ಇನ್ ಫೋಕಸ್: ಅಪೂರ್ವಳ ಅಯನ
Team Udayavani, Sep 8, 2017, 12:54 PM IST
ಕನ್ನಡ ಚಿತ್ರರಂಗದಲ್ಲಿ ಈಗಾಗಲೇ ಅಪೂರ್ವ ಎಂಬ ನಾಯಕಿ ಇದ್ದಾರೆ. ಮೊನ್ನೆ ಮೊನ್ನೆ ಬಿಡುಗಡೆಯಾದ “ಮುಗುಳುನಗೆ’ ಚಿತ್ರದಲ್ಲಿ ನಟಿಸಿದವರೇ ಅಪೂರ್ವ ಅರೋರ. ಈಗ ಮತ್ತೂಬ್ಬ ಅಪೂರ್ವ ಬಂದಿದ್ದಾರೆ. ಇವರು ಅಪೂರ್ವ ಸೋಮ. ಹೌದು, ಅಪೂರ್ವ ಸೋಮ ಎಂಬ ನವನಟಿಯೊಬ್ಬರು ಇಂದು ಬಿಡುಗಡೆಯಾಗುತ್ತಿರುವ “ಅಯನ’ ಚಿತ್ರದ ಮೂಲಕ ನಾಯಕಿಯಾಗಿ ಎಂಟ್ರಿಕೊಡುತ್ತಿದ್ದಾರೆ.
ಅಪೂರ್ವಗೆ ನಟನೆ ಹೊಸದು. ಈ ಹಿಂದೆ ಯಾವುದೇ ಸಿನಿಮಾ, ಧಾರಾವಾಹಿಗಳಲ್ಲೂ ನಟಿಸಿಲ್ಲ. ಆದರೆ, ಸಿನಿಮಾದಲ್ಲಿ ನಟಿಸಬೇಕೆಂಬ ಆಸೆ ಇತ್ತಂತೆ. ಆ ಆಸಕ್ತಿಯೇ ಅಪೂರ್ವ ಅವರನ್ನು ಇವತ್ತು ಚಿತ್ರರಂಗಕ್ಕೆ ಕರೆತಂದಿದೆ. ಅಂದಹಾಗೆ, ಅಪೂರ್ವ ಅವರ ತಾತ ಚಿತ್ರರಂಗದಲ್ಲಿ
ತೊಡಗಿಸಿಕೊಂಡಿದ್ದರಂತೆ. ಅಪೂರ್ವ ಇಂಜಿನಿಯರ್. ಮೈಸೂರಿನಲ್ಲಿ ಇಂಜಿನಿಯರಿಂಗ್ ಓದಿ, ಕಂಪೆನಿಯೊಂದರಲ್ಲಿ ಉದ್ಯೋಗದಲ್ಲಿದ್ದ ಅಪೂರ್ವಗೆ ಮೊದಲ ಅವಕಾಶ ಸಿಕ್ಕಿದ್ದು “ಅಯನ’ ಸಿನಿಮಾದಲ್ಲಿ. ಅಡಿಷನ್ನಲ್ಲಿ ಪಾಲ್ಗೊಂಡ ಅಪೂರ್ವ ಸಿನಿಮಾಕ್ಕೆ ಆಯ್ಕೆಯಾಗಿದ್ದಾರೆ. ಸಿನಿಮಾಕ್ಕೆ ಆಯ್ಕೆಯಾಗುತ್ತಿದ್ದಂತೆ ಕೆಲಸಕ್ಕೆ ಗುಡ್ಬೈ ಹೇಳಿದ್ದಾರೆ. “ನನ್ನ ಆಸಕ್ತಿ ಸಿನಿಮಾ ಕಡೆಗಿದೆ ಎಂದು ಗೊತ್ತಾಯಿತು. ಹಾಗಾಗಿ, ಕೆಲಸ ಬಿಟ್ಟಿದ್ದೇನೆ.
ಮುಂದೆ ಇದೇ ಕ್ಷೇತ್ರದಲ್ಲಿ ಮುಂದುವರೆಯುತ್ತೇನೆ. ಹೊಸ ಬಗೆಯ ಪಾತ್ರಗಳ ಮೂಲಕ ಚಿತ್ರರಂಗದಲ್ಲಿ ನೆಲೆ ನಿಲ್ಲಬೇಕೆಂಬ ಆಸೆ ಇದೆ’ ಎನ್ನುವುದು
ಅಪೂರ್ವ ಮಾತು. ಇನ್ನು, “ಅಯನ’ ಒಂದು ಹೊಸ ಪ್ರಯೋಗದ ಚಿತ್ರವಾದ ಕಾರಣ, ಜನರಿಗೆ ಇಷ್ಟವಾಗುವ ಮೂಲಕ ತನಗೂ ಒಳ್ಳೆಯ ಅವಕಾಶ ಸಿಗುತ್ತದೆ ಎಂಬ ವಿಶ್ವಾಸ ಕೂಡಾ ಅಪೂರ್ವಗಿದೆ. ಅಂದಹಾಗೆ, “ಅಯನ’ದಲ್ಲಿ ಸಾಫ್ಟ್ವೇರ್ ಕ್ಷೇತ್ರದ ಕುರಿತಾದ ಸ್ಟೋರಿ ಇರೋದು ಕೂಡಾ ಅಪೂರ್ವಗೆ ಖುಷಿ ಕೊಟ್ಟಿದೆಯಂತೆ.
ರವಿ ರೈ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Box office: ಈ ವಾರ ಬಾಲಿವುಡ್ನಲ್ಲಿ ಎರಡು ಸಿನಿಮಾಗಳು ರಿಲೀಸ್: 1st Day ಗಳಿಸಿದ್ದೆಷ್ಟು?
Congress: ಕೈಗಾರಿಕೋದ್ಯಮದಿಂದ ನಿರುದ್ಯೋಗ ಸಮಸ್ಯೆಗೆ ಪರಿಹಾರ: ಜೆಪಿ ಹೆಗ್ಡೆ
Neha hiremath Case; ನಿಷ್ಪಕ್ಷ ತನಿಖೆ ನಡೆಸಿ ನ್ಯಾಯ ಒದಗಿಸಲಾಗುವುದು: ಹೆಬ್ಬಾಳ್ಕರ್
Congress: ಉತ್ಸಾಹದ ಉತ್ತುಂಗದಲ್ಲಿ ಕಾಂಗ್ರೆಸ್; ಕಾರ್ಕಳದಲ್ಲಿ ಜೆಪಿ ಪಡೆ ದಿಟ್ಟ ನಡೆ
Fraud: ರೈಸ್ ಪುಲ್ಲಿಂಗ್ ಹೆಸರಿನಲ್ಲಿ ವಂಚನೆಗೆ ಯತ್ನ; 3 ಸೆರೆ, 69.79 ಲಕ್ಷ ವಶ