿಕೆ ಎಲೆ ಹಳದಿ ರೋಗದ ವರದಿ ಬಿಡುಗಡೆ-ಹಕ್ಕೊತ್ತಾಯ ಮಂಡನೆ
ಕಾರ್ಗಿಲ್‌ ಯೋಧ ಮೆಲ್ವಿನ್‌ ಆಳ್ವರಿಗೆ ಮಿಲಿಟರಿ ಗೌರವ ಸಹಿತ ಅಂತ್ಯಸಂಸ್ಕಾರ
High Court ಮೆಟ್ಟಿಲೇರಿದ್ದ ಕೋವಿ ಪರವಾನಿಗೆದಾರರು
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್
Globant; ಮನೆಯಿಂದಲೇ 30,000 ಮಂದಿ ಕೆಲಸ
Rain ಕರಾವಳಿಯ ವಿವಿಧೆಡೆ ಗಾಳಿ ಸಹಿತ ಉತ್ತಮ ಮಳೆ
Pak ಆತ್ಮಾಹುತಿ ದಾಳಿ: ಐವರು ಜಪಾನೀಯರು ಪಾರು
EC ಚುನಾವಣ ಆಯೋಗ ಅಲ್ಲ, ಬಿಜೆಪಿ ಆಯೋಗ: ಮಮತಾ ಬ್ಯಾನರ್ಜಿ ಟೀಕಾಸ್ತ್ರ
Kasaragod ವಿವಿಪ್ಯಾಟ್ಗಳಲ್ಲಿ ದೋಷಗಳಿಲ್ಲ: ಚುನಾವಣಾಧಿಕಾರಿ
ರಾಜ್ಯದಲ್ಲಿ ಐದೂವರೆ ಸಿಎಂಗಳು: ಬಿಜೆಪಿ ರಾಷ್ಟ್ರೀಯ ವಕ್ತಾರ ಗೌರವ್ ಭಾಟಿಯಾ ವ್ಯಂಗ್ಯ
ರಾಜ್ಯಕ್ಕೆ ಅನ್ಯಾಯವಾದಾಗ ಸ್ಪಂದಿಸದ ಕೇಂದ್ರ ಸರಕಾರ: ಇಂಧನ ಸಚಿವ ಜಾರ್ಜ್
ED; ನಾನು ತಿಂದದ್ದು ಮೂರೇ ಮಾವು: ಕೋರ್ಟ್ಗೆ ಕೇಜ್ರಿವಾಲ್ ಮಾಹಿತಿ
ಕರ್ನಾಟಕ ದಾಳಿಗೆ ಉದುರಿದ ವಿದರ್ಭ
Team Udayavani, Nov 13, 2018, 6:00 AM IST
ನಾಗ್ಪುರ: ಪ್ರಸ್ತುತ ರಣಜಿ ಋತುವಿನಲ್ಲಿ ಕರ್ನಾಟಕ ತನ್ನ ಮೊದಲ ಪಂದ್ಯವನ್ನು ಹಾಲಿ ಚಾಂಪಿಯನ್‌ ವಿದರ್ಭ ವಿರುದ್ಧ ಆರಂಭಿಸಿದೆ. ಮೊದಲು ಬ್ಯಾಟಿಂಗ್‌ ಆಯ್ದುಕೊಂಡ ವಿದರ್ಭ, ಕರ್ನಾಟಕದ ಬಿಗಿ ಬೌಲಿಂಗ್‌ಗೆ ಸಿಲುಕಿ ಕುಸಿತ ಅನುಭವಿಸಿದೆ. ಮೊದಲ ದಿನದ ಅಂತ್ಯಕ್ಕೆ ವಿದರ್ಭ ಸ್ಕೋರ್‌ 8 ವಿಕೆಟಿಗೆ 245 ರನ್‌.
ವಿದರ್ಭ ದಿನದಾಟವನ್ನು ಆತಂಕದಿಂದಲೇ ಆರಂಭಿಸಿತ್ತು. ಮೊದಲೆರಡು ವಿಕೆಟ್‌ಗಳು ಕೇವಲ 31 ರನ್‌ ಆದಾಗ ಉದುರಿದ್ದವು. ನಾಯಕ ಫೈಜ್‌ ಫ‌ಜಲ್‌ ಕೇವಲ 22 ರನ್‌ ಮಾಡಿ ಔಟಾದರು. ಬಳಿಕ 116 ರನ್‌ ಆಗುವ ವರೆಗೆ ವಿಕೆಟ್ ಕಳೆದುಕೊಳ್ಳಲಿಲ್ಲ. ಆಗ 41 ರನ್‌ ಗಳಿಸಿದ್ದ ವಾಸಿಂ ಜಾಫ‌ರ್‌ ವಿಕೆಟ್ ಉದುರಿತು. ಇಲ್ಲಿಂದ ಮತ್ತೆ ಸ್ಥಿರತೆ ಕಾಪಾಡಿಕೊಂಡ ವಿದರ್ಭ ಒಂದೊಂದೇ ರನ್‌ ಗಳಿಸುತ್ತ 166ರ ವರೆಗೆ ತಲುಪಿತು. ಆಗ ವಿದರ್ಭಕ್ಕೆ ನಿಜವಾದ ಆಘಾತ ಎದುರಾಯಿತು.ವಿದರ್ಭ ಪರ ಆಡುತ್ತಿರುವ ಕರ್ನಾಟಕದ ಗಣೇಶ್‌ ಸತೀಶ್‌ 57 ರನ್‌ ಗಳಿಸಿ ಔಟಾಗುವುದರೊಂದಿಗೆ ಕುಸಿತ ಆರಂಭವಾಯಿತು. ವಿನಯ್‌ ಪಡೆ ಹಿಡಿತ ಸಾಧಿಸಿತು.
