ಪಂದ್ಯದ ವೇಳೆ ಹೃದಯಾಘಾತ ಯುವ ಫ‌ುಟ್ಬಾಲಿಗ ನಿಧನ

Team Udayavani, Feb 12, 2019, 12:30 AM IST

ಕೋಲ್ಕತಾ: ಇಲ್ಲಿ ನಡೆದ ಅಂತರ್‌ ವಿಶ್ವವಿದ್ಯಾಲಯ ಫ‌ುಟ್‌ಬಾಲ್‌ ಪಂದ್ಯದ ವೇಳೆ ಹೃದಯಾಘಾತದಿಂದ ಆಟಗಾರನೊಬ್ಬ ಸಾವಿಗೀಡಾಗಿದ್ದಾನೆ. ದುರಂತ ಅಂತ್ಯ ಕಂಡ ಈ ಎಳೆಯ ಆಟಗಾರನೇ, 23 ವರ್ಷದ ರಿತಿಕ್‌ ದಾಸ್‌.

ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ಪೂರ್ವ ಕೇಂದ್ರದಲ್ಲಿ ಪಂದ್ಯವನ್ನು ಆಯೋಜಿಸಲಾಗಿತ್ತು. ಈ ಪಂದ್ಯದ ವೇಳೆ ದುರ್ಘ‌ಟನೆ ಸಂಭವಿಸಿದೆ. ರಿತಿಕ್‌ ದಾಸ್‌ ಒಡಿಶಾದ ಕಟಕ್‌ನ ರಾಷ್ಟ್ರೀಯ ಕಾನೂನು ಮಹಾವಿದ್ಯಾಲಯದ ವಿದ್ಯಾರ್ಥಿ. ಪಂದ್ಯ ಸಾಗುತ್ತಿದ್ದ ವೇಳೆಯೇ ಕುಸಿದು ಬಿದ್ದಿದ್ದಾನೆ. ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಈ ವೇಳೆ ಪರೀಕ್ಷಿಸಿದ ವೈದ್ಯರು ಆತ ಮೃತಪಟ್ಟಿರುವುದಾಗಿ ಘೋಷಿಸಿದರು.

2017-18ರಲ್ಲಿ ಸಾಯ್‌ ಪೂರ್ವ ಕೇಂದ್ರದಲ್ಲಿ ನಡೆದಿದ್ದ ಬ್ಯಾಡ್ಮಿಂಟನ್‌ ಕೂಟದ ವೇಳೆಯೂ ಇಂಥದೇ ಘಟನೆ ನಡೆದಿತ್ತು. ಅಂದು ನಿಹರೆಂಡು ಮಲಿಕ್‌ ಸಾವಿಗೀಡಾಗಿದ್ದನ್ನು ಸ್ಮರಿಸಬಹುದು.