CONNECT WITH US  

ಬೆಳಗಾವಿ ಫೌಂಡೇಶನ್‌ಗೆ 10 ಲಕ್ಷ ದೇಣಿಗೆ

ಬೆಳಗಾವಿ: ಸಲ್ಮಾನ್‌ ಖಾನ್‌ ನಡೆಸಿಕೊಡುವ ದಸ್‌ ಕಾ ದಮ್‌ ರಿಯಾಲಿಟಿ ಶೋ ಕಾರ್ಯಕ್ರಮದಲ್ಲಿ ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ ಗೆದ್ದಿದ್ದ 10 ಲಕ್ಷ ರೂ. ಹಣವನ್ನು ಬೆಳಗಾವಿಯ ಎಚ್‌ಐವಿ ಪೀಡಿತ ಮಕ್ಕಳ ಮಹೇಶ ಫೌಂಡೇಶನ್‌ಗೆ ನೀಡುವ ಮೂಲಕ ತಮ್ಮ ವಚನ ಪಾಲಿಸಿದ್ದಾರೆ.

ಶಿಲ್ಪಾ ಶೆಟ್ಟಿ ಈ ರಿಯಾಲಿಟಿ ಶೋದಲ್ಲಿ 10 ಲಕ್ಷರೂ. ಗೆದ್ದಾಗ ಬೆಳಗಾವಿಯ ಸಂಸ್ಥೆಗೆ ನೀಡುವುದಾಗಿ ಘೋಷಿಸಿದ್ದರು. ಆದರೆ ಯಾವ ಸಂಸ್ಥೆ ಎಂದು ಹೇಳಿರಲಿಲ್ಲ. ಆದರೆ ಇತ್ತೀಚೆಗೆ ಇಲ್ಲಿನ ಮಹೇಶ ಫೌಂಡೇಶನ್‌ ಸಂಸ್ಥಾಪಕ ಅಧ್ಯಕ್ಷ ಮಹೇಶ ಜಾಧವ ಅವರಿಗೆ ಕರೆ ಮಾಡಿ ಮುಂಬೈಗೆ ಕರೆಯಿಸಿ ಚೆಕ್‌ ಹಸ್ತಾಂತರಿಸಿದ್ದಾರೆ.

ಬೆಳಗಾವಿಯಲ್ಲಿ ಅನೇಕ ವರ್ಷಗಳಿಂದ ಎಚ್‌ಐವಿ ಪೀಡಿತ ಮಕ್ಕಳಿಗಾಗಿ ಕೆಲಸ ಮಾಡುತ್ತಿರುವ ಮಹೇಶ ಫೌಂಡೇಶನ್‌ ಬಗ್ಗೆ ತಿಳಿದುಕೊಂಡಿರುವ ಶಿಲ್ಪಾ ಶೆಟ್ಟಿ ಹಾಗೂ ಪತಿ ರಾಜ್‌ ಕುಂದ್ರಾ ಅವರು ಮಕ್ಕಳ ಬಗ್ಗೆ ವಿಶೇಷ ಪ್ರೀತಿ ತೋರಿದ್ದಾರೆ. ಶಿಲ್ಪಾಶೆಟ್ಟಿ ಫೌಂಡೇಶನ್‌ದೊಂದಿಗೆ ಕೂಡಿ ವಿಶೇಷ ಮಕ್ಕಳ ಶ್ರೇಯೋಭಿವೃದಿಟಛಿಗಾಗಿ ಶ್ರಮಿಸಲು ಒಪ್ಪಂದ ಮಾಡಿಕೊಂಡಿದ್ದಾರೆ.

ಈಗಾಗಲೇ ನಗರದಲ್ಲಿ ಮಕ್ಕಳಿಗಾಗಿ ನಿರ್ಮಾಣವಾಗುತ್ತಿರುವ ಶಾಲಾ ಕಟ್ಟಡಕ್ಕೆ ಈ ಹಣವನ್ನು ಬಳಸಲಾಗುವುದು ಎಂದು ಮಹೇಶ ಜಾಧವ "ಉದಯವಾಣಿ'ಗೆ ತಿಳಿಸಿದ್ದಾರೆ.

Trending videos

Back to Top