ವಿದರ್ಭ ಪರ ಹೋರಾಟ ಮಾಡಿದ ಇನ್ನಿಬ್ಬರು ಬ್ಯಾಟ್ಸ್‌ಮನ್‌ಗಳೆಂದರೆ ಅಕ್ಷಯ್‌ ವಾಡ್ಕರ್‌ ಹಾಗೂ ಆಲ್‌ರೌಂಡರ್‌ ಶ್ರೀಕಾಂತ್‌ ವಾಘ…. ವಾಡ್ಕರ್‌ 48 ಎಸೆತ ಎದುರಿಸಿ 3 ಬೌಂಡರಿಗಳೊಂದಿಗೆ 31 ರನ್‌ ಗಳಿಸಿದರೆ, ಶ್ರೀಕಾಂತ್‌ 58 ಎಸೆತ ಎದುರಿಸಿ 6 ಬೌಂಡರಿಗಳೊಂದಿಗೆ 58 ರನ್‌ ಮಾಡಿದರು.
ಮಿಂಚಿದ ಮಿಥುನ್‌, ಸುಚಿತ್‌
ಗಣೇಶ್‌ ಸತೀಶ್‌ ಮತ್ತು ಅಕ್ಷಯ್‌ ವಾಡ್ಕರ್‌ ನೆರವಿನೊಂದಿಗೆ ವಿದರ್ಭ ಉತ್ತಮ ಮೊತ್ತದತ್ತ ಹೆಜ್ಜೆ ಹಾಕುತ್ತಿದ್ದಾಗ ಪರಿಸ್ಥಿತಿಯನ್ನು ಹಿಡಿತಕ್ಕೆ ತಂದಿದ್ದು ಕರ್ನಾಟಕದ ವೇಗದ ಬೌಲರ್‌ ಅಭಿಮನ್ಯು ಮಿಥುನ್‌ ಹಾಗೂ ಸ್ಪಿನ್ನರ್‌ ಜಗದೀಶ್‌ ಸುಚಿತ್‌. ವಿದರ್ಭದ ಆರಂಭಿಕರಾದ ಫೈಜ್‌ ಫ‌ಜಲ್‌ ಮತ್ತು ರಾಮಸ್ವಾಮಿ ಸಂಜಯ್‌ ಅವರನ್ನು ಮಿಥುನ್‌ ಕಡಿಮೆ ಮೊತ್ತಕ್ಕೆ ಪೆವಿಲಿಯನ್‌ಗೆ ಅಟ್ಟಿದರು. ಕಡೆಯ ಹಂತದಲ್ಲಿ ದರ್ಶನ್‌ ನಲ್ಕಂಡೆ ವಿಕೆಟ್ ಉರುಳಿಸಿದರು. ಮಿಥುನ್‌ ಸಾಧನೆ 32ಕ್ಕೆ 3.
ಮಧ್ಯಮ ಕ್ರಮಾಂಕದಲ್ಲಿ ನೆಲೆ ಕಂಡುಕೊಳ್ಳಲು ವಿದರ್ಭ ಯತ್ನಿಸುತ್ತಿದ್ದಾಗ ಆಘಾತ ನೀಡಿದವರು ಎಡಗೈ ಆಫ್ಸ್ಪಿನ್ನರ್‌ ಜೆ. ಸುಚಿತ್‌. ಅವರು ಗಣೇಶ್‌ ಸತೀಶ್‌, ಅಕ್ಷಯ್‌ ವಾಡ್ಕರ್‌, ಆದಿತ್ಯ ಸರ್ವಟೆಗೆ ಪೆವಿಲಿಯನ್‌ ಹಾದಿ ತೋರಿಸಿದರು. ಸುಚಿತ್‌ ಗಳಿಕೆ 25ಕ್ಕೆ 3 ವಿಕೆಟ್.ಉಳಿದೆರಡು ವಿಕೆಟ್‌ಗಳನ್ನು ಕರ್ನಾಟಕ ಸಾಧ್ಯವಾದಷ್ಟು ಬೇಗ ಉರುಳಿಸಿದರೆ ಮೇಲುಗೈಗೆ ಯತ್ನಿಸಬಹುದು. ಇದರಲ್ಲಿ ವಿಫ‌ಲವಾದರೆ ವಿದರ್ಭ 300ರ ಗಡಿ ಮುಟ್ಟಬಹುದು. ಹಾಗೇನಾದರೂ ಆದರೆ, ಬೌಲಿಂಗ್‌ ಅಂಕಣದಂತೆ ತೋರುತ್ತಿರುವ ನಾಗ್ಪುರದಲ್ಲಿ ಕರ್ನಾಟಕದ ಬ್ಯಾಟಿಂಗ್‌ ಕೂಡ ಒತ್ತಡಕ್ಕೆ ಸಿಲುಕಬಹುದು.
ಸಂಕ್ಷಿಪ್ತ ಸ್ಕೋರ್‌: ವಿದರ್ಭ ಮೊದಲ ಇನ್ನಿಂಗ್ಸ್‌-8 ವಿಕೆಟಿಗೆ 245 (ಜಿ. ಸತೀಶ್‌ 57, ಜಾಫ‌ರ್‌ 41, ವಾಘ… ಔಟಾಗದೆ 37, ವಾಡ್ಕರ್‌ 31, ಸುಚಿತ್‌ 25ಕ್ಕೆ 3, ಮಿಥುನ್‌ 32ಕ್ಕೆ 3, ವಿನಯ್‌ 34ಕ್ಕೆ 1).
ಟಾಪ್ ನ್ಯೂಸ್
