ಕೆನಡಾ-ದಕ್ಷಿಣ ಆಫ್ರಿಕಾ ಪಂದ್ಯ ಡ್ರಾ
Team Udayavani, Dec 3, 2018, 6:55 AM IST
ಭುವನೇಶ್ವರ: ಬೆಲ್ಜಿಯಂ ವಿರುದ್ಧ ಗಮನಾರ್ಹ ನಿರ್ವಹಣೆ ನೀಡಿದ್ದ ಕೆನಡಾ, ಭಾನುವಾರದ ತನ್ನ 2ನೇ ವಿಶ್ವಕಪ್ ಲೀಗ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಡ್ರಾ ಸಾಧಿಸಿದೆ.
ಸಾಮಾನ್ಯ ತಂಡಗಳ ನಡುವಿನ ಈ ಸಮಬಲದ ಹೋರಾಟ 1-1 ಗೋಲಿನಿಂದ ಅಂತ್ಯಗೊಂಡಿತು. ಮೊದಲ 2 ಅವಧಿಗಳಲ್ಲಿ ಎರಡೂ ತಂಡಗಳಿಗೆ ಗೋಲು ಗಳಿಕೆ ಸಾಧ್ಯವಾಗಲಿಲ್ಲ. 3ನೇ ಕ್ವಾರ್ಟರ್ ಮುಗಿಯಲು ಇನ್ನೇನು 2 ನಿಮಿಷ ಇರುವಾಗ ದಕ್ಷಿಣ ಆಫ್ರಿಕಾದ ಎನ್ಕೊಬೈಲ್ ಎನ್ಟುಲಿ ಆಕರ್ಷಕ ಫೀಲ್ಡ್ ಗೋಲ್ ಮೂಲಕ ಖಾತೆ ತೆರೆದರು. ಇನ್ನೇನು ತೃತೀಯ ಕ್ವಾರ್ಟರ್ ಮುಕ್ತಾಯದ ಶಿಳ್ಳೆ ಕೇಳಿಬರಬೇಕು, ಅಷ್ಟರಲ್ಲಿ ಕೆನಡಾದ ಸ್ಕಾಟ್ ಟಪ್ಪರ್ ಪೆನಾಲ್ಟಿ ಸ್ಟ್ರೋಕ್ ಮೂಲಕ ಪಂದ್ಯವನ್ನು ಸಮಬಲಕ್ಕೆ ತಂದೇ ಬಿಟ್ಟರು. ಕೊನೆಯ ಕ್ವಾರ್ಟರ್ನಲ್ಲಿ ಎರಡೂ ತಂಡಗಳು ರಕ್ಷಣೆಗೆ ಹೆಚ್ಚಿನ ಒತ್ತು ನೀಡಿದ್ದರಿಂದ ಯಾರಿಂದಲೂ ಗೋಲು ದಾಖಲಾಗಲಿಲ್ಲ. “ಸಿ’ ವಿಭಾಗದ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಭಾರತದ ವಿರುದ್ಧ 5-0 ಗೋಲುಗಳಿಂದ ಸೋತಿತ್ತು. ಕೆನಡಾ 2-1ರಿಂದ ಬೆಲ್ಜಿಯಂಗೆ ಶರಣಗಿತ್ತು.