CONNECT WITH US  

ಗೌರಿ ಲಂಕೇಶ್‌ ಹತ್ಯೆ:ಬೆಳಗಾವಿಯ  ಮತ್ತೂಬ್ಬ ಯುವಕ ಎಸ್‌ಐಟಿ ವಶಕ್ಕೆ

ಸಾಂದರ್ಭಿಕ ಚಿತ್ರ

ಬೆಳಗಾವಿ: ಗೌರಿ ಲಂಕೇಶ್‌ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಗರದ ಗಣೇಶಪುರ ಜ್ಯೋತಿನಗರ ಬಳಿಯ ಸಾಗರ ಎಂಬುವನನ್ನು ಎಸ್‌ಐಟಿ ವಶಕ್ಕೆ ಪಡೆದುಕೊಂಡಿದ್ದು, ವಿಚಾರಣೆಗಾಗಿ ಬೆಂಗಳೂರಿಗೆ ಕರೆದೊಯ್ಯಲಾಗಿದೆ.

ಬೆನಕನಹಳ್ಳಿ ಗ್ರಾಪಂ ಸದಸ್ಯನಾಗಿರುವ ಸಾಗರ, ಹಿಂದೂ ಸಂಘಟನೆಯೊಂದಿಗೆ ಗುರುತಿಸಿಕೊಂಡಿದ್ದ. ಈ ಮುಂಚೆ ಬಂಧನಕ್ಕೊಳಗಾಗಿರುವ ಭರತ ಕುರಣೆಯೊಂದಿಗೆ ಸತತ ಸಂಪರ್ಕದಲ್ಲಿದ್ದ. ಖಾನಾಪುರ ತಾಲೂಕಿನ ಚಿಕಲೆ ಎಂಬ ಗ್ರಾಮದಲ್ಲಿರುವ ಭರತ ಕುರಣೆಯ ರೆಸಾರ್ಟ್‌ನ ತೋಟದ ಲ್ಯಾಂಡ್‌ಸ್ಕೇಪ್‌ ಮಾಡಲು ಈತ ಬರುತ್ತಿದ್ದ. ರೆಸಾರ್ಟ್‌ನ ಇಡೀ ತೋಟದ ನಿರ್ವಹಣೆ ಮಾಡಿದ್ದೇ ಸಾಗರ. ಈ ಹಿನ್ನೆಲೆಯಲ್ಲಿ ಸಾಗರ ಹಾಗೂ ಭರತನ ಮಧ್ಯೆ ಸ್ನೇಹ ಬೆಳೆದಿದ್ದು, ಇಬ್ಬರೂ ಮೊಬೈಲ್‌ ಮೂಲಕ ಸಂಪರ್ಕದಲ್ಲಿದ್ದರು. ಮೊಬೈಲ್‌ ಕರೆ ವಿವರ ತೆಗೆದು ನೋಡಿದಾಗ ಭರತ ಹಾಗೂ ಸಾಗರ ಮಧ್ಯೆ ಹೆಚ್ಚಾಗಿ ಮೊಬೈಲ್‌ ಸಂಭಾಷಣೆ ನಡೆದಿದ್ದು ಕಂಡು ಬಂದಿದೆ. ಹೀಗಾಗಿ, ಸಾಗರನನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಗಣೇಶಪುರ ಜ್ಯೋತಿ ನಗರದಲ್ಲಿರುವ ಸಾಗರನ ಮನೆಗೆ ಎಸ್‌ಐಟಿ ತಂಡ ಬಂದಾಗ ಆತ ಸ್ನೇಹಿತನ ಅಂತ್ಯಸಂಸ್ಕಾರಕ್ಕೆ ಹೋಗಿದ್ದ. ಈತ ಬರುವವರೆಗೆ ಎಸ್‌ಐಟಿಯವರು ಮನೆಯ ಹೊರಗಡೆ ಕಾಯುತ್ತ ನಿಂತಿದ್ದರು. ಆತ ಬಂದ ಬಳಿಕ ಆತನನ್ನು ವಶಕ್ಕೆ ತೆಗೆದುಕೊಂಡರು ಎಂದು ತಿಳಿದು ಬಂದಿದೆ.

ಮಹಿಳೆಗೆ ನೋಟಿಸ್‌:
ಇದೇ ವೇಳೆ, ಈಗಾಗಲೇ ಬಂಧಿತನಾಗಿರುವ ಭರತ ಕುರಣೆ ಮನೆಯ ಪಕ್ಕದಲ್ಲಿ ವಾಸವಾಗಿದ್ದ ಮಹಿಳೆಗೆ ಎಸ್‌ಐಟಿ ನೋಟಿಸ್‌ ಕಳುಹಿಸಿದೆ. ವಿಚಾರಣೆ ಸಂದರ್ಭದಲ್ಲಿ ಭರತ ನೀಡಿದ ಮಾಹಿತಿ ಆಧಾರದ ಮೇಲೆ ಮಹಾದ್ವಾರ ರೋಡ್‌ನ‌ ಸಂಭಾಜಿ ಗಲ್ಲಿಯ ಭರತನ ಮನೆ ಪಕ್ಕದಲ್ಲಿ ವಾಸವಾಗಿರುವ ಮಹಿಳೆಯನ್ನು ವಿಚಾರಣೆಗೆ ಬೆಂಗಳೂರಿಗೆ ಬರುವಂತೆ ತಿಳಿಸಲಾಗಿದೆ ಎಂದು ತಿಳಿದು ಬಂದಿದೆ.

Trending videos

Back to Top