ಕಾಫಿ ಡೇ ಕಾರ್ ರ್ಯಾಲಿಗೆ ಚಾಲನೆ
Team Udayavani, Dec 1, 2018, 6:55 AM IST
ಚಿಕ್ಕಮಗಳೂರು: ಚಿಕ್ಕಮಗಳೂರು ಮೋಟಾರ್ ನ್ಪೋರ್ಟ್ಸ್ ಕ್ಲಬ್ ಆಶ್ರಯದಲ್ಲಿ ನಡೆಯುತ್ತಿರುವ ಕಾಫಿ ಡೇ ಇಂಡಿಯನ್ ನ್ಯಾಷನಲ್ ರ್ಯಾಲಿ ಚಾಂಪಿಯನ್ಶಿಪ್ನ 4ನೇ ಸುತ್ತಿನ ರೇಸ್ಗೆ ಶುಕ್ರವಾರ ಪ್ರೇಕ್ಷಕರ ಹಂತದ ಸ್ಪರ್ಧೆಯ ಮೂಲಕ ಚಾಲನೆ ನೀಡಲಾಯಿತು.
ನಗರದ ಆಂಬರ್ ವ್ಯಾಲಿ ಶಾಲೆ ಆವರಣದಲ್ಲಿ ಶುಕ್ರವಾರ ಮಧ್ಯಾಹ್ನ 2.30ಕ್ಕೆ ಸ್ಪರ್ಧೆಗೆ ಚಾಲನೆ ನೀಡಲಾಯಿತು. ಸೂಪರ್ ಸ್ಪೆಷಲ್ ಕ್ಲಾಸ್ ವಿಭಾಗದ ಸ್ಪರ್ಧೆಗಳು ಶ್ರೇಯಾಂಕ ರಹಿತ ಚಾಲಕರಿಂದ ಆರಂಭವಾಯಿತು. ಪ್ರೇಕ್ಷಕರ ಸುತ್ತಿನ ಸ್ಪರ್ಧೆಯಲ್ಲಿ 5 ಬಾರಿ ಚಾಂಪಿಯನ್ ಪಟ್ಟ ಗಿಟ್ಟಿಸಿಕೊಡ ಗೌರವ್ ಗಿಲ್ ಮತ್ತು ಮೂಸಾ ಷರೀಫ್ ಜೋಡಿ 2.19 ಕಿ.ಮೀ. ದೂರವನ್ನು 2 ನಿಮಿಷ 34.7 ಸೆಕೆಂಡುಗಳಲ್ಲಿ ಪೂರ್ಣಗೊಳಿಸಿ ಮೊದಲ ದಿನದ ಗೌರವ ಪಡೆದುಕೊಂಡರು.ಅಮಿತ್ ರಜತ್ ಘೋಷ್ ಹಾಗೂ ಅಶ್ವಿನ್ ನಾಯಕ್ 2 ನಿಮಿಷ 35.1 ಸೆಕೆಂಡುಗಳಲ್ಲಿ ಕ್ರಮಿಸಿ ಎರಡನೇ ಸ್ಥಾನವನ್ನು ಹಾಗೂ ಕರ್ಣ ಕಡೂರು ಮತ್ತು ನಿಖೀಲ್ ಪೈ ಜೋಡಿ 2 ನಿಮಿಷ 36.1 ಸೆಕೆಂಡುಗಳಲ್ಲಿ ನಿಗದಿತ ದೂರ ಪೂರ್ಣಗೊಳಿಸಿ 3ನೇ ಸ್ಥಾನ ಪಡೆದುಕೊಂಡರು.
ಐ.ಎನ್.ಆರ್.ಸಿ. 1 ವಿಭಾಗದಲ್ಲಿ ಗೌರವ್ ಗಿಲ್ ಮತ್ತು ಮೂಸಾ ಷರೀಫ್ ಜೋಡಿ ಮೊದಲ ಸ್ಥಾನ ಪಡೆದರೆ, ಅಮಿತ್ ರಜತ್ ಘೋಷ್ ಮತ್ತು ಅಶ್ವಿನ್ ನಾಯಕ್ ಜೋಡಿ ಎರಡನೇ ಸ್ಥಾನ ಪಡೆಯಿತು. ರ್ಯಾಲಿಯ ಎರಡನೇ ದಿನವಾದ ಶನಿವಾರ ಮೂಡಿಗೆರೆ ಮತ್ತು ಬೇಲೂರು ತಾಲೂಕಿನ ಕಾಫಿ ತೋಟಗಳ ಮಣ್ಣಿನ ರಸ್ತೆಯಲ್ಲಿ ರೇಸ್ ನಡೆಯಲಿದೆ.
– ಎಸ್.ಕೆ.ಲಕ್ಷ್ಮೀಪ್ರಸಾದ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Patna: ಪಾಟ್ನಾದಲ್ಲಿ ನಿತೀಶ್ ಕುಮಾರ್ ಪಕ್ಷದ ನಾಯಕನ ಗುಂಡಿಕ್ಕಿ ಹತ್ಯೆ… ಆರೋಪಿಗಳು ಪರಾರಿ
Ramakrishna Mission: ರಾಮಕೃಷ್ಣ ಮಠ, ಮಿಷನ್ನ ಅಧ್ಯಕ್ಷರಾಗಿ ಕನ್ನಡಿಗ ಸ್ವಾಮೀಜಿ ಆಯ್ಕೆ
Sam Pitroda: ಪಿತ್ರೋಡಾ ಹೇಳಿಕೆ, ನಮ್ಮ ಅಭಿಪ್ರಾಯ ಅಲ್ಲ: ಕಾಂಗ್ರೆಸ್
Lok Sabha Election: ಸೀನಿಯರ್ ಖೂಬಾಗೆ ಜ್ಯೂನಿಯರ್ ಖಂಡ್ರೆ ಸವಾಲು
Vote: ಉದಾಸೀನ ಮಾಡದಿರಿ, ತಪ್ಪದೇ ಮತ ಹಾಕಿ…