ಕತಾರ್ ಓಪನ್ ಕ್ವಾರ್ಟರ್ ಫೈನಲ್ಗೆ ಜೊಕೋವಿಕ್
Team Udayavani, Jan 4, 2019, 12:30 AM IST
ದೋಹಾ: ವಿಶ್ವದ ನಂ. ವನ್ ಟೆನಿಸಿಗ ನೊವಾಕ್ ಜೊಕೋವಿಕ್ “ಕತಾರ್ ಓಪನ್’ ಟೂರ್ನಿಯಲ್ಲಿ ಕ್ವಾರ್ಟರ್ ಫೈನಲ್ಗೆ ಪ್ರವೇಶಿಸಿದ್ದಾರೆ.
ಬುಧವಾರ ನಡೆದ ಪಂದ್ಯದಲ್ಲಿ ಜೊಕೋವಿಕ್ ಹಂಗೇರಿಯ ಮಾರ್ಟನ್ ಫುಕೊÕವಿಕ್ಸ್ ಅವರನ್ನು 2 ಗಂಟೆಗಳ ಹೋರಾಟದ ಬಳಿಕ 4-6, 6-4, 6-1 ಸೆಟ್ಗಳಿಂದ ಸೋಲಿಸಿದರು.
ಜೊಕೋವಿಕ್ ಕ್ವಾರ್ಟರ್ ಫೈನಲ್ನಲ್ಲಿ ಜಾರ್ಜಿಯಾದ ನಿಕೋಲಸ್ ಬಸಿಲಶ್ವಿಲಿ ಅವರನ್ನು ಎದುರಿಸಲಿದ್ದಾರೆ. ಸಿಂಗಲ್ಸ್ ವಿಭಾಗದ ಇನ್ನೊಂದು ಪಂದ್ಯದಲ್ಲಿ ಸ್ಟಾನಿಸ್ಲಾಸ್ ವಾವ್ರಿಂಕ ಚಿಲಿಯ ನಿಕೋಲಸ್ ಜೆರ್ರಿ ವಿರುದ್ಧ 6-4, 7-6 (7-3) ಸೆಟ್ಗಳಿಂದ ಗೆಲುವು ದಾಖಲಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ಜೋಕೊ ಸಹೋದರ ಓಟ
ಡಬಲ್ಸ್ ವಿಭಾಗದಲ್ಲಿ ಜೊಕೋವಿಕ್ ಸಹೋದರರಾದ ನೊವಾಕ್ ಜೊಕೋವಿಕ್-ಮಾರ್ಕೊ ಜೊಕೋವಿಕ್ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಇವರು ದಮಿರ್ ಜುಹುರ್-ದುಶಾನ್ ಲಾಜೋವಿಕ್ ಜೋಡಿಯನ್ನು 7-5, 3-6, 10-7 ಸೆಟ್ಗಳಿಂದ ಸೋಲಿಸಿದರು. ಸೆಮಿಫೈನಲ್ನಲ್ಲಿ ಇವರು ಪಿಯರೆ ಹ್ಯೂಸ್ ಹರ್ಬರ್ಟ್- ಡೇವಿಡ್ ಗೊಫಿನ್ ಜೋಡಿಯನ್ನು ಎದುರಿಸಲಿದೆ.