in focus : ರಂಗಭೂಮಿಯಿಂದ ಸಿನಿಮಾಗೆ
Team Udayavani, May 19, 2017, 8:58 PM IST
ನೀವು ಯಾವುದೇ ಕ್ಷೇತ್ರದಲ್ಲಾದರೂ ತೊಡಗಿರಿ, ಆದರೆ ನಿಮ್ಮನ್ನು ಆಕರ್ಷಿಸುವ ಏಕೈಕ ರಂಗವೆಂದರೆ ಅದು ಸಿನಿಮಾ ರಂಗ. ಸಿನಿಮಾರಂಗದೆಡೆಗೆ ಆಕರ್ಷಿತರಾಗದೇ ಇರುವವರು ಕಡಿಮೆ. ಕೆಲವರು ದೂರದಿಂದಲೇ ಸಿನಿಮಾ ಮಾಡುವ ಕನಸು ಕಂಡರೆ ಇನ್ನು, ಕೆಲವರು ಆ ಕ್ಷೇತ್ರಕ್ಕೆ ಬಂದು ತಮ್ಮ ಕನಸನ್ನು ಸಾಕಾರಗೊಳಿಸುತ್ತಾರೆ. ಹೀಗೆ ಕನಸು ಈಡೇರಿದ ಖುಷಿಯಲ್ಲಿದ್ದಾರೆ ಅನುಷಾ. ಯಾವ ಅನುಷಾ ಎಂದರೆ ತೆರೆಗೆ ಸಿದ್ಧವಾಗಿರುವ ‘ಮೋಜೋ’ ಸಿನಿಮಾದ ನಾಯಕಿ ಎನ್ನಬೇಕು. ಅನುಷಾ ಮೂಲತಃ ಇಂಜಿನಿಯರ್. ಸದ್ಯ ಉದ್ಯೋಗದ ಜೊತೆ ಜೊತೆಗೆ ಸಿನಿಮಾದಲ್ಲಿ ತೊಡಗಿಕೊಂಡಿದ್ದಾರೆ.
‘ಮೋಜೋ’ ಎಂಬ ಸಿನಿಮಾವೊಂದು ತಯಾರಾಗಿದ್ದು, ಈಗಾಗಲೇ ಆ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ. ಈ ಚಿತ್ರದ ಮೂಲಕ ಅನುಷಾ ನಾಯಕಿಯಾಗಿ ಎಂಟ್ರಿಕೊಟ್ಟಿದ್ದಾರೆ. ‘ಮೋಜೋ’ ಒಂದು ವಿಭಿನ್ನ ಕಥಾಹಂದರವಿರುವ ಸಿನಿಮಾವಾಗಿದ್ದು, ಅನುಷಾ ಪಾತ್ರ ಹಾಗೂ ಅದರ ಪೋಷಣೆ ಕೂಡಾ ಬೇರೆ ರೀತಿ ಇದೆಯಂತೆ. ಅನುಷಾ ಇಲ್ಲಿ ಮನೋವೈದ್ಯೆಯಾಗಿ ಕಾಣಸಿಕೊಂಡಿದ್ದಾರೆ. ಈ ಪಾತ್ರ ಮಾಡುವ ಮೊದಲು ಅನುಷಾ ಒಂದು ತಿಂಗಳ ಕಾಲ ರಿಹರ್ಸಲ್ ಕೂಡಾ ಮಾಡಿದ್ದಾರೆ.
ಅಂದಹಾಗೆ, ಅನುಷಾಗೆ ‘ಮೋಜೋ’ ಚೊಚ್ಚಲ ಸಿನಿಮಾ. ಹಾಗಂತ ನಟನೆ ಹೊಸದಲ್ಲ. ರಂಗಭೂಮಿಯಲ್ಲಿ ತೊಡಗಿಕೊಂಡಿದ್ದ ಅನುಷಾ ಕೆಲವು ನಾಟಕಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಆ ಅನುಭವದೊಂದಿಗೆ ‘ಮೋಜೋ’ ಪಾತ್ರ ಮಾಡಿದ್ದಾರೆ. ಅನುಷಾಗೆ ಸಿನಿಮಾ ಮೇಲೆ ಸಿನಿಮಾ ಮಾಡಬೇಕೆಂದಿಲ್ಲ. ಏಕೆಂದರೆ, ಅವರು ಇಷ್ಟಪಟ್ಟು ಆರಿಸಿಕೊಂಡು ಇಂಜಿನಿಯರಿಂಗ್ ಕ್ಷೇತ್ರವಿದೆ. ಆದರೆ, ತುಂಬಾ ಭಿನ್ನವಾಗಿರುವ ಕಥೆ, ಪಾತ್ರ ಸಿಕ್ಕರೆ ಮಾಡುವ ಆಸೆ ಅನುಷಾಗಿದೆ. ‘ನನಗೆ ಸಿನಿಮಾದಲ್ಲಿ ಎಷ್ಟು ಹೊತ್ತು ಬಂದು ಹೋಗುತ್ತೇನೆ ಅನ್ನೋದು ಮುಖ್ಯವಲ್ಲ. ಆದರೆ, ಬಂದಷ್ಟು ಹೊತ್ತು ನನಗೆ ಅಭಿನಯಕ್ಕೆ ಅವಕಾಶವಿದೆಯಾ ಅನ್ನೋದು ಮುಖ್ಯ’ ಎನ್ನುತ್ತಾರೆ ಅನುಷಾ.
– ರವಿ ರೈ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Vijayapura; ಯತ್ನಾಳ್ ವಿರುದ್ಧ ಚುನಾವಣಾ ಆಯೋಗಕ್ಕೆ ದೂರು: ಶಿವಾನಂದ ಪಾಟೀಲ
Reliance Jio Profit; ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
Vijayapura; ಚುನಾವಣಾ ಬಾಂಡ್ ತನಿಖೆಯಾದರೆ ಮೋದಿ ಜೈಲಿಗೆ: ಎಂ.ಬಿ. ಪಾಟೀಲ್
Dharwad; ಕಾಂಗ್ರೆಸ್ ಬಂದ ಮೇಲೆ ಅಪರಾಧ ಪ್ರಕರಣಗಳ ಸಂಖ್ಯೆ ಹೆಚ್ಚಳ: ಸಚಿವ ಜೋಶಿ ಗಂಭೀರ ಆರೋಪ
Bridge Collapse: 8 ವರ್ಷಗಳಿಂದ ನಿರ್ಮಾಣವಾಗುತ್ತಿದ್ದ ಸೇತುವೆ ಕುಸಿತ… ತಪ್ಪಿದ ದುರಂತ