ಪುಣೆಯನ್ನು ಮಣಿಸಿದ ಬೆಂಗಾಲ್ ವಾರಿಯರ್
Team Udayavani, Nov 18, 2018, 6:55 AM IST
ಅಹ್ಮದಾಬಾದ್: ಶನಿವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ 26-22 ಅಂಕಗಳ ಅಂತರದಿಂದ ಪುನೇರಿ ಪಲ್ಟಾನ್ ತಂಡವನ್ನು ಸೋಲಿಸಿದೆ. ಅನಂತರ ಸಾಗಿದ ಆತಿಥೇಯ ಗುಜರಾತ್ ಫಾರ್ಚೂನ್ಜೈಂಟ್ಸ್-ಬೆಂಗಳೂರು ಬುಲ್ಸ್ ನಡುವಿನ ಪಂದ್ಯ 30-30 ಅಂಕಗಳಿಂದ ಟೈ ಆಯಿತು.
ಪುನೇರಿ ಪಲ್ಟಾನ್ ತಂಡದ ರೈಡರ್ ಜಿ.ಬಿ. ಮೋರೆ 9 ಅಂಕ ತಂದಿತ್ತು ಉತ್ತಮ ಹೋರಾಟ ನಡೆಸಿದರು. ಒಟ್ಟು 16 ಸಲ ಎದುರಾಳಿ ಕೋಟೆಗೆ ಲಗ್ಗೆ ಹಾಕಿ ಪರಾಕ್ರಮ ಮೆರೆದರು. ಆದರೆ ಇವರ ಪ್ರಯತ್ನ ಫಲ ಕೊಡಲಿಲ್ಲ. ಟ್ಯಾಕ್ಲಿಂಗ್ನಲ್ಲಿ ಗಿರೀಶ್ ಮಾರುತಿ ಎರ್ನಾಕ್ 3 ಅಂಕವನ್ನು ಅಗತ್ಯ ಸಮಯದಲ್ಲಿ ತಂಡಕ್ಕೆ ಒದಗಿಸಿಕೊಟ್ಟರಾದರೂ ಪ್ರಯೋಜನವಾಗಲಿಲ್ಲ.
ಇನ್ನೊಂದೆಡೆ ಬೆಂಗಾಲ್ ವಾರಿಯರ್ ಮೊದಲ ಪಂದ್ಯದಲ್ಲಿ ಸೋಲಿನ ಬಳಿಕ ಎಚ್ಚೆತ್ತುಕೊಂಡು ಆಡಿತು. ರೈಡರ್ ಮಣೀಂದರ್ ಸಿಂಗ್ (6 ಅಂಕ), ಆಲ್ರೌಂಡರ್ ರವೀಂದ್ರ ರಮೇಶ್ (5 ಅಂಕ) ಉತ್ತಮ ಯಶಸ್ಸು ಕಂಡರು. ಆದರೆ ಟ್ಯಾಕಲ್ ನಡೆಸುವಲ್ಲಿ ಬೆಂಗಾಲ್ ಆಟಗಾರರು ಮತ್ತೂಮ್ಮೆ ವಿಫಲರಾದರು. ಆದರೂ ಬೆಂಗಾಲ್ ಗೆದ್ದು ಬೀಗಿದ್ದು ವಿಶೇಷ